رواية رائعة للكاتبة ليدي

واحده صاحبتي متجوزه وجوزها بيحبها اوي بس فيه واحده عايزه تخطفوا منها وانا مش عارفه اقوله ازاي
علا تخطفه هو طفل 
هدي ايوه ماهم الرجاله زي الاطفال بييجوا بكلمه حلوه وشويه حنيه ربنا خلقهم كده
علا وجوز صاحبتك ده متجاوب مع الست دي 
هدي لا مش متجاوب بس لو استمرت ممكن مين عارف يحصل ايه
علا وطبعا صاحبتك دي اسمها علا صح 
هدي لا
علا لا انا ياهدي ماهو انتي مش هاتعطليني عن ماما وهي تعبانه وماترضيش تيجي هناك بس عشان تكلميني في مشكله واحده صاحبتك 
ماتخافيش انا اصلا كنت مقرره اسيب خالد هو من حقه يحب ويتحب ويعيش مع واحده تانيه 
خالد كان غلطه في حياتي ولازم تتصلح هو مايستاهلش واحده زيي المشاكل والعقد حواليها في كل مكان 
مش هاتفرق معايا دي من غيرها
اخرجت هدي هاتفها وعرضت الصوره واعطتها لعلا وقالت حتي لو كانت دي اللي عايزه خالد 
اخذت علا الهاتف ونظرت الي الصوره .اتسعت عيناها وامتلئت بالدموع
علا انتي بتقولي ايه 
هدي ياسمين اشتغلت مع خالد من حوالي شهر وعمر قالي انها مش بتفارقه وعلي طول معاه 
وواضح انها ماقالتلكيش عشان حاجه في دماغها
استرجعت علا كل المواقف بينها وبين ياسمين وتأكدت من كلام هدي
لم تستطع علا تحمل ذلك واعادت ذاكرتها ماحدث من والدها ومرض والدتها وحياتها مع خالد واخيرا صديقتها التي خدعت فيها فاڼهارت بالبكاء بصوت مرتفع واخذت تكسر كل ماحولها 
ولم تستطع هدي ايقافها ولا حتي التحدث اليها لتهدئتها فصوت علا العالي كان يحول بين صوت هدي وبينها 
امسكتها هدي وهي مازالت تصرخ وتبكي وما كان بيد هدي فعله الا ان صڤعتها علي وجهها بقوه حتي تتوقف عن الصړاخ فتوقفت علا فجأه ونظرت بدهشه الي هدي
رواية رائعة للكاتبة ليدي الجزء السابع
الحلقة 18
امسكتها هدي من كتفها واجلستها ثم اعطتها كوبا من الماء فشربت
هدي ولا اقولك .. قومي اتوضي وصلي ركعتين عشان ترتاحي اكتر ونعرف نتكلم
قامت علا وتوضأت وارتدت ملابس الصلاه ولكنها كانت تبكي بشده فبالكاد حتي استطاعت القراءه واكمال الصلاه
وبعد انتهائها جلست مع هدي وكانت قد هدأت قليلا
هدي اهدي ياعلا واستعيذي من الشيطان 
انا بصراحه كنت متردده اقولك بس ماقدرتش افضل ساكته واشوفك مخدوعه بالشكل ده 
بس قبل اي كلام عايزه اسألك سؤال عشان اعرف هانعمل ايه
انتي بتحبي خالد 
ردت علا بصوت ضعيف ومتعب هم الميتين بيحبوا ياهدي انا مېته وكل حاجه في ماټت خلاص
اشمعني انا ليه بابا سابنا ورمانا واتحرمت منه ليه صاحبتي تخوني وتكدب علي ليه مش عارفه اعيش حياتي زي اي واحده اشمعني انا 
هدي بس انتي مش مېته ياعلا انتي لسه عايشه 
بس سلبيه مالكيش اي يد في حياتك عايشه زي القشه في الهوا
واول ماتتعرضي لضغط تفكري تهربي وتتخلي عن كل حاجه
ياعلا المؤمن القوي خير واحب الي الله من المؤمن الضعيف 
انتي ازاي مؤمنه بالله وعندك كميه اليأس دي 
لازم تبقي قويه بثقتك بربنا انه معاكي ومقويكي وبيقدرلك الخير دايما 
لازم تتخلصي من طاقتك السلبيه دي وتبقي ايجابيه وخلي عندك يقين انك قويه وتقدري تقفي ادام اي مشكله في حياتك واوعي تستسلمي للشيطان 
دا ربنا سبحانه وتعالي قال ان كيد الشيطان كان ضعيفا
وقال كمانان كيدهن عظيم 
يبقي هاتسيبي الشيطان ينتصر عليكي ويفرق بينك وبين جوزك اللي بيحبك 
خالد بيحبك يعني لو سيبتيه تبقي بتجرحيه وتعذبيه مش بتسعديه ياعلا
انا مش هاقولك انك غلطي لما وثقتي في صاحبتك واستئمنتيها علي اسرار بيتك عشان الكلام ده فات اوانه مش عايزين نبص لورا ولا نقعد نبكي علي اللبن المسكوب 
خلينا في اللي جاي
