رحمه وسيف

_بتحبيني يا رحمه 
احبك ليه انت عبيط 
_انا سمعتك وانتي بتقولي لهند انا بحب سيف ونفسي اعترفله
لا مش سيف انت خالص 
_ امال سيف مين 
اعتقد ميخصكش 
اتأسف سيف بابتسامه لطيفه ومشي 
!!ستوووووووب!!!
رحمه بنت جميله في كلية اعلام محترمه ورفضت شباب كتير حبوا يرتبطوا بيها او يخطبوها علي اعتقاد ان لسه مظهرش فتي احلامها 
هند البيست فريند بتاعتها هند مخطوبه لاحمد احمد ده في كلية علوم بس يعرف معظم الشله بتاعت هند ومقرب ليهم كمان
سيف ده شاب وسيم ومحترم معظم بنات الكليه بتحبه بس هو مش بيعبر ولا وحده فيهم وبرضو علي اعتقاد ان لسه مظهرتش فتاة احلامه .

هند يبنتي مقولتيلوش ليه ايوه بحبك واتنيلتي خلصتي 
مش عارفه مش دلوقتي لما يجي وقت مناسب 
_ وهو في وقت مناسب اكتر من كده عايزاه يعمل ايه يجيبلك دبله ويجيلك البيت مثلا !!
يريت يبقي ريحني 
_ يا رب خدني انا وريحني هتشليني 
خلاص يا هند الموضوع مش مستاهل اصلا 
_ طيب انا عايزه اعرف امتي الوقت المناسب ده 
معرفش بقي قومي نمشي انا اتخنقت 
_ انتي اللي اتخنقتي برضو !!! 
اه يلا بينا 
_ يلا يا ستي 
اتمشوا وهند وصلت البيت ورحمه قررت تتمشي لغاية ما توصل هي كمان 
صوت عربيه بتكلكس تقريبا عايزه تلفت انتباهها 
_ رحمه رحمه 
يووووووه انت تاني انت عايز مني ايه النهارده 
_ مش عايز حاجه تحبي اوصلك 
لا يا سيدي شكرا وخف حك شويه 
_ حك !! 
شكرا يا ست رحمه 
العفو يا استاذ سيف 
مشي سيف وقلب رحمه بدأ يدق جامد
انا كان لازم اعترفله في اللحظه دي مكانش ينفع اقوله كده اصلا 
وقعدت علي الكورنيش وبدأت تتأمل في النيل وهي بتفكر في سيف 
انا بحبه فعلا انا عمر قلبي ما دق لحد بالشكل ده بس انا خاېفه هو ممكن لو اعترفتله ياخد عني فكره وحشه 
طيب ما هو تقريبا سمعني هو مهتم بيا اوي كده ليه 
بيحبني !!!!
قامت رحمه كملت مشي لغاية ما وصلت البيت 
مساء الخير يا ماما 
_ مساء النور يا حبيبتي اتأخرتي ليه 
كنت بتمشي شويه 
_ اتغديتي طيب 
لا يا حبيبتي مليش نفس انا هدخل انام 
_ تمام يا حبيبتي روحي ارتاحي 
دخلت رحمه الاوضه بتاعتها واترمت علي سريرها ولسه بتفكر في سيف جاتلها رنه من هند 
الووو ايوه يا هند 
_ عامله ايه يا رحمه 
عامله ايه في ايه ما احنا كنا لسه مع بعض زي ما سبتيني 
_ طيب يا لمضه عندي ليكي خبر بمليون جنيه 
اخبارك كلها شبهك اصلا 
_ طيب يا ستي حقك عليا 
خلاص خلاص قولي 
_ تؤ تؤ مش انا اخباري شبهي ! 
قصدي انها حلوه هو انتي وحشه يا هنوده يا قمر ! 
_ يسلام علي التثبيت يا سلام 
قولي بقي 
_ النهارده الشله عامله سهره في النادي وسيف هيكون هناك 
وانا اعمل ايه سيف هناك يعني !!
_ يغباوه تعملي ايه ازاي 
اعتقد دي فرصه كويسه جدا انك تعترفيله بحبك هناك وغير كده معظم السهره هتبقي كابلز يعني محدش هياخد باله انكم قاعدين مع بعض اصلا 
وانا اقعد معاه ليه اصلا ثم ان مينفعش انا اعترفله لازم هو اللي يعترف 
_ تقعدي معاه ليه !! 
تقعدي معاه عادي 
تعترفيله علشان انتي اللي بتحبيه مش العكس 
وميبقاش العكس ليه 
_ انا هتشل منك قريب اقسم بالله 
تعالي يا ستي ومتعترفيش بحاجه 
ان شاء الله هفكر هو احمد رايح 
_ اه طبعا رايح 
خلاص انا مش رايحه 
_ ايه مشكلتك مع احمد ده لاخر 
مش مشكله علشان انتوا بتقعدوا مع بعض وانا مش هينفع اقعد وسطيكم وهبقي قاعده لوحدي اصلا 
_ لا يا ستي اقعدي وسطينا عادي بنحب في الفون مش في السهرات احنا 
ههههه هشوف خلاص 
_ لا هتيجي ويلا بقي باي 
اوك باي 
فكرت رحمه كتير قبل ما تنام وقررت انها هتروح علشان تشوف سيف بس مش اكتر ونامت 
صحيت كده مع المغرب ورنت علي هند 
_ ايوه يا رحمه ايه هتيجي معانا 
اه هاجي انتوا هتروحوا امتي بالظبط 
_ يعني انا نص ساعه كده وهقوم البس 
اوك هبقي اكلمك 
طلعت رحمه اوضتها اخدت شاور وغيرت هدومها ورنت علي هند 
ايوه انتي
فين يا بنتي 
_ انتي اللي فين احنا داخلين عليكي اهو 
مين معاكي 
_ هيكون مين يعني اكيد احمد 
اه وترموني لوحدي في الكنبه اللي ورا صح 
_ لا تعالي انتي اقعدي جنبه وانا هقعد في الكنبه اللي ورا !! 
لا مقصدش انا اقصد انتي ترجعي ورا معايا 
_ وهو السواق بتاعنا صح 
انزلي يا رحمه احنا داخلين عليكي اهو انزلي يا ماما
خلاص غوري نازله اهو 
نزلت رحمه لقيت هند واحمد في وشها ركبت معاهم 
عامل ايه يا احمد 
_ الحمد لله يا رحمه انتي عامله ايه 
الحمد لله وانتي يا زفته 
_ زفته !! عامله زي وشك
بغرور زي القمر ولا زي الفل 
_ يلهوي ع التناكه اللي بتجري في دمك 
ايه رأيك فيا وانا تنكه !! 
_ قمر يا حبيبتي 
وصلوا النادي ورحمه بتدور علي سيف في وشوش الناس زي اللي ضايع منها طفل صغير 
احمد وهند ورحمه قعدوا علي ترابيزه لوحدهم 
ورحمه مازالت بتدور بعنيها علي سيف 
بس سيف جا من ضهرها 
_ عاملين ايه يا جماعه 
بخضه مش تكح يبني فزعتني 
_ اكح !! هو انا داخل بيت 
عامل ايه يا سيف 
_ حبيبي يابو حميد انت اخبارك ايه هند عامله ايه 
_ الحمد لله يا سيف انت اخبارك ايه 
_ تمام الحمد لله 
_ اخبارك يا رحمه 
كويسه 
_ يا ساتر ليه من غير نفس كده 
ازغرتلك يعني !! 
ايه يا جماعه هتتخانقوا ولا ايه هاتلك كرسي وتعالي اقعد يا سيف 
يقعد فين 
_ الظاهر انسه رحمه مش حابه وجودي 
لا يا عم هي بتهزر بس 
هند بنظرة غيظ اه هي اكيد بتهزر مش هتحب وجودك ليه بس يا سيف 
رحمه سكتت وسيف جاب كرسي وقعد جنبهم 
سيف كان متفق مع هند انه عايز يقعد مع رحمه لوحدهم 
هند احمد عايزه ايس كريم 
اوك يلا نجيب ايس كريم 
استنوا انا جايا معاكم 
_ احنا مش هنطول خمس دقايق بالظبط وهنيجي 
وغمزت هند لسيف ومشيت هي واحمد 
_ في ايه بقي انتي كرهاني اوي كده ليه 
انا !! 
لا والله ابدا 
_ لا والله ابدا ازاي !!
ده انتي نفسك تقتليني بس خاېفه من السچن 
هههههه لا والله ابدا بالعكس انت حد لطيف خالص 
_ تعرفي ان ضحكتك حلوه اوي 
بخجل متشكره جدا 
_ رحمه هو انتي مرتبطه 
ليه السؤال معلش !!
_ عادي ادينا بنحكي مع بعض 
لا مبحبش احكي في الحاجات دي معلش 
_ اوك انا اسف يا ستي 
وطلع سيف موبايله وبدأ يلعب فيه 
رحمه حست انها غلطت وحابه تفتح كلام 
احمد هو انت مرتبط 
وهو باصص في الفون _ معلش مبحبش احكي في الحاجات دي 
رحمه حست بالاحراج الشديد وسكتت بس عايزه تفتح اي كلام تاني 
سيف بصلها وكأنه عارف اللي داير في دماغها 
حط الفون علي الترابيزه 
_ ها عايزه تقولي ايه 
هما احمد وهند اتأخروا كده ليه 
_ اتنين مخطوبين يتأخروا براحتهم انتي لما تتخطبي ابقي اتأخري مع خطيبك كده 
اه ان شاء الله 
_ طيب ممكن نقوم نتمشي شويه 
رحمه كانت هترفض بس عرف انها هتندم بعد كده 
اوك بس هنروح فين 
_ المكان اللي تحبيه 
يلا عند البيسين 
_ اوك يلا بينا 
واتمشوا سيف ورحمه وهما في الطريق 
_ تعرفي انك جميله جدا في الاسود 
امال ايه يابني الاسود يليق بي 
_ هههه لا علي فكره انا مش بهزر 
احمد هو انت مفيش حاجه عايز تقولها 
_ حاجه زي