يارا وادهم
بعتذرلكم
شريفة ولا يهمك يا رأفت بيه
ايمان احنا هنمشي دلوقتي
صافي هنبقى نكلم فريدة بعدين نطمن عليها
رأفت شكراااا ليكو
انصرفت شريفة وصافي وايمان بينما عاتب رأفت أدهم على ما حدث و..
رأفت مش عيب عليك تعمل اللي عملته ده
أدهم أنا معملتش حاجة
رأفت هو انا مش عارفك ده بدل ما تنزل تشتغل معايا أعدلي مع الستات في البيت
يارا شايف يا عمي بيقول ايه
رأفت اتكلم كويس عن بنت عمك
يارا مبتسمة أحسن
شاهي شايف يا أنكل بتضحك ازاي
رأفت وانتي بدل ما تعقليه يا شاهي بتيجي معاه ع الغلبانة دي
فريدة طلعني اوضتي يا رأفت مش عاوزة أعد هنا
رأفت تعالي يا فريدة اسندي عليا
فريدة بسرعة يا رأفت هاموت مش قادرة
يارا والنبي يا عمي خليه يدني مفتاح الأوضة بتاعتي
رأفت اديلها المفتاح يا أدهم
أدهم مش معايا أي مفتاح انا مش عارف انتي ليه مصممة انه معايا
رأفت وهو يسند فريدة طيب خلاص أنا هتصرف
يارا ازاي يا عمي
رأفت من بعيد خلي صباح تكلم النجار يجي يغير كالون الباب
يارا اوك يا عمي .. ولا الحاوجة للي يسوى واللي مايسواش
نظرت يارا نظرات احتقارية لكلا من أدهم وشاهي ثم أولت ظهرها لهما فإذ بها تتفاجيء بشيء ما يخبطها بشدة في كتفها بلى لقد كان مفتاح الغرفة قذفه أدهم بكل قوة في ظهرها ليرتطم بكتفها
يارا مټألمة اااااااه
أدهم خدي .. خدك ربنا
أدهم ولو أطول كنت حدفتك بأنأح من كده
شاهي وقد ذهبت لتحتضن أدهم أوووه شايف يا أدهومي البنت دي عملت فيا ايه
أدهم وهو يحتضنها متزعليش يا شاهي واحدة مش من مستواكي
يارا بضيق اتلم تنتون على تنتن
شاهي قصدك ايه
يارا كفاية كده النهاردة عليكو
ذهبت يارا لكي تحضر المفتاح وما إن انحنت لتمسكه حتى وضع أدهم قدمه عليه ...
يارا وهي تعتدل أسيادي
شاهي ايوه اوعي تنسي في يوم أصلك
يارا لأ ياختي أنا عارفة أصلي وفصلي كويس الدور والباقي ع اللي مقضاياها
شاهي بحدة انتي ازاي تكلميني كده
أدهم احترمي نفسك وانتي بتكلميها
يارا وعلى ايه أنا سيبالكم الجمل بما حمل وبناقص من أم ده مفتاح اشبعوا بيه
.............
في غرفة فريدة ورأفت
فريدة أنا خلاص اتفضحت قصاد اصحابي هوريهم وشي ازاي بعد اللي حصل
رأفت حصل خير يا فريدة
فريدة وهيجي منين الخير طول ما البت دي أعدة معايا
رأفت بس العيب كان من ابنك هو اللي جر شكلها
فريدة ابني معملش حاجة ده كان مع شاهي
رأفت طول ما انتي بتحاميله كده عمر حاله ما هينصلح أبدا
فريدة أنا مش هاستحمل وجود البنت دي معايا لازم تتصرف وتشوف حل
رأفت مش احنا اتفقنا انك تظبطيها وتخليها تعمل اللي انتي عاوزاه
فريدة الكلام ده كان قبل ما أصحابي يشوفوها يااااني ده زمان الخبر انتشر ع الفيس بوك وتويتر .. هواجه الناس ازاي بعد كده آآآآه ربنا ياخدك بوظتلي حياتي
رأفت لا حول ولا قوة إلا بالله
..............
في المطبخ
جلست يارا بصحبة صباح وهي تعد الطعام و...
صباح حطي يا بنتي الغطا دي عليكي بدل ما تبردي
يارا غطا ايه بس ده انا قربت أنشف خلاص
صباح معلش يا بنتي متزعليش من اللي بيعملوه
