فتاة انحنت من أجل الحب
حاجه قعدنى مع اولادى انشالله تشغلنى خدامه بس ابقى جنب اولادى ارجوك ارحم قلب ام محروق على بعد اولادها
عاطف حدفها بره الفيلا وقال اياكى تقربى من هنا تانى ولا تحاولى تقربى من الاولاد فاهمه واحمدى
ربنا أن هسيبك بره ومش هدخلك المستشفى تانى وقفل الباب فى وشها
ملك خبطت على الباب وهى دموعها على خدها ابوس رجلك لاء خلينى جنب اولادى يا عاطف ارجوك وقعدت على الأرض وسندت راسها على الباب وقالت بيلار رائف اولادى ھموت عليكم يارب انت بس اللى حاسس پالنار اللى فى قلبى على ولادى انا راضيه بأى حاجه الا ان ولادى يبعدو عن حضنى عاااااااااطف افتح ارجوك افتح الباب هات ولادى ارجوكم رجعو ليا روحى رجعو ليا ولادى
زهراء اول ما شافت عاطف طالع دخلت تجرى على الاوضه وقفلت عليها الباب بالمفتاح وقعدت وراه وحطت ايديها على بؤقها وقعدت ټعيط
عاطف راح عند باب زهره وجه يفتحه لاقه مقفول بالمفتاح اتعصب وخبط على الباب وقال بعصبيه افتحى يا زهره
زهراء مردتش عليه
عاطف افتحى الباب بدل ما اكسره عليكى
زهراء بدموع ارجوك سبنى يا عاطف حرام عليك ارحمنى
عاطف وهو بيخبط على الباب بعصبيه افتحى الباب قولتلك
زهراء حطت ايديها على ودنها وقعدت تهز راسها يمين وشمال
عاطف رجع لوراه وراح على الباب مره واحده وخبطه بكتفه
زهراء اتخضت وبعدت عن الباب وقعدت تهز راسها رافضه اللى بيحصل
عاطف كرر نفس الحركه لحد ما الباب اتفتح
زهراء بعدت وسندت ضهرها على الحيطه وقالت ارجوك ابعد عنى حرام عليك انت ناوى تعمل فيا ايه ع ع عاطف ا ا انا معملتش حاجه والله ولا اتكلمت مع أمير ارجوك بلاش تتهور
عاطف قرب منها ومسكها من شعرها وقال انتى كدابه انتى كنت معاه فى الفيلا لوحديكم ا ا اكيد لمسك يا زهره وانت سمحتى بكده ما هو حب عمرك
زهراء بدموع وألم محصلش يا عاطف حاجه من دى محصلش
عاطف شدها من شعرها وحدفها على السرير ومسك الولاعه بتاعته وولعها ومسك ايد زهره وحرقها وقال علشان بعد كده تعرفى تقفلى الباب عليكى كويس
زهراء ارحمنى يا عاطف هموووووت
عاطف طفى الولاعه وحطها جنبه ومشى أيده على الحړق وقال مش قولتلك بلاش تعصبينى يا زهره اهو خلتينى ۏجعتك
زهراء بدموع وألم حرررررام عليك يا عاطف انا معملتش حاجه حرام
عاطف وهو ماسكها من الحړق قرب منها وقال هتعصبينى تانى يا زهره
زهراء پألم ودموع هزت راسها بمعنى لأ
عاطف قرب من رقبتها وبسها وقال هتكلمى امير تانى يا زهره
زهراء بدموع لاء
عاطف قرب منها اكتر وقال هتدينى حقى الشرعى يا زهره
زهراء بدموع ارجوك بلاش يا عاطف بلاش
عاطف قام وقعد جنبها ومسك ايديها وباس الحړق وقال هقوم اجيب مرهم ادهن الحړق ده بيه ومشى أيده على وشها ومسح الدموع
زهراء بعدت وشها عن عاطف وبصت الاتجاه التانى
عاطف بص على أيده اللى كانت على وش زهره وضحك وقال ماشى يا زهره هصبر عليكى تانى بس مش هصبر كتير فاهمه وقام من جنبها دخل الحمام يجيب المرهم
زهراء مسكت ايديها المحروقه وقالت بدموع وحرقه يارب يارب انا مليش غيرك ارحمنى من العڈاب ده يارب. ايدى يارب انت بس اللى حاسس بيا
عاطف جه ومسك ايد زهره المحروقه حط عليها المرهم ولفها بالشاش
زهراء پألم ودموع براحه ارجوك ايدى مش قادره