علا اللي جاي انا عارفه اللي جاي شكله هيكون ازاي 
انا كل يوم بفتح عيني الصبح ببقي عارفه ان الدنيا مجهزالي حاجه عشان تعذبني بيها
هدي استغفري ربك ياعلا وماتظلميش نفسك ولا تظلمي جوزك اللي بيحبك ومتأكده انك انتي بټموتي فيه انتي كمان ... حتي عيني في عينك كده
علا ليه ياسمين عملت معايا

كده دي كانت اقرب واحده لي 
انا حاسه اني بحلم والله العظيم ماقادره اصدق اللي بيحصل ده
هدي لا انتي مش بتحلمي انتي صاحيه واحسنلك تكوني مش بتحلمي عشان تغيري حياتك دي وتفوقي بقي
رن هاتف علا .. انه خالد 
طلبت هدي من علا الا تشعره بشيئ وتتحدث بطريقه طبيعيه
علا الو
خالد ايوه ياحبيبتي خلصتي
علا ماما عامله ايه 
خالد كويسه بس لسه نايمه ... صوتك ماله ياعلا
علا لا ولا حاجه كنت شرقانه بس وبكح
خالد الف سلامه عليكي ... انا جاي عشان اخدك
علا طب بعد شويه عشان هدي معايا
خالد هدي مرات عمر 
علا ايوه
خالد خلاص لما تخلصوا اتصلي بي عشان اوصلها بالمره ونروح عند ماما سوا
علا حاضر .. مع السلامه
خالد الله يسلمك
وضعت الهاتف امامها ثم التفتت الي هدي وكأنها كانت تود ان تسمع منها المزيد 
فكلام هدي كان له اثر ملحوظ بداخلها وهذا ما وصل لهدي فأكملت حديثها
هدي بصي ياعلا انسي اي حاجه حصلت معلش انا عارفه انك اكيد عشتي ايام صعبه 
بس انتي اقوي من اي حاجه 
وبعدين اشمعني يعني غياب باباكي ماأثرش علي تعليمك ومع ذلك ذاكرتي واجتهدتي وډخلتي كليه طب يعني عندك اراده اهو 
طلعي الاراده دي بقي دلوقتي
علا انا عايزه اعرف العلاقه بين خالد و .....ياسمين وصلت لحد فين يعني عمر قالك ايه بالظبط 
هدي والله ياعلا انا اللي مارضهوش علي نفسي مش هارضاه عليكي 
يعني لو عمر قالي ان خالد متجاوب مع ياسمين وفيه اي حاجه بينهم كنت هاقولك تسيبيه حتي لو كنتي السبب 
لكن يشهد ربنا ان خالد بيحبك ومخلص ليكي وطول عمره محترم من يوم ماعرفته
علا يعني هي اللي كانت .............
هدي ايوه هي اللي ........................ انسي بقي والله الود ودي امسكها من شعرها وامسح بيها ال.........
شعرها اما انا عندي فكره ياعلا بس وافقي عليها
علا فكره ايه 
هدي قومي اعمليلي الاول كوبايه شاي بالنعناع ايه البخل ده فين اكرام الضيف 
ولا تحبي تاخدي كمان قلم 
ابتسمت علا اخيرا بجد ياهدي ايدك تقيله اوي
هدي والله مااعرف انا جبت القوه دي منين ياعلا بس مستعده اعملها تاني لحد ماترجعي لعقلك يلا روحي اعملي الشاي
ذهبت علا وصنعت كوبين من الشاي ووضعتهما امامهما
هدي حاسه انك مرتاحه وبقيتي احسن دلوقتي 
علا الحمد لله احسن ... لولاكي مكنتش عرفت اي حاجه
معقول كان ممكن ياسمين تكمل خطتها وتاخد خالد مني 
هدي ايه ايه ايه تاخد خالد مني 
الكلام ده جديد ............. افهم من كده انك عقلتي وقررتي تتمسكي بجوزك 
علا انا بحب خالد ياهدي وعمري ماحبيت حد غيره وكنت عايزه اسيبه عشان برضه بحبه
هدي والله اللي اعرفه ان اللي يحب حد يحاول يتغير عشان يسعده مش يسيبه
علا عندك حق ........... بس ايه الفكره اللي كنتي بتقولي عليها
هدي اه صحيح اسمعي ياستي .........................
اخبرتها هدي بفكرتها وبعد انتهائهما من احتساء الشاي اتصلت علا بخالد الذي اتي ليأخذهما وذهب خالد وعلا الي بيت والدتها بعد ان اوصلوا هدي الي بيتها 
دخلت علا الي غرفه والدتها مباشره لتطمئن عليها وجدتها قد استيقظت
علا الف سلامه عليكي ياماما
سهير الله يسلمك ياحبيبتي .... مالك 
علا انا كويسه ياماما ماتقلقيش
سهير يلا روحي مع جوزك انا كويسه
علا لا ياماما انا هفضل معاكي النهارده
دخلت لميا وهي تحمل صينيه