رواية رائعة للكاتبة ليدي

الجديده معها
كان يظن ان تلك الابتسامه الحزينه سوف تختفي بمجرد بدء حياتهما معا وتتبدل بإبتسامه صادقه وصافيه 
وخاصه انه كان قد قطع علي نفسه عهدا ان يبذل كل مافي وسعه لاسعاد علا 
ولكن يبدو ان التحدي كان اصعب مما تخيل 
فقد شعر ببعض اليأس والملل يتسللان الي داخله 
وضع الصوره مكانها واتجه نحو خزانه الملابس وفتحها واخذ ينظر الي ملابس علا الخاصه بالنوم ثم ابتسم بسخريه واغلقها وذهب الي الفراش مدد جسده واغمض عينيه
وفي الصباح استيقظ خالد من جديد وتوضأ وارتدي

ملابسه وصلي وغادر متجها الي عمله
كما وصلت ياسمين هي الاخري الي الشركه في اطلاله لاتقل اناقه واشراقا من امس
جلست علي مكتبها واعطاها زميل لها اوراقا تراجعها ثم تسجلها علي جهاز الكمبيوتر
فاندمجت معهم في العمل وفور انتهائها جاء وقت الراحه اليوميه 
خرج من في المكتب وجلست تتحدث الي زميلتها مي
ياسمين قوليلي يامي اكيد انتي تعرفي كل الموظفين الي في الشركه
مي طبعا كلهم 
بصي اللي كان قاعد قصادنا ده الاستاذ عصام ده بيحب شغله جدا ومالوش اي علاقه بحد خالص 
اما التخين اللي كان جانبه ده الاستاذ محمد عادل ده بقي عين الاستاذ محسن هنا في المكتب بينقله كل صغيره وكبيره بتحصل
واللي كانت جانبنا دي الحاجه كوثر شغاله في الشركه هنا بقالها ييجي 15 سنه وكلنا بنحبها اصلها ست طيبه اوي وبتغطي علي اي حد بيغلط
ياسمين لكن باقي الموظفين ماتعرفيهومش
مي لا طبعا اعرفهم كلهم بس احسن واحد هنا في الشركه موظف اسمه مصطفي شغال في العلاقات العامه
ياسمين ياسلام اشمعني بقي
مي لانه زوج المستقبل لازم يكون احسن واحد في الشركه
ياسمين ااااااااااااااه ههههههههههه بس انتي مش لابسه دبله
مي ادعيلي ربنا يفك سجني بقي اصل مصطفي ليه اخ اكبر منه هايتجوز وهو بيساعده الاول وبعد كده الدور هاييجي عليه ويساعدوه وييجي يتقدم بقي قبل ما اتخلل
ياسمين ربنا يوفقك ويسعدك يارب
مي ياااااااااااااارب
ياسمين انتي عارفه انا اول ماجيت الشركه اتعرفت علي موظف هنا تقريبا مهندس واسمه اظن خالد
مي ااه الباشمهندس خالد ونعم الناس بصراحه اخلاق ومحترم وكمان ممتاز في شغله 
ده متجوز قريب بيقولو مراته دكتوره وزي القمر
ياسمين هو انتي شوفتيها عشان تقولي زي القمر 
مي لا بس سمعت عنها
ياسمين فعلا باين عليه محترم جدا
مي والباشمهندس عمر مايتخيرش عنه في الاخلاق والاحترام برضه
انما في واحد اسمه المهندس صلاح ده مالكيش دعوه بيه خالص
ياسمين ليه 
مي ده بقي بيجري ورا اي حاجه فيها ته مربوطه ومش بس بيعاكس ده ممكن يمد ايده كمان ياما كان له فضايح هنا في الشركه 
بس هو قريب رئيس مجلس الاداره بس محدش بيطيقه ربنا يبعده عنا
ياسمين هو مع خالد وعمر في نفس المكتب 
مي لا في اللي جانبهم
فكرت ياسمين في ان صلاح هذا سوف يكون له دور في قربها من خالد
مي الاستاذ محسن بقي زيه بس بيبص بس عمره ما ضايق واحده بكلمه ولابغيرها 
عشان كده مصطفي منبه عليا مادخلش عنده خالص 
اصله بيحب يكلم الستات والبنات اوي
ياسمين اااه عشان كده
مي عشان كده ايه 
ياسمين عشان كده مصطفي قالك ماتدخليلهوش
رن هاتف مي الو .............. طيب نازله حاضر
معلش ياياسمين لازم انزل مصطفي مستنيني في الكافيتيريا
ياسمين ماشي روحي وانا كمان نازله بعد شويه
تركتها مي وبعد دقائق نزلت ياسمين هي الاخري واتجهت الي مكتب خالد لم تجد احد بالمكتب ذهبت الي الكافيتيريا ووقفت تتفقد الموجودين وجدت خالد يجلس بمفرده 
يحتسي فنجانا من القهوه 
ذهبت اليه
ياسمين سلام عليكم
خالد وعليكم السلام ..... استاذه ياسمين مش كده 
ياسمين بالظبط كده ........ ازيك ياباشمهندس
خالد الله يسلمك اتفضلي اقعدي
جلست ياسمين امامه واخرجت من حقيبتها لفه صغيره
ياسمين حضرتك فطرت 
خالد لا انا مش متعود افطر
ياسمين وبتشرب قهوه علي الريق كده ده غلط
ثم اخرجت شطيره ومدت يدها اليه اتفضل
خالد لا شكرا بالهنا والشفا
ياسمين ماتكسفنيش بقي وبعدين لو مافطرتش معايا انا مش هافطر اهو
اخذ خالد منها الشطيره واخرجت اخري وبدءا في تناولهما سويا وبعد انتهاءهما اكمل خالد قهوته ثم بدءا يتبادلان الحديث عن العمل والشركه والموظفين وتحدثا في السياسه وفي موضوعات مختلفه
كانت تتمتع ياسمين بروح مرحه ووجه بشوش 
وبدءت الحواجز بينهما تختفي شيئا فشيئا 
اعجب خالد بطريقتها الطفوليه وتلقائيتها في الحديث
خالد انتي كل يوم متعوده تجيبي شاندوتشاتك معاكي كده 
ياسمين ههههههههههه اه اصلي بصراحه مش بحب اكل حاجه من بره 
طبعا الا السمك ده ممكن اكله في اي مكان وفي اي وقت حتي لو يوميا
خالد ايه ده انتي بتحبي السمك
ياسمين بحبه بس داانا بمۏت فيه بكل انواعه ده اكلتي المفضله 
هو انت مش بتحبه
خالد بالعكس ده اكلتي المفضله انا كمان
نظرت له ياسمين وابتسم ثم نظرت الي اسفل
انتهت فتره الراحه وبدء الموظفون في العوده الي مكاتبهم ووقفت ياسمين واستأذنت وذهبت الي مكتبها
كما عاد خالد هو الاخر الي

