انت دائي ودوائي الماني الياسمين

المسحوبه وشعرها الأشقر المفرود على كتفيها وبشرتها البيضاء النقيه كانت جميله ولكن تشعرك انها بخطورتها فى كل همسه من حركاتها نعم هى كالقطه وديعه ف الظاهر ولكن مخالبها ظاهره للعيان وكأنها تحذرك انها يمكنها ان تستخدمه فى اى وقت
أنتبه حمزه الى شرود رنا فوضع يده على يديها الموضوعه على الطاوله وقال سرحانه ف أيه 

رنا مفيش 
حمزه مش قلت كدابه فاشله قولى لى مالك 
رنا هى مين أحلام دى 
حمزه دى .... وسكت قليلا ثم قال كان فى بينا شغل من زمان 
شعرت رنا ان حمزه ېكذب عليها فقالت شغل 
حمزه اه شغل يا رنا وياله قولى تاكلى ايه 
رنا اى حاجهاطلب لى على ذوقك 
التف حمزه لينادى النادل ولكنه تفاجئ بكتلة عضلات تجلس مع أحلام رجل ضخم العضلات حتى كاد قميصه المسكين أن ېتمزق من ضغط عضلاته عليه ذو شعر بنى فاتح وعيون شديدة الزرقه كانت أحلام تضحك معه بضحكه تكاد تصيب من حولها بالأزمه القلبيه هذه هى أحلام ان ظهرت فى مكان تتلاشى جميع النساء من حولها مهما كانت درجة جمالهم وذلك ليس فقط لجمالها ولكنها بها شئ وحشى يجذبك اليها بجمالها البرى الوحشى وبعيونها التى تشبه عيون الغزلان نعم فلقبها كانت الغزاله بين المجتمع المخملى
قطعت رنا أفكار حمزه وهى تقول بصوت رقيق حمزه فى حاجه 
الټفت حمزه وبصعوبه أزاح عيونه عن الغزاله الشارده وقال بأبتسامه حاول أضافة فيها بعض العبث وقال ايه رأيك نطلع أوضتنا ونطلب الغدا فوق 
فهمت رنا مغزى كلامه وظهر ذلك فى أحمرار وجنتيها وقالت ما احنا لسه نازلين 
لم يمهلها حمزه فرصه وسحبها من يديها مارا من امام أحلام دون ان يعيرها أى نظره وصعدوا الى غرفتهم ليغرقها معه فى عالم من العشق والجنون
بعدما انتهت موجة عشقهم طلبوا طعامهم فى الغرفه وجلسوا يأكلوا فى صمت الا ان فاجئها حمزه قائلا رنا بعد ما نرجع على آخر الاسبوع هنروح أسيوط عند جدى 
شهقت رنا وقالت لأ 
نظر لها حمزه نظرته السوداء وقال أقعدى يا رنا وبلاش تتصرفى زى الأطفال 
رنا انا بتصرف زى الاطفال 
حمزه اه 
رنا طب ياحمزه انا طفله ومش مسافره 
حمزه بهدوء ماشى يارنا مدام انتى طفله فالأطفال ما بتاخدش رأيهم بتفرض عليهم الأمر الواقع 
رنا بحنق بئه كده ياحمزه 
حمزه وهو يسحب علبة سجائره ويذهب الى الشرفه هو كده يا روح حمزه
خرج حمزه الى الشرفه وترك رنا تغلى وتزبد
بعد قليل دخلت رنا الى الشرفه وهى مطأطأة الرأس شعر بها حمزه وقال دون ان يلتفت لها مش قلتى بتضايقى من ريحة السجاير 
رنا

بخفوت بقيت بحبها 
الټفت لها حمزه وقال مبتسماوهو يمد يده اليها وقال تعالى
حمزه وهو ېلمس على شعرها ليه يا رنا ليه تبقى بوشين هو انتى بتكرهى جدك 
هزت رنا رأسها يمينا ويسارا بمهنى لا 
حمزه خلاص ياحبيبتى ماتخليش كلمتين قالهم رامى تأثر فيكى 
رفعت رنا رأسها والدموع فى عيونها مابقتش عارفه أصدق مين أصدق ان جدى كان قاسى على أبويه ولا أصدق جدى انه كله ده عشان أمى وانها كانت صعبانه عليه 
أبتسم حمزه وقال رنا انتى بتثقى فيه ولا لأ 
رنا طبعا ياحمزه 
حمزه خلاص يبقى تغمضى عينك وخليكى معايه عشان عارف مصلحتك ولو عندى شك ولو واحد فى الميه ان زيارتك ممكن تأذيكى مش ممكن كنت أخليكى تروحى ماشى 
أومأت رنا برأسها موافقه فأببتسم حمزه 
مرت الأيام الباقيه من غير اى أحداث تذكر وخصوصا منذ أختفاء المدعوه أحلام فى صباح اليوم التالى قضوا أيامهم مابين الفندق والرحلات البحريه والجلوس امام الشاطئ
عاد حمزه ورنا بعد انتهاء عطلتهم الى منزلهم
أتصلت دنيا بحمزه لتأكد عليه مووعد حفلة سيف الجيار
دنيا ماتنساش ياحمزه
حمزه خلاص يا دنيا أكدتى عليه خمسن مره 
دنيا انت عارف انى بحب حفلات سيف 
حمزه اممم بس المره دى انا هاخد رنا معايه 
هتفت دنيا غاضبه رنا مين 
حمزه رنا مراتى ايه نستيها 
دنيا وايه علاقة رنا بشغلنا 
حمزه انتى عارفه ان حفلات سيف مش بتبقى حفلات شغل زى الى بنحضرها على انها حفله وف الآخر بتقلب يأجتماع موسع حفلات سيف بتبقى حفلات أجتماعيه وانا حابب أخد رنا معايه 
دنيا بلاش ياحمزه انت مش عارف ممكن تقابلك واحده من الى كنت تعرفهم وتبقى مصېبه 
حمزه انتى ليه محسسانى انى زير نساء يا دنيا انتى عارفه انى عمرى ف حياتى ماتماديت مع اى واحده ورنا مراتى أعقل ست ف الدنيا وفاهمه ان الموضوع مجاملات أجتماعيه وبتثق فيه جدا 
دنيا براحتك يا حمزه بس لعلمك انا رايحه سيف لما كلمنى أكد عليه انى آجى معاك 
حمزه براحتك بس أكيد عزم عماد معاكى 
دنيا عماد ملوش ف الجو ده ممكن تدينى رنا بئه عشان أقولها تلبس انهى فستان 
حمزه لأ هى تلبس الى هى عايزاه 
دنيا بس...
حمزه مفيش بس اله سلام 
ولم ينتظر ردها وأغلق الهاتف
..................................................
أقيم الحفل بأحدى قاعات أكبر الفنادق وحضروه جميع رجال الاعمال وكثير من الوزراء ونوابهم
ظلت رنا طوال الطريق تفرك فى يديها الأثنين وهى حركه تفعلها عندما يصيبها التوتر 
نظر حمزه الى