ابن ليل اميرة اسامة

يا ولا شد حيلك عايزين نقفل
دره طيب اوك بألف هنا بس مش هتاخد خمس دقايق اكيد مش هعطلك
البياع معلش مش هقدر
دره هو في حد يقول للرزق لا قولتلك مش هأخرك
البياع يلا ياولااا شد حيلك
دره تمام يلا يابنات
خرجت دره وقفت بره وهي حاسه ان في حاجه غلط
دارين مامي معلش هو انا ليه حاسه ان الناس هنا كلهم فيهم حاجه غريبه
دره والله يا دارين قبل ما اسافر مكانوش كده 

ديما ياريتنا جبنا من السوبر ماركت اللي كان بره واحنا راجعين
دره فعلا انا بس قولت بدل ما نشيل كل المسافه دي نجيب من هنا احسن بس عادي مش مشكله تعالوا نروح الفرن نشتري شويه حجات
دانه يلا بينا 
دخلت دره على الفرن وكانت عامله زي العيل الصغير اللي مصدق شاف حاجه بيحبها
دره الله على الريحه الحلوه 
دانه مامي انا عايزه من ده شكله حلو
دره عيوني
دره لوسمحت عايزه ااا 
قاطعها البياع معندناش
دره هو ايه ده انا لسه نطقت
البياع معلش البضاعه كلها خارجه وجبرنا
دره هي ايه دي اللي خارجه وبعدين ما انت بتبيع اهو
البياع دول حاجزين اصل الخبيز هنا بيطلع بالطلب والناس دي طالبه من الصبح
دره لا والله يعني عشان اشتري منك حاجه اجي قبلها احجز ده اللي هو ازاي مش فاهمه
البياع والله ده نظامنا والنظام حلو
دره قولتلي النظام حلو ماشي تمام
خرجت دره وهي رافعه حاجبها واتاكدت ان كده في حاجه مش مظبوطه
من بعيد كان واقف كرم متابع كل تحركاتها من محل لمحل وخارجه بأيدها فاضيه ابتسم كرم بنصر وشماته
كرم بصوت عالي معانا ياااااارب
بصت دره والبنات على الصوت
دارين مامي هو بجد البيع هنا صعب اوي كده ولا في حاجه غلط
دره والله يا دارين انا مبقتش فاهمه حاجه بس كل اللي اعرفه ان اكيد في حاجه غلط وهعرفها
طلعت دره موبايلها واتصلت على دعاء 
دعاء ايوه يا دره انتي فين
دره انا تحت في الشارع بس اسمعي كنت عايزه أسألك سؤال
دعاء قولي
دره هو انتوا بتجيبوا طلباتكم ازاي
دعاء مش فاهمه
دره ركزي معايا يا دعاء اقصد بتشتروها ازاي
دعاء يعني يا اما الولا حسن بيجيبلي يا عبدالله بيشيع صبي من الدكان عنده وكل كام يوم بننزل انا نجيبوا حاجتي بنفسي
دره ايووووه ولما بتجيبوها بقى بتجيبوها منين
دعاء هنكونوا بنجيبوها منين يا دره من البياعين تحت
دره يعني اقصد بتواجهوا صعوبه عشان تشتروا او يعني لازم تروحوا تحجزوا 
دعاء يااختي واحنا هنقدموا على قرض اكيد بنجيبوها عادي 
دره امال ليه كل ما ادخل محل اللي يقولي البضاعه متباعه واللي يقولي مفيش وهو عنده واللي يقولي معاد غداء وبتاع الفرن يقولي ده بالحجز
ضحكت دعاء 
دره انتي بتضحكي على ايه مش مصدقاني اكيد 
دعاء لا مصدقاكي بس هو عملها معاكي 
دره انتي بتقولي ايه انا مش فاهمه ومين ده اللي عملها معايا
بصت دره وهي بتتكلم على كرم كان باصص عليها واول ما بصت ناحيته فضل يقطع اللحم
