نغم بين العشق والاڼتقام

يا عمى أتصلت عليا من بدري وقولت عايز تقابلنى أنا ونغم بس نغم لسه تعبانه أنت عارف 
ليرد عمها أنا يا بنتى فى مقام المرحوم أبوكم يمكن غلطت فى حق نغم بس قدرى موقفى لما أعرف أن بنت أخويا دخلت هى وجوزها من غير زفاف تعرفه البلد كلها فى ناس كتير فى البلد ما يعرفوش مين مرات فيصل هما صحيح عارفين أنه كاتب كتابه بس مين محدش يعرفها وكمان أنا عارف أنه كان كتب كتاب وفوجئت بأبنها الى كان مخطۏف وخۏفت على سمعتكم وكنت عايز أقابلها وأعتذر منها ومنك أنتى كمان 
لتقول نيره أدخل فى الموضوع مباشر يا عمى قول الى عندك أنا مش نغم وهتلفنى بكلمتين فكرت فى عرضى هتدفع تمن نص البيت ولا أمضى مع فيصل 
ليرد العم بأرتباك قائلا 
وهو فيصل هيوافق يشتري نص بيت 
لتخرج نيره عقد بيع نصف البيت من شنطة يدها 
قائله هو أشتراه خلاص ودفع التمن فاضل بس أمضتى أنا ونغم ودى سهله 
أنا حبيت أشوف أنت هتقولي أيه الأول 
ليمسك العقد منها ليقرأه ويجد أمضاء فيصل على العقد وذالك المبلغ الكبير 
لتبتسم نيره وهى ترى نظرات الريبه والذهول فى عين عمها 
وتتذكر منذ قليل حين طلبت من فيصل 
أن يمضى على هذا العقد بعد أن قالت له أنه حقهن لدى عمهن ولم تذكر له