اوقعني القدر في حبها بقلم دنيا محمد
وصلهم الاوضة وفيروز دخلت الاوضة
بكسرة كان نفسها تتجوز في امان لكن هي قلبها حاسس ان فيه مشاكل بس قالت ف نفسها.. علي الله
وفيروز كانت جهزت وكان شكلها قمر اوي كانت لابسة فستان ابيض رقيق ولمسات ميكب مبرز ملامحها الجميلة وعيونها الزرقاء الجميلة وشعرها الدهبي الجميل اللي نازل علي ضهرها وطلعت وطبعا تقاليد وعادات الصعيد ان فرحهم الستات بتفرح وترقص فالبيت والرجالة برة ادهم كان لابس جلابية جميلة صعيدي وكانت ملامحه رجولية جميلة وشكله انيق وطبعا رقص شوية عشان فرحه برضو وجه وقت المأذون
المأذون.. العروسة موافقة
ادهم بسرعة.. حد ينادي ليها يجماعة
فيروز طلعت وكانت متوترة وسألها المأذون.. موافقة يابنتي
فيروز بابتسامة.. موافقة
ودخلت تاني للستات واشتعلت الزغاريط
المأذون بابتسامة.. بارك الله لكما وبارك عليكما وجمع بينكم في خير.
الستات كلهم زغرطو وادهم قام وضړب ڼار بالمسډس
ريم كانت قاعدة فوق محپوسة وكانت متغاظة لانها كانت مرتبة لفكرة انها تاخد ادهم عندها انهارضة وفيروز كانت تبص من الشباك علي ادهم ورقص الصعيدي بتاعه وكان شكله جميل ومبهج
فاطمة بحب.. الفرح خلص يا ضنايا اطلعي بقا اوضتك واستني جوزك واعملي اللي قولتلك عليه.
صبري بحب.. ع ايه يا ولدي ربنا يبارك فيك ويحفظك يلا يا واد اطلع لعروستك
ادهم ضحك وطلع ودخل الاوضة وكان الجو هادي بس اټصدم لما لقي فيروز طالعة وهي مبتسمة وكانت لابسة فستان قصير من الستان لونه ابيض قبل الركبة وكب وفيه شفونة من عند البطن كان شكلها جميل ورقيق يسحر
فيروز بصتله بابتسامة وراحت ليه وقالت بطفولة.. بجد شكلي حلو
ادهم بلع ريقه وقال.. جميلة جدا يا قلبي
وقرب منها ډفن وشه في عنقها واصبحت فيروز زوجة ادهم قولا وفعلا وريم كانت طول اليوم قاعدة متغاظة وعايزة تخرج من مكانها
تاني يوم الصبح ادهم صحي حس بحاجه عليه فتح عيونه بنوم لقي فيروز نايمة علي صدره وكانت نايمة بعمق وشعرها منسدل علي وشها وضهرها ادهم زاح لها شعرها وقرب منها باس وشها وكان مبسوط جدا انه معاها مكنش بيحس الاحساس ده مع ريم مكنش فيه حب ما بينهم لاكن ع اقل فيه اعجاب بين فيروز وادهم.. حرك ايده ع وشها وهي كانت بتتحرك بضيق
ادهم بابتسامة.. صباح الخير
فيروز بخجل.. صباح النور
ادهم.. هقوم استحمي عشان ننزل نفطر
ادهم وفيروز كانو جهزوا
ادهم بهدوء.. فيروز عايز اتكلم معااكي كلمتين قبل ما ننزل
فيروز هزت راسها
ادهم.. طبعا يا فيروز انتي كبيرة دلوقتي ومتجوزة ف لازم تتحجبي وتغطي
شعرك عشان حرام تسيبي غيرك يشوفه
ادهم بحب.. تمام يلا بينا
ونزلوا تحت
فاطمة بحب.. صباحية مباركة يا حبيبتي الف مبروك
فيروز بخجل.. الله يبارك فيكي يا ماما
فاطمة حضنتها وقالت لهم.. انهارضة لازم امشي عشان سامح بقا
صبري بذوق.. طب متقعدوا معانا هنا
فاطمة باحترام.. معلش يا بيه الواحد بيرتاح فبيته اكتر وبعدين هبقي اجي اطمن علي غرام
ادهم بابتسامة.. خلاص يا حجه علي بليل هخلي السواق يوصلك علي البيت
فاطمة.. تشكر يا ابني
صبري بتسغراب.. اومال ريم فين يا ادهم
ادهم بهدوء.. فوق
صبري بسخرية.. ليه مش عوايدها متنزلش تفطر
ادهم.. لا هي فوق بامر مني واكلها هيوصلها فوق وهتفضل فوق لحد منا اقول تخرج وتنزل تقعد معانا امتي
صبري بتعب.. بس يا ابني كده حرام انا مرضاش بالظلم
ادهم بهدوء عكس اللي جواه.. وربنا ميرضاش بالجحود يابا
صبري سكت عشان عارف ابنه بعد الفطار صبري اخد ادهم في مكتبه
صبري بحب.. هتكلم معاك كلمتين يا ادهم
ادهم بهدوء.. اتفضل يابا
صبري.. دلوقتي لازم تقسم الايام بين فيروز وريم عشان كده يبقي ظلم يا ابني واحنا ناس بتاعت ربنا ومش عايزين نغضبه
ادهم بتعب.. بص يا ابوي انا هقولك حاجة ريم لو كانت عايزاني مكنتش خلتني اتجوز ده اولا ثانيا ريم لو عايزاني ابات معاها ف ده عشان تبينلي انها الاساس وتغيظ فيروز وعشان توريني انها بتديني حقي
صبري.. انت متعرفش نيتها يابني
ادهم بهدوء.. لا اعرف يا ابوي اعرف تفكيرها وكل حاجة لانها عشرة خمس سنين جواز و التكبر والجحود بيزيد عندها يوم. عن يوم بس انا صابر ومستنيها تغلط اكتر عشان عقابها يتقل
صبري بزهق.. خلاص ي بني انا عارف انك. كنت بتحبها بس هي الي كرهتك فيها
ادهم ابتسم بخذلان لابوه وطلع
فيروز كانت قاعدة في الجنينة ادهم. طلع ليها.. قاعدة لوحدك لي
فيروز.. عادي يا ادهم زهقت بس شوية
ادهم بابتسامة.. طب جهزي نفسك عشان هنسافر شهر العسل ولا انتي ناسية اننا عرسان جداد
فيروز بفرحة طفولية.. بجد هنسافر فين
ادهم بحب.. هنسافر دهب
فيروز بفرحة.. الله دا انا سمعت انها جميلة جدا
ادهم هز راسه بفرحة لفرحتها وحس ان عمره محس الاحساس ده خالص مع ريم مع ان سافر معاها كتير بس كانت بتهتم بالمظاهر ولبسها وحاجتها مش بيه ادهم قرر يطلع يشوف ريم
ريم بحزن مصطنع.. كده يا ادهم تسبني كل ده هونت عليك
ادهم ضحك بسخرية.. وفري التمثيل ده كلو انا جاي اقولك كلمة وهسيبك تنزلي برحتك
ريم بسرعه.. ايه فيه ايه
ادهم بخبث.. هسافر انا وفيروز نقضي شهر العسل
ريم بغيظ وڠضب.. لا مش موافقة انتو هتفضلوا هنا ي اما هاجي معاكم
ادهم بحدة.. كلامك يبقي بحدود يا ريم وافتكري كويس بتكلمي مين وبعدين انا مبخدش رايك انا بقولك اللي هيحصل واللي هعمله
ريم بزهق.. وهتقعدو كام يوم بقا
ادهم.. ملكيش فيه
ريم.. ادهم انا مراتك قولي
ادهم بعدم اهتمام.. هقعد شهر ويلا سلام ونزل ل فيروز
ريم في نفسها.. اصبري عليا دا انا هخليه يطلقك ويرميكي ف الشارع زي الكلاب ويرجع يبقي ليا لوحدي
فيروز كانت فاوضتها بتسرح شعرها وسرحانة فالمراية جه ادهم من وراها ولف ايده حوالين وسطها
ادهم.. سرحانة ف ايه
فيروز بابتسامة.. ف الطريقة اللي اتجوزتك بيها
ادهم بحب.. فيروز انا لو حكيتلك انتي حسستيني ب ايه وقد ايه فرحان مش هتصدقيني بجد
فيروز.. دا احنا نعرف بعض من اسبوع يتيم بس
ادهم بضحك.. اه ماهو ده بقا غير كتير ع فكرة
ادهم سند راسو علي جبهتها.. فيروز انا بحبك
فيروز پصدمة .. ايه بتحبني انا
ادهم بحب .. ايوا يا فيروز حبيت طريقتك طفولتك قلبك ريحتك كل حاجة فيكي حبيتها
فيروز كانت مېتة من الفرحة من كلام ادهم بس اتنهدت وقالت بحزن .. ادهم انت متجوز واكيد بتحب مراتك ونت يدوبك هتخلف مني وخلاص
ادهم بلهفة .. لا يا فيروز انتي فاهمة غلط انا مش هخلف واسيبك لو خلفت منك هتفضلي ساكنة قلبي وف كل حته هتبقي معايا
انهي كلامه بقبلة علي خدها بعمق فيروز بصتله ف عيونه بحب .. وانا يا ادهم بحبك بس كنت بحاول اشيلك من قلبي عشان عرفة ان فيوم هتخلف مني وخلاص ابقي خلصت مهمتي
ادهم برفض .. لا يا فيروز انتي فاهمة غلط انا اه
اتجوزتك عشان اخلف وبتاع بس لما شوفتك حبيتك