دره ااااااه اوعي تقولي كرم
دعاء هو بعينه
دره احييييه يعني هيوصي البياعين كلهم ميبيعوش ليا حاجه
دعاء قادر ويعملها عملها معانا زمان بس بعد كده ابوكي عمل قاعده عرب هو و المعلم رفاعي وبقينا نشتروا كل حاجه زي باقي الخلق عادي
دره طيب والبياعين ليه يسمعوا كلامه ايه خايفين منه هما كمان
دعاء لا ياستي بيحبوا ولما كان عامل معانا كده زمان كان بيقول للبياعين اللي هيطلبوا منكم ومش هتديهولهم هاخده منكم الضړب في خمسه
دره لا مش فاهمه يعني ايه
دعاء يعني مثلا طلبنا كيسين مكرونه ومحدش باع يروح هو ياخد عشره 
دره ااااااه قولتيلي طيب ده زمان الوقت بقى بيعملوها محبه بس
ولا لسه هياخدها منهم الضړب في خمسه
دعاء بضحك ناويه على ايه يا بت الجمال
دره بإبتسامه شيطانيه كل خير منبقاش دره بت زكريا الجمال إن ما غرمتك يا ابن الرفاعي اقفلي يا دعاء
دعاء بضحك يابت بلاش تنكشيه ده على تكه
دره انا كنت في حالي بس ادام هو حب يعيد ايام زمان اللي عملها معاكم وقرر يلعب معايا على انه قط يستحمل لعب الفار
دعاء والله زمان يا بت الجمال وحشتني مقالبك
دره شكلك هتزهقي منها الفتره الجايه يا اختي اقفلي يابت خليني نروح نبيعه اللي وراه واللي قدامه
دعاء طيب يا اختي سلام
دره بإبتسامه بصت ناحيته وهي بتستحلفله من جواها انت اللي بدأت يا كرم ويا ټندم وتنهي اللعبه دي بسرعه يا ودين محمد كل يوم اخليك 
تطلع كل اللي حيلتك
دارين مامي مامي
دره نعم
دارين سرحتي في ايه هنفضل واقفين كده
دره لا بصوا روحوا اقفولي عند باب البيت او اطلعوا لو عايزين انا هروح اعمل حاجه بسرعه وراجعه
دانه طيب نيجي معاكي
دره لا مش هتأخر خمس دقايق وراجعه
دارين اوك تعالوا يا بنات
راحوا البنات ناحيه البيت وعدوا قدام المحل بتاع جدهم
حسن ايه يابنات عملتوا ايه
دارين بإبتسامه الحمد لله يا حسن قدمنا ورقنا خلاص والمفروض ننزل من بكره بس احنا هنأجلها لبعد بكره عشان في شويه حجات بسيطه محتاجين نشتريها
حسن طيب الحمد لله
زكريا مبروك يا بنات
بصوله البنات ابتسموا بهدوء و سكتوا ثواني
دارين الله يبارك في حضرتك
زكريا هي امكم فين
دارين قالت هتجيب حاجه بسرعه ونستناها
قرب منكش يحط القهوه بتاعت زكريا بص للبنات وهو فاتح بوئه
منكش ايوووووه يا جدعان عالحلاوه
حسن اظبط يا منكش
زكريا بإبتسامه هاديه بتعاكس احفادي قدامي ياولا
منكش نكدبوا يعني يا معلم صراحه اه بنعاكسهم
ضحك زكريا وحسن والبنات
منكش متأخذونيش يا بنات بس الشهاده لله بقالي زمن مشوفتش حلاوه كده
حسن سكته يا جدي بدل ما نضربه
زكريا هنسيب حسن عليك يا منكش وانت حر بقى 
منكش عادي انا اصلا متعود بس على الاقل الواحد ينضرب المرادي على حاجه مستاهله
ضحكوا البنات على خفة ډم منكش
اما عند دره فا دخلت على اول سوبر ماركت
الشاب ايه تاني يا هانم ما قولنا كل حاجه متباعه
دره بص انا لسه جايه من السفر من يومين والبيت عندي فاضي ولو الحاجه الوقت متباعه خلاص رزق اللي هياخدها بالف هنا عليه بس لو معاك يعني ورقه وقلم اكتب ورايا اللي محتجاه لاني عايزه حجات كتير بصت لصاحب السوبر ماركت ولا ايه يا حاج اكيد مش هسيبوني انا وبناتي معنديش حتى كوبايه مايه 
هز صاحب المحل راسه اكتب ياولا وراء الهانم طلباتها
الشاب تمام قولي
دره انا كنت طالبه باكيت مايه معدنيه خليهم خمسه وكنت طالبه اربع علب لبن خليهم عشر علب وكنت طالبه كرتونه بيض خليهم خمسه بردوا وكمان كيلو جبنه تركي واوزنلي
من كل نوع جبنه عندك نص كيلو وحطلي عشر علب تونه
الشاب احيه انتي عندك عزومه
دره بإبتسامه لا بس انا بنحب طلبات البيت تبقى عندي عشان مش بنزل كل شويه حطلي كمان كرتونتين عصير واحده مانجه وواحده تفاح وبكام الشكولاته دي
الشاب دي الواحده بعشرين
دره امممم حلو والكرتونه
الشاب فيها 12 واحده
دره يعني العلبه ب 240 ماشي حطها من ضمن الطلبات ابقى احسب حسبتك بقى ووقت ما تجهز عرفني
الشاب ماشي من عنينا
دره تسلم سلام عليكم
خرجت دره وجري الشاب على صاحب السوبر ماركت
الشاب ايه يا حاج هنعملوا ايه
صاحب الماركت ولا حاجه انت عارف كرم الرفاعي منبه علينا
الشاب ايوه يا حاج بس ده كمان رزقنا وبصراحه دي طالبه طلبات يامه حرام منبعش
صاحب الماركت اعمل اللي بنقولك عليه وبعدين كرم قال اللي هتطلبه هيحاسب عليه خمس اضعاف زي زمان
الشاب زمان مش فاهم
صاحب الماركت روح انت شوف شغلك وهات الورقه دي ولو جات سألتك مره تانيه قولها مفيش لحد ما نشوف كرم هيعمل
ايه
الشاب ماشي 
فضلت دره تدخل وتخرج على المحلات اللي كانت فيها وتضاعف الطلبات وهي بتضحك وشمتانه في كرم
وبعدين راحت على بناتها
دره سلام عليكم
زكريا عليكم السلام مبروك للبنات
دره الله يبارك في حضرتك
منكش احيييييه اتاري يا ولاد البنات مش جايبينه من بره 
زكريا انت ياولا هتفضل لازق جنبي كده
منكش دي احلى لازقه والله يا معلم
دره بضحكه جميله ازيك يا منكش
منكش ايوووووه سمعت ياحسن اللي سمعته دي قالتلي ازيك يا منكش
حسن بضحك ايوه سمعنا يا اخويا ابسط ياعم محدش قدك
منكش لسه فكراني يا ست دره
دره وهو انت تتنسي بردوا يا منكش
منكش ايوه صح انا منتنسيش كاريزما بردوا انت يا ولا يا منكش
ضحكوا كلهم عليه
دره عامل ايه يارب تكون بخير
منكش على حطت ايدك لا طلعت خطوه ولا نزلت خطوه من زمان كان نفسي ناخدوا القهوه من المعلم صبري بعد ما يم وت بس البعيد متبت في الدنيا منعرفش ليه 
دره 
حسن هنقوله
زكريا ياولا عايز تورث الراجل بالحياه
منكش وهو ده حد يعرف ياخد منه جني ده جلده وبعدين اورثه بالحياه ايه بس انا عايزه يم وت شاف ايه حلو من الدنيا عايز يتبت فيها كده
دره بضحك زي ما انت يا مكنش متغيرتش ولسه دمك خفيف
منكش ايوه امال لو شوفتيني بالقميص المشجر يوم اجازتي هنعجبك اوي 
زكريا بضحك روح ياولا امشي على شغلك بدل ما ننادي على معلمك
حسن او نعلقه يا جدي زي الدبيحه ونخلصوا من لسانوا اللي عايز قطعه
منكش لا وعلى ايه انا رايح بنقولك يا ست دره انا بنأجز يوم الاتنين زي الجزارين متنسيش تشوفي القميص المشجر 
حسن امشي ياولااااا
ضحكوا البنات ودره وزكريا على منكش
دره طيب انا هطلع يلا سلام عليكم
زكريا عليكم السلام
حسن سلام يا بنات
بص حسن بعيد لقى هيما ومحمد واحمد واقفين باصين ناحيتهم 
حسن اه يا ولاد الللل
مسك موبايله واتصل على هيما
هيما الووووو
حسن باصص على ايه يا صايع انت وهو
هيما لا بنقولك ايه فوق كده بدل ودين محمد نيجوا نعلقوك قدام جدك
حسن بضحك طيب عينك انت وجوز الخيل اللي جنبك دول بدل ما نخزقهالكم
محمد ولا يا حسن بنات عمتك حلوين اوي
هيما بنقولك ايه مش هتشوف اخواتك 
حسن بضحك ياولا اتلم انت وهو دول بنات عمتي اللي بتتكلموا عنهم
هيما حوش حوش هتعمل فيها بتغير على اهل بيتك ياولا أيش حال ان مكنتش عارفهم من يومين
حسن وهي هتفرق يومين من تلاته
هيما اكيد هتفرق وبعدين احنا قولنا حاجه احنا بنقولولك نتعرف ياولا مش يمكن نعرفوا نلم شمل العيلتين اللي اتبعتر ده
محمد ايوه ويبقى الكبار عكوها والصغار صلحوها
حسن بضحك ايوووووه دي تبقى نمره تصدق انت وهو وقتها الكبار هيعكوها على نفوخنا المرادي ومش بعيد كيرو يحطنا احنا الاربعه على بعض ويعملنا بوفتيك
احمد وانا مالي انا نطقت بس ميمنعش بردوا ان بنات عمتك وعمتك صاروخ
حسن شوف الواد ابن ال
هيما يا ولا انت تطول نناسبكم 
جتكم الهم عيله فقريه
حسن بنقولك ايه انت وهو انا هقفل عشان جدي بيبصلي وبليل نتكلموا
هيما بضحك طب اديني بنقولك اهو انا حاجز البت الطويله ام شعر اسود
حسن شوف حتى وهو بيختار غبي التلاته طولهم قريب من بعض وشعرهم اسود غور يا هيما غور خلينا نشوف اكل عيشنا
هيما سلام
دعاء كانت فطسانه على روحها من الضحك
دعاء يا شيخه حرام عليكي طلبتي كل ده
دره الله مش هو اللي بدأ ده انا عايزه اقولك كل ما نزود في الطلبات يبصوا لبعض في السوبر ماركت
دعاء طبعا الطلبات دي كلها مش هيطلبها غير اللي عنده عزومه وكرم اكيد هيشك ويعرف ان انا اللي قولتلك
دره ما يعرف وخلي اللعب على المكشوف مش هيخليني اشتري من تحت البيت عادي هجيب من بره بس مش قبل ما ندفعه ډم قلبه مش بيقولك دبور وزن على خړاب عشه
دعاء انتي مش قد
كرم الرفاعي يا دره كرم بتاع زمان غير اللي انتي شيفاه واقف تحت
دره لو اللي بيعمله ده يا دعاء هيخليه يحس انه مرتاح ومنتصر عليا خليه يعمله ويرتاح
دعاء شوف يا اختي البت قال يعني هاممها راحته ولما هو كده يا حنينه روحتي ليه طلبتي كل ده
دره بضحك مش عارفه بس حبيت نرخم عليه ونفسي نشوف