عاطف خلص ومسك ايديها وقربها من شفايفه وبسها على الشاش وقال الف سلامه عليكى يا قلبى
زهراء شدت ايديها منه پألم وقالت ارجوك سبنى عايزه انام
فى النوم
اشرقت شمس صباح يوم جديد بنورها الساطع فى سماء العاصمه لتداعب الخيوط الصفراء العيون البندقيه ليبدأ امير بفتح عيونه ورفع راسه من على الترابيزه بصعوبه وحط أيده على رقبته وقعد يدعك فيها ويدلكها من عزم الالم
امينه صباح الخير يا ابنى انت نايم هنا ولا ايه
أمير صباح النور يا امى اه نزلت اقعد شويه فى الجنينه وعينى راحت فى النوم من غير ما احس
امينه تبرد يا حبيبى تلاقيك اخد لطشة هو من نومتك طول الليل فى الجنينه
أمير متقلقيش يا امى انا كويس ياريت هم الدنيا كلها فى شوية البرد
امينه ربنا يريح قلبك يا حبيبى
أمير بزعل يارب يا امى يارب وقام وقال عن اذنك هدخل اخد شاور
امينه روح يا حبيبى وانزل افطر معانا
أمير حاضر يا امى ومسك ايديها وبسها وطلع على اوضه ولاقه لسه سهى نايمه بصلها بقرف ودخل الحمام اخد شاور واتوضه ولبس هدومه وخرج اده فرضه
سهى صحيت على صوت امير وقالت صباح الخير
أمير بقرف صباح النور
سهى انت نمت فين امبارح
أمير حاجه متخصكيش
سهى بصت ليه بغيظ ودخلت الحمام من غير ولا كلمه
أمير نفخ وبص على باب الحمام بقرف وخرج ورزع الباب وراه
فى اوضت ساره
صحيت ساره من نومها وبصت على التليفون ملاقتش احمد متصل بيها طلبت رقمه وانتظرت الرد بس مردش عليها حاولت كذا مره بس مردش عليها برضه قامت دخلت الحمام واخدت شاور واتوضت وخرجت لبست هدومها وأدت فرضها ونزلت قالت
ساره صباح الخير يا ماما
امينه صباح النور يا حبيبتى نازله بدرى كده ليه
ساره مافيش هروح ابص على جهاد اخت احمد وهطلع من عندها على الجامعه
امينه مالها اخت احمد
ساره ها ت ت تعبانه شويه
امينه ماشى يا حبيبتى بس متتأخريش عندهم
ساره حاضر يا ماما سلام
امينه طيب اقعدى كلى الاول
ساره لاء مليش نفس وخرجت من الفيلا وراحت عند الفيلا بتاعة احمد ورنت الجرس وفتحت ليها الشغاله قالت صباح الخير
الشغاله صباح النور اتفضلى يا ست ساره
ساره انا كام مره اقولك تقولى يا ساره على طول من غير ألقاب
الشغاله العين متعلاش عن الحاجب يا ستى
ساره لاء معايه تعلى عادى قوليلى ساره بس ماشى
الشغاله ربنا يعزك يا بنتى
ساره ايوه كده فين احمد وجهاد بقى
الشغاله الست جهاد فى اوضتها وسى احمد فى اوضه لسه نايم والست هانم والبيه خرجو راحو النادى ومعاهم بنتهم الصغيره
ساره اشطات انا طالعه فوق وسابتها وطلعت وقفت وقالت ده ايه الهبل ده وانا هعرف الاوض بتاعتهم ازاى اذا كنت انا بقابلهم تحت ومشيت شافت حرف الباب مفتوح وقفت عنده وشافت احمد وهو نايم قعدت تبص عليه بحب وتضحك لحد ما جات الشغاله وقالت بصوت عالى دى اوضت سى أحمد اوضت الست جهاد اللى هناك دى
ساره اتخضت وقالت نهارك اسود قطعتى ليا الخلف طيب اعملى اى انذار قبل ما تتكلمى
الشغاله والله دمك عسل يا بنتى وسابتها ونزلت
أحمد صحى على صوت الشغاله وهى بتكلم ساره ومصدقش نفسه لما سمع صوتها غمض عينه وعمل نفسه نايم
ساره بصت على احمد علشان تتأكد أن لسه نايم ومصحاش على صوت الشغاله وقعدت تبص عليه
