انزلي من على الشجرة ياانسة

وشها اتغير بالحزن و بدليل انها مرتبطه بولد زميلنا فانا لما انتبهت لكلامي قولتها باسف ساره مش قصدي حاجه وانتي اكيد فاهمه دا 
هزت ساره راسها وابتسمت ولا يهمك يا رنا بس انتي عندك حق علي فكره علشان كدا انا سيبت مراد 
بصتلها پصدمة ورجعت ضحكت وانا بحضنها وقولت دا احلي خبر صدقيني يا سارة ربنا هيعوضك 
ابتسمت وهيا بتحضني وقربت مننا بنت اسمها تقي ودي بق اسمها اخبار الجامعه قالت وهيا بتقول بمشاكسه موز لوز اراجوز ضحكنا كلنا وهيا قالت بضحك حتت موز انما ايه جميع نساء العالم عاشقين جمال امه هيجي للجامعه النهاردة يلقي خطاب 
بصينالها بضحك وقالت بنت من الي موجودين ودا مين بق 
قالت تقي دا بق ياستي مهندس عنده شركات كتير ناجحه وعميد الكليه طلبه مخصوص يلقي خطاب يشجعنا بيه ها حد جاي 
الكل اتحمس وانا كنت ببصلهم وبضحك علي شكلهم وقربت تقي مني وقالت 
شبه الممثلين الاتراك وغمزتلي وانا ضحكت وساره ضړبتها علي راسها يلا يا مجنونه! 
خلصنا المحاضرات بتاعنا وجه وقت الخطاب كنت همشي بس لفت نظري ان كل شباب وبنات الجامعه والدكاتره واقفين يحضرو الخطاب فالصراحه فضولي اخدني وروحت اشوف مين الشخص الي كلو مهتم بيه كدا وقفت وانا مستنيه اشوفه ! 
طلع ادم علي مسرح الجمعه ودي كانت صدمة رنا 
وقفت مصډومة وانا شايفاه واقف وبيلقي خطاب والكل باصصله باعجاب والدكاتره واقفين باحترام وساره صحبتي كانت بتهتف باسمو بفرحه والكل بينادي عليه ويسألوا وعيني جت في عينو للمرة التانيه وقلبي خلاص كان اتعود علي الدق بصوت عالي ساره خبطني بضحك وانا فوقت وركزت شويه في كلامو وكان خلاص بينهي كلامو بجملة لكل مجتهد نصيب !! 
بالتوفيق ياشباب الكل هتف باسمو وهوا نزل والدكاتره كانو بيسلموا عليه والبنات حواليه مش عارفه ليه حسيت بنغزه في قلبي لما شوفتهم حواليه بصلي وانا واقفه ومركزه مع البنات وهيا بتقرب منو 
فوقت علي صوت ساره وهيا بتقول تعالي يا رنا نسلم عليه 
مكنتش رديت ولقيتها سحباني وراها 
وكان ادم بيتكلم مع الطلاب وبيجاوب علي اسئلتهم واول مبصلي حسيت ان وشي قلب طمطمايه وخجلت جدا وساره قربت منو وسلمت عليه وسألته سؤال وهوا جاوب وانا كنت سامعه رده وعجبني اوي طريقته في الكلام راقي جدا 
ساره بصتلي وقالتلو رنا تعالي واقفه عنك ليه انتبهت ليها وقربت منهم وبصيتلو وقولت ازي حضرتك 
رد عليها بهدوء انا كويس انتي عاملة ايه 
رديت وانا باصه في الارض كويسه 
سارة كانت مستغربه طريقتنا في التعريف وضحكت وهيا بتقول رنا من اشطر المهندسين الي هيتخرجوا من هنا وهيا قدوتنا كلنا 
لما سارة شكرت فيا حسيت بفخر كدا ورفعت عيني وبصيتلوا

