فتاة انحنت من أجل الحب

غيرتى علشان مش هتحبيها فكرة الطلاق دى امحيها من حياتك علشان لو فكرتى فيها صدقينى هتخسرى كتير وامير ده همحيه من على الارض ده سمع جرس الباب نزل فتح دخل الدكتور الاوضه ونقل لزهره الډم وكتب ليها على مسكينات وعلاج علشان يساعد على لم الچروح والضعف اللى سببه فقد الډم ومشى الدكتور وراح عاطف يشترى ليها العلاج

فى شقة امير

كانت امينه قاعده وبتعيط وبتقول

امينه بدموع يا ترى انت فين يا ابنى من امبارح وانت بره البيت يا ترى يا حبيبى روحت فين روح يا شريف شوف صاحبك ليكون حصل ليه حاجه عمره ما نام بره البيت من غير ما يقولى ابوس ايدك يا ابنى رجعلى امير

شريف أهدى يا خالتى هتتعبى كده اكيد امير وراه حاجه مهمه علشان كده بات بره ومعرفش يتصل بيكى

محمود انا بحاول اتصل بى تليفونه مقفول

وفى الوقت ده الباب اتفتح ودخل امير وهو هدومه كلها تراب

امينه جريت عليه وقالت ابنى حبيبى كنت فين من امبارح ومال هدومك عامله كده

امير متقلقيش يا ماما انا كويس وقعد على الكنبه

شريف لاء يا امير شكلك مش كويس خالص ايه عمل فيك كده وكنت فين من امبارح

امير قولتلكم يا جماعه انا كويس

ساره طيب ريحنا كنت فين من امبارح

امير كنت فى المقاپر عند بابا

امينه وليه تعمل كده يا امير وتنام هناك

امير مافيش كنت مخڼوق شويه ومحتاج اقعد مع نفسى

محمود وارتحت دلوقتى

امير لاء يا محمود مش عارف ولا قادر ارتاح ودموعه نزلت منه

امينه قعدت جنبه وطبطبت عليه وقالت انساها يا ابنى

امير بدموع مش قادر انساها يا ماما زهره عايشه هنا ومسك ايديها وحطها على قلبه وقال مهما حاولت انساها مش هقدر زهره دخلت هنا وقفلت على

نفسها بالمفتاح ومش قادر أخرجها من قلبى انا بمۏت يا امى مش قادر أتخيل انها خلاص مع غيرى الدبله اللى فى ايديها دى المفروض تكون بتاعتى انا مش بتاعت حد تانى لما شوفتها امبارح سكت شويه ومسح دموعه وكمل كلامه وقال لما شوفتها امبارح حسيت أن عقارب الساعات كلها وقفت قصاد عينيها توهت وسرحت فى الماضى ليه حصل كل ده ليه ليه زهره بقت من نصيب حد تانى مش قادر استحمل الۏجع اللى جوايا انا بمۏت يا امى اقسم بالله بمۏت

امينه صعب عليها امير شدته فى حضنها وقعدت تطبطب عليه ودموعها نازله منها

شريف قعد جنبه وخبط على كتفه وقال حاول تنساها يا أمير علشان هتعذب نفسك على الفاضى وفى الاخر كل واحد عايش مع حد تانى فكر فى نفسك وفى حياتك الجديده يا أمير

امير مش عايز حياة جديده يا شريف مش عايز فلوس ولا عايز فيلا ولا عايز شركه انا عايز زهره وبس هى تكفينى عن كل حاجه

سهى كانت بتسمع الكلام ده وهى متغاظه

امير وقف وقال عن اذنكم ودخل اوضه قلع التيشيرت اللى عليه وراح فتح الدولاب علشان يطلع حاجه يلبسها

سهى دخلت وراحت عنده وقربت منه اوى وقالت محتاج اجبلك حاجه اساعدك

امير زقها من وراه ولبس تيشيرت نضيف وقال ابعدى عنى ملكيش دعوه بيا فاهمه حياتى اتخربت بسببك وانتى ولا كأنك عملتى حاجه انا لو اعرف انك كده كنت وفرت على نفسى كل التعب ده ورفض مساعدتك اوعى تكونى مفكره أن انا مأخدش بالى امبارح وانتى بتحاولى توريها أن احنا عايشين مع بعض زى اى زوجين ومبسوطين انا مرضتش اكسفك قدامهم بس اقسم بالله لو اتكرر اللى انتى عملتيه امبارح ده هتشوفى منى وش عمرك ما شوفتيه فاهمه وبصلها بقرف ونام على السرير