المكتب دخل فوجد عمر
عمر ايه النظام بقي 
خالد نظام ايه 
عمر يعني اسيبك واروح الحمام ارجع الاقيك قاعد مع واحده ومندمج وبتفطر معاها كمان
صحيح قاعده الراجل بمېت ست بس لو جات الست يغور الراجل ههههههههههههههه
خالد ايه يابني اللي بتقوله ده دي موظفه معانا في الشركه شوفتها من كام يوم ولما شافتني جات تقولي ازيك 
اقولها انا بقي الله يسلمك يلا امشي بعيد قولتلها اتفضلي من باب الذوق 
انت بقي ماجيتش ليه 
عمر لا ياعم مراتي قالتلي ماتكلمش بنات وانا مؤدب وبسمع الكلام ههههههههههه
انت عارف انا كنت هصورك وابعت الصوره لمراتك وانت قاعد تفطر كده
وضع خالد كفه علي جبينه ازاي نسيت
ثم اخذ هاتفه واتصل بعلا
علا ايوه ياخالد
خالد ازيك ياحبيبتي عامله ايه ..... انتي فين 
علا انا في المستشفي من نص ساعه كده
خالد وايه الاخبار 
علا لسه مستنيه الدكتور علي اصله عنده عمليه اول ما يطلع من اوضه العمليات هاروحله اسأله واتطمن
خالد عايزاني اجيلك 
علا لا لا خليك في شغلك انا اول ما اتطمن هامشي علي طول ....... هاستناك بقي تيجي تتغدي معانا بعد الشغل
خالد لا مش هاينفع اتغدي انتي مع طنط وانا هاروح اشوف بابا بقالي كتير ماقعدش معاه وبالمره اتغدي معاهم
علا طب سلملي علي طنط وعمي
خالد الله يسلمك .. مع السلامه ياحبيبتي
علا الله يسلمك
اغلقت علا الهاتف ووجدت الدكتور علي قد انتهي من اجراء العمليه وذهب الي مكتبه
انتظرت دقائق وذهبت اليه طرقت الباب ودخلت القت السلام
علا بعد اذنك يادكتور عايزه اعرف حاله بابا ايه دلوقتي
الطبيب ااه حضرتك بنت الاستاذ حسن
علا بالظبط
الطبيبوالله في تحسن من امبارح بس مش هاخبي عليكي التحسن بسيط اوي بس المهم انه موجود
لو النهارده عدي علي خير اقدر اطمنك اننا تعدينا الخطړ
علا يعني حضرتك شايف ان فيه امل
الطبيب الامل في ربنا دايما موجود
دق الباب
الطبيب اتفضل
دخلت الممرضه يادكتور المړيض اللي في العنايه فاق وفتح عينيه
فرحت علا وذهبت مع الطبيب اليه دخل الطبيب ليفحصه وبدأ يقرأ الاجهزه الموجوده في الغرفه
ووقفت علا واضعه كفيها علي زجاج الغرفه التقت عينها بعيني ابيها وجدها تبكي فأشار بعينيه انه بخير ليطمئنها
خرج الطبيب فسألته علا خير يادكتور طمني
الطبيب الحمد لله اتطمني نقدر نقول الخطړ بدأ يزول
علا هو ممكن ادخله 
الطبيب لا طبعا مش ممكن
علا متشكره اوي يادكتور
عاد الطبيب الي مكتبه وذهبت علا ووقفت ممرضتان