زوجتي من القاصرات بقلم ايات الرحمن

جنب والدها واخوها
وبتقول
انا عمرى مااحط ايدي في ايد اللى خدوا بنتى منى وكانوا هيحرمونى منها
وعشان اوفر عليكم الاسئله انا سجلت اتفاقكم معايا وسلمته للشرطه
حقيقي انا زيكم ويمكن اكتر مش بطيق ورد لكن مهما كان هى روح
ومامهما كانت درجة كرهى ليها كبيره بس دا مايسمحش ان اسلمها لعصابه زيكم مايعرفوش ربنا وكل همهم الفلوس وبس
كانوا الاعمام بيبصوا لبعض بزهول
انا سجلت ليكم كمان اعتراف ان انتوا قتلتوا اختكم وشوهتوا. وشها عشان مفيش حد. يقدر. يتعرف عليها.
وكنتوا هتعملوا كدا في ورد
الاب حط ايده علي كتف بنته وقال
عيشتي يابنتى انا النهارده حسيت ان ظهرى رجع من الانحناء رجع بقوته تانى
انتى كبرتي في نظرى اكتر بكتير اوى واخدها في حضنه
مازن كان بيقلب في ورد اللي كانت في دنيا تانيه
ورد مالها مش بترد ليه
الضابط
دا تأثير المنوم بس كان لازم ورد تنام عشان الخطه تمشي صح ونمسكهم متلبسين
والد مازن يلا ياولدى شيل مراتك وخدها علي البيت وسيبها وهى هتفوق لوحدها عشان ما تتخضش
مازن استكفي بهز رأسه وشالها والشرطه أخدت اعمام ورد
لكن لازم قبل مايمشوا يسيبوا اثر وراهم هما كدا كدا معدومين
مهما عملوا كبيرهم كان بردوا مصمم ېقتل ورد برغم المحنه اللى هما فيها
زق الضابط واخد سلاحھ وصوبه علي ورد اللي كانت متغيبه عن العالم
لازم قبل ماامشي اخلص منك ومن نسل ابوكى لازم يكون زى ماجه زى ماخرج ولا كإنه اتولد علي الدنيا ومفيش حد شايل اسمه يبقي كإنه ماجه
وبتخرج ړصاصه تجاه ورد من السلاح اللي في ايده وررررررررررررد
الف سلامه عليك يامازن كدا تسيبهم يعملوا فيك كدا
ابتسم مازن بتعب وقال لورد
فداكى
فدايا
اممم
اول مره حد يقولي كدا غير بابا
انا ياورد
والد مازن
حمدا لله على سلامتك ياولدى قلقتنا عليك
لا ماتقلقش يابوى انا بخير والحمد لله
يستاهل الحمد يا ولدى
وهنمر بالاحداث كام يوم لحد مازن مابيتعافي وبيتحسن ويرجع لطبيعته تانى
وهنا بيبدء فجر يوم جديد
وكالعاده ورد بتروح عند قبر والدها تزوره وټعيط وتشتكى ليه ان مابقاش ليها حد من بعده
كل يوم بتقوم بهدوء بعد صلاة الفجر في اول مابيبدء النهار يظهر كدا بتمشي وبتوصل البيت قبل مايصحوا
ملحوظه
ورد كل يوم من وقت والدها مااتوفي وهى كل يوم بعد الفجر مباشرة بتروح تزوره وكعادتها بتتكلم وبتبكى ودا غلط جدا جدا جدا
وهنقول كمان ان لو الاسكريبت طول عن 15 هحوله لروايه بس ان شاء الله مش هيطول اوى يعنى
بتقوم ورد كعادتها بتفتح الشباك جزء صغير بتلاقي الدنيا مش عتمه اوى لا ظاهر ليها ضوء كدا بتفكر الفجر اذن
بتقوم تغسل وشها وتصلي وتروح عند قبر والدها تلف حواليه شويه
وتقعد جنبه وتتكلم وټعيط
فجأة وهى قاعده الدنيا عتمت اوى وبقي فى رياح قويه وظهر ليها كائن غريب الشكل مرعب جدا يمكن في حياتها ماشافت حاجه مرعبه كدا
من صعوبة الموقف كانت بتجرى بسرعه وحاسه ان هى مش بتجرى لقدام كإنها بترجع للوراء بتصرخ وصوتها مكتووووم
فضلت تجرى وهو وراها علي طول
ماااااازن يابااااابا الحقووووونى
هى بتجرى وهو وراها لحد قرآن الفجر ماكان لسه بادئ بشتغل كدا
وهى لسه مستمرت لحد ماوصلت عند البيوت واغمى عليها
البلد اتلميت علي ورد اللي كانت ملابسها عباره عن تراب ومغمى عليها
وعشان هى ماكانتش بتخرج فمش معروفه
الخبر انتشر في البلد ومفيش حد عارف مين هى اللي ملابسها كلها تراب ومغمى عليها في مدخل البلد
بيصحى مازن من نومه ومش بيلاقي ورد بينزل عشان يسأل عليها لكن مش بيلاقي حد في البيت
مازن بيصحى من نومه ومش بيلاقي ورد بينزل عشان يشوفها تحت مش بيلاقي حد في البيت بيخرج برا وبيلاقي ناس كتير من البلد ما شيين في اتجاه واحد بيوقف شخص وبيسأله عن سبب التجمع ده
بيقولوا في بنت لقوها في داخلة البلد مغمى عليها ومفيش حد يعرفها وبيقولوا كمان ان هى من البندر
بندر اه ماشي دخل البيت تانى وقعد علي الاريكه واتنهد وقال
بندر هى الناس دى ليه محسساني ان البندر دول من كوكب تانى مش بشړ زيهم
اكيد ورد في المطبخ بتجهز الفطار
وقام ودخل المطبخ ملقاش حد
كان حاسس ان قلبه مش مرتاح بس كان بيحاول يشغل نفسه
لحد مالقي اخوه داخل وشايل ورد
جرى عليها
ورد ورد هى مالها فيها ايه
كانت مغمى عليها في داخلة البلد
انا كان قلبي حاسس ان هى فيها حاجه بس كنت بكذب نفسي
وبدء يفوق فيها
وبعد وقت فاقت بس زى المجنونه بتصرخ
وتقول مش هروح تانى دى كانت كلمتها الوحيده اللي كانت بتقولها
الوضع دا بيستمر لفتره طويله يمكن شهر وهى بتصحى تصرخ وتقول مش هروح هناك تانى
وتقلق كل البيت
الكل كان بيشفق عليها وعلي حالها حتى اخت مازن اللي كانت پتكره حاجه اسمها ورد بقيت تبكي عشانها مفيش حد عارف هى فيها ايه
اطباء وشيوووخ من كل الاماكن اللي حواليهم وكل واحد بيألف حكايه من عنده
زى مااتفقنا مر شهر وهى علي الحال ده لحد ما فاقت وكان مازن جنبها لما صړخت فضل يهدى فيها عشان تتطمن وتحكى وبالفعل حكيت ليه علي كل اللي حصل معاها من وقت مافتحت الشباك عشان تشوف ضوء النهار لحد ماظهر ليها الكائن عند قبر والدها
كانت حكايه غريبه هو ماصدقهاش ولا دخلة عقله اصلا
لحد ما والده دخل يتطمن عليها ومازن حكى ليه اللي ورد قالته وكان متوقع ان والده هيكذب الكلام ده
لكن والده كان مصدق وبشده كمان
هو انت فعلا مصدق الكلام ده
ومااصدقش ليه ياولدى المقبر عليها حارس
ماشي بس دى مسلمه وبتصلي وبتقرء قرآن
وماله يا ولدى ما الناس كلها بتصلي وعارفه ربنا الميتين دول كان فيهم اللي بيخطب في المسجد وغيره وغيره
بلدك دى كلها بتتجمع كل اطان في المساجد اللي في البلد عشان يأدوا فروضهم الخمسه
خلاصة كلامى يا ولدي ان القپور دى ليها وقت تتزار فيه ووقت ماينفعش تروح عندها فيه
وورد ناس اكدت ليا ان ورد كانت كل يوم بعد اذان الفجر مباشرة بتروح القپور وتقعد هناك وفي ست كبيره منعتها لكن ماسمعتش كلامها
اييييه وانا كنت فين لما هى بتعمل كدا وفين الناس اللي في البيت
مراتك كانت بتتابعنى لحد مااخرج لصلاة الفجر وتمشي انا شوفتها وهى نازله مره بس قالت هتجهز الفطار وانا قولت ليها تطلع تانى
طب وهنعمل ايه
انا كلمت عمك في مصر وهيجيب شيخ ازهري معاه وان شاء الله خير
يعنى في امل تتحسن
ان شاء الله روح صلي فرضك وادعى ربنا يعديها علي خير
وعشان مانطولش اكتر
شيخ الأزهر بيروح وبيقابل ورد وبيقرء قرآن لحد ما ورد بتهدى وترجع لطبيعتها وبيطلب منهم يمنعوها تروح المقبر
وبالفعل عشان مش تروح تانى لان هى مش بيفرق اوى معاها
مازن اخدها معاه مصر عشان تعيش معاه وتكون قدامه وبعيده كمان عن الأذي
انتى هتفضلي في الشقه دى وانا هروح شغلي وأي حاجه هتحتاجيها هتكون عندك وكمان عايزك تهتمي بالمذاكره شويه عشان هتدخلي المدرسه هنا وفي الاجازه نبقي نروح البلد
لا لا مش عايزه اروح هناك
يبقي احسن بردوا المهم انا هروح شغلي دلوقتي ولو احتاجتى حاجه كلميني
حاضر
وماتفتحيش لحد
حاضر
وماتلعبيش في الكهرباء
حاضر
ولا ترسمي علي الحيط
ماتيجي تقعد وانا اروح الشغل مكانك احسن
وبطلي مشاكسه
حاضر
واه صاحبة العماره لو جيت وسألتك عايزه حاجه قولي ليها لا شكرا
اكذب عليها يعنى
يوووووه ماتسمعي الكلام وخلاص
حاضر
انا ماشي
طب ماتقعد شويه
بص ليها بغل وجه يمشي
وبيمشي مازن وبعد شويه الباب بيخبط
بتفتح ورد بتلاقي بنت واقفه مشطبه وشها ولبسها حاجه كدا استغفر الله
ورد بتبص ليها كإنها بتصورها
هو انتى من مصر
نعم
ايوه كنت بشوفكم في التليفزيون
وكان نفسي اشوف واحده بس واحده بس قبل ما اموت لكن صدق اللي قالها مفيش حد بېموت ونفسه في حاجه
انتى هبله يابت ونفس الغرور سبحان الله الصبر يارب مازن فين مازن مين
مش دى شقته
اه انتى قصدك علي مازن زوجي
زوج مين ياروح. امك
الله وبتشتم كمان زينا
لا انتى شكلك كدا مش هتجيبيها لبر فين مازن
وانتى عايزه ايه من زفت خليكى معايا انا
اعمل بيكى ايه
طب وانتى عايزه ايه من مازن هتعملي بيه ايه
هعمل بيه ايه انتى مالك دا زوجي وانا حره فيه
ورد ورد فضلت واقفه وساكته شويه وبتبص للبنت ومش مستوعبه ان مازن متزوج واحده زى دي دا بس اللي مضايقها وزيها زى اي بنت مصرية او زوجه من مصر او الصعيد لما بتلاقي بنت بتفكر مجرد تفكير تبص لزوجها بعيونها بتشيلهم ليها فضلت ورد تبص ليها من فوق لتحت وتبص لنفسها أد ايه هى صغيره وشكلها طبيعي اما دى طويله وشكلها زى الشقه اللي متشطبه بألوان قوس قزح
بتفضل ورد تبص ليها
انتي هتفضلي تبصي كتير بقولك فين زوجي
زوجك مين
بت انتى هبله
بقولك فين زوجي
غار في داهيه راح شغله
انتى بتقولي علي ميزو غار لا دا انتي بقي محتاجه تربيه من اول وجديد
اااااه لا دا انتي اللب محتاجه اعادة تدوير ياعروسة المولد انتى وبما ان البنت هاي كلاس خالص يعنى او بالمعنى الاصح رقيقه شويتين ماقدرتش علي ورد اللي نيمتها في الارض وفضلت ټضرب فيها لحد ما الميك أب اتمسح وظهر شكلها علي الطبيعه مع حبة لخبطه في الألوان
ولبسها اتبهدل اوى
قامت ورد وهى بتنهج كإنها كانت بتجرى في الصحراء
اظاهر انتى ماتعرفيش لما بنت الصعيد تتعصب ممكن تعمل ايه انا سني صغير بس عقلي كبير مش ورد اللي واحده زيك تقدر تيجي وتتطاول عليها اما سي مازن دا فخليه ليكي في بلدي اللي هي الصعيد لو تسمعي عنها يعنى اتعلمت حاجه من وسط حاجات كتير اوى
ان الراجل اللي يتزوج من ورا اهله وعلي مراته دا يبقي انسان طماع وعينه مايلهاش إلا التراب ومايستحقش زوجته دى حتى لو هى عندها 100 سنه يبقي خساره فيه ظافرها اللي المقص بيطيره
بتبص بتلاقي مازن واقف ومصډوم من كلامها كلامها كبير اوى مش كلام طفله عندها 14 سنه ابدا مش الطفله دى اللي تحكي وتقول الكلام بالقوه دى كلها بصيت في عيونه وكملت بتحدى وقالت
اهو ميزو زوجك وصل اهو الخاېن اللي خان اهله وناسه عشان واحده ماتعرفش. ربنا ولا عمرها سجدت ليه
وكملت بقوه اكبر خليك فاكر الجمله دي يامازن واوعاك تنساها عشان لو جه يوم ومالقيتنيش وحصل معاك ظرف صعب ابقي افتكرني بيها وادعيلي مكان ماكنت
الخاېن اخرته خېانه
ودخلت جوا وعيونها متجمع فيها الدموع وقفلت اوضتها علي نفسها
وسمحت لنفسها بالإنهيار
اما عن مازن فهو مازال واقف مكانه مش مصدق ان دى ورد بنت غريبه جدا
سنها صغير بس فاهمه الحياه اكتر منه لا وبتتكلم بكل ثقه
قامت البنت من علي الارض وهى بتتأوه وقالت
مازن حبيبي شوفت الخنذيره دى عملت معايا ايه دى دى دى ضربتنى اوى شوفت شعرى شعري اللي صارفه عليه أد كدا بقي عامل ازاى بقي زى الزعافه ولا الميك