سهى بصت ليه بدموع وقالت بس اللى انت بتعملو معايا ده ميرضيش ربنا انت كده بتظلمنى

امير بصلها وقال انا مظلمتكيش يا سهى انتى اللى ظلمتى نفسك لما سلمتى جسمك لراجل غريب من غير جواز وبعد كده لجأتى ليا اساعدك وانا ساعدك وسترت عليكى غير كده ملكيش عندى حاجه يا سهى وياريت تخرجى وتطفى النور علشان عايز انام

سهى بصت ليه وقالت ماشى يا امير براحتك وخرجت من الاوضه وقفلت الباب وراها

امير بص على الباب بقرف ورجع غمض عينه ونام

فى المدرسه

وصلت جهاد المدرسه ولسه هتدخل سمعت صوت واحد بينادى عليها بصت على الصوت اتوترت وقالت

جهاد ا ا اسلام

اسلام جه عندها ومد أيده وقال ازيك

جهاد بصت على أيده ومسلمتش عليه وقالت خير يا اسلام بتنادى عليا ليه

اسلام بص على أيده وقال ماشى بلاش تسلمى يا ستى

جهاد بتنادى عليا ليه لو سمحت

اسلام ولا حاجه كنت معدى من هنا وشوفتك وقولت أسلم عليكى وبعدين انا محظوظ أن شوفتك على الصبح كده ده انا مصدقتش نفسى لما عرفت أن انتى جهاد البنوته الصغيره اخت احمد وانك كبرتى وبقيتى بالجمال والحلاوه دى

جهاد اممم بص يا اسلام يمكن انت مشوفتنيش من زمان اوى لكن أنا عرفاك كويس اوى وعارفه كل بلاويك وعارفه سرمحتك وسهرك مع البنات لصبح فا متجيش تعمل عليا الشويتين دول علشان انا مش زى البنات اللى تعرفهم ومش هياكل معايا الكلام ده

اسلام احم هو انا مشهور اوى كده

جهاد بقرف سمعتك اشهر من الڼار على العلم عن اذنك ولسه هتمشى

اسلام جهاد هو ينفع اقبلك بليل فى مكان عام يعنى

جهاد وتقابلنى بتاع ايه انت تعرفنى ولا انا اعرفك علشان نتقابل

اسلام نتقابل نتكلم نتعرف على بعض مش قصدى حاجه

جهاد سورى مش بقابل شباب وسابته ومشيت ودموعها نزلت منها وقالت لنفسها ارجوك يا اسلام بلاش تشوه صورتك قصاد عينى اكتر من كده علشان انا مش قادره اكرهك ولا عارفه ابطل احبك ارجوك ارحم قلبى اللى بيتعذب بسببك

روز جوجو يا جوجو

جهاد مسحت دموعها بسرعه وبصت ليها بضحك وقالت رورو حبيبت قلبى واحشتينى

روز حضنتها وقالت انتى اكتر يا جوجو وغمزت ليها وقالت مين اللى كنتى واقفه تتكلمى معاه عند باب المدرسه ده

جهاد ها م م مين

روز يابت هتعملى نفسك عبيطه قولى واعترفى مين ده

جهاد د د ده اسلام اخو عبير

روز عبير مين البت البارده دى

جهاد ايوه

روز ويعرفك منين وعايز منك ايه

جهاد ما احنا جيران انتى نسيتى

روز اه صح نسيت بس عايز منك ايه

جهاد و و ولا حاجه المهم مبروك على الخطوبه

روز الله يبارك فيكى بس متحاوليش تغيرى الموضوع

جهاد موضوع ايه يا بنتى

روز اخو عبير كان عايز منك ايه

جهاد و و ولا حاجه ب ب بيسألنى على أخته

روز وهيسألك انتى ليه وهو اكيد عارف انكم مش اصحاب جهاد هو انا ليه حاسه انك مخبيه سر عنى واسلام جزء من السر ده

جهاد م م مافيش اسرار ولا حاجه يا روز وبعدين قالت م م مستر سامح