وهوا نظراته كانت حلوه اوي توهت فيها وبعدت وانا ببص لساعتي وقولت فرصه سعيده يا بشمهنس ادم بعد ازنك 
مشيت وساره سلمت عليه ومشيت ورايا وهوا كان واقف يبصلي ومبتسم 
قرب منو العميد واخده لمكتبه وانا رجعت حضرت اخر محاضرة ليا وبعدين خرجت من الجامعه 
ومشيت شويه ولقيت عربيه سوداء خمنت اني عرفاها وكان ادم موجود فيها وقرب مني وقال انسه رنا لو سمحتي انا محتاجك في موضوع مهم 
بصتلوا وحسيت ان الموضوع ذاد عن حده وقولت بشمهندس ادم للاسف انا مش هعرف اركب مع حضرتك الباص زمانه علي وصول متشكره 
نزل من عربيته وقرب مني وانا بصيت في كتابي علشان اتجاهلوا بعد الكتاب ب بايديه وقال. ! نور عاوز يشوفك 
رفعت عيني وبصيتلو وقولت وايه المناسيبه 
قالي هوا عمرة ما طلب مني حاجه ودا اول طلب ليه من بعد ما ولدته ماټت 
انا وقتها افتكرت كلام رحيم جوز اختي وان نور عنده عقده نفسيه وكلام غريب كدا بس لما سمعتو قالي انتي اول واحده نور يكلمها وبالزات انو طلب منك طلب والي هوا تجيبيلو الكوره دي الي طلعتي جيبتهالو نور طول عمره بيتكلم قليل ومش بيتعامل مع سيدات بس انا اتفجات زيك بالظبط لما هوا قالي ان في بنت اسمها رنا ساعدته وان حبها وعاوز يشوفها ابتسمت وقولت انا الي حبيته والله !
بصلي بابتسامه بس انا رجعت وقولتله بس مينفعشي اجي معاك اعذرني 
كنت متوقعه ان هيزعل او هيقول كلمه مثلا اني مغروره او كدا بس اتفجات بيه قالي تمام الي يريحك انتي وانا مش هغصب عليكي بعد ازنك! 
ركب عربيته وقالي خلي بالك علي نفسك يارنا 
مشي وانا فضلت بصه للعربيه وانا حاسه اني حبيته حطيت ايدي الي قلبي لما نطقت الكلمه دي والباص وصل وركبت ووصلت شقتنا وكلمت مياده اختي اطمن عليها وانا طالعه علي السلم كانت ماما فاتحه الباب وسامعه صوت دوشه واول مقربت من الشقه قفلت مع مياده ولقيت خلاتي واولادهم وجوز خالي وبنات خالتي يعتبر العيله كلها موجوده وببص لقيت مياده اختي ورحيم طالعين علي السلم اټصدمت من الي حصل دا وقولت اي دا مياده انتي بتعملي ايه هنا اخدتني مياده من ايدي ودخلنا وماما كانت بتجهز عصير هيا وخالتي 
ودخلت اوضتي ومعايا مياده اختي وبنات خالتي كان في فستان جميل موجود علي سرير قربت باستغراب وانا مش فاهمه حاجه هو ايه الي بيحصل دا مسكت الفستان بايدي وقلت هو في ايه الي بيحصل 
مياده قالتلي يلا يا رنا البسي الفستان 
بصيتلها باستغراب وقولت وانا هلبسه بناء عن ايه متفهميني 
ضحكت مياده وحضنتني جايلك عريس يا رنا وبصراحه ميترفضش وماما وانا ورحيم وخالاتك مش شايفين فيه عيب يترفض علشانه 
قولتلها باستغراب بس انا لسا بدرس فس الجامعه ومش مستعده للخطوة دي 
ردت مياده باقناع مهوا العريس عارف دا وقال انو مستحيل يخليكي تسيبي جامعتك وان هو الي هيوديكي بنفسه للجامعه من كلامها حسيت اني عارفه العريس دا كان في شعور غريب اوي حاسه بيه لما مياده قعدت تحكيلي علي العريس دا وفعلا اقنعتني وانا لبست الفستان وبدات مياده تحطلي مكياج وكل دا انا سامعه صوت زغاريد ماما وخلاتي ولما خلاص خلصت الميكب وكنت جهزت مياده قالت عارفه مين دا بق يا رنا 
بصراحه الفضول كان هيموتني واعرف مين دا الي مستعد يعمل علشاني اي حاجه 
قالت عارفه البشمهنس ادم الي وصلنا يوم الحفله الي هوا صاحب القصر والشركه وكدا 
هوااا دااا اااه صوت قلبي الي ظهر لما مياده نطقت اسم ادم مش عارفه ليه كان في احساس كبير اوي جوايا كان بيأكدلي بان هوا ادم 
مياده حطت ايديها علي خدي وشهقت رنا انتي سوخنه
انتبهت ليها وحطيت ايدي علي وشي وحاولت اهدا من التوتر وبعدين مياده ضحكت هههه عليكي يا رنا لما بتقلشي بتبقي فصيله ضحكت علي ضحكها ولقينا ولاء بنت خالتي بتقول يا بنات العريس وصل بس اي دا يا بت يا رنا مز اوي 
بصيتلها بغيره من مغزالتها عليه وقومت عدلت نفسي وبينت

اني مش مهتمه بس جوا قلبي كان بيرقص من الفرحة 
كان وصل ادم واستقبله رحيم وجوز خالتي والي كانو بيسلموا عليه بفخر كدا لان ادم تبارك الله هيبه اوي وشخصيه وكاريزما 
كان نور معاه وجمبه سيده في عمر الخمسين وكانو جايبين هدايا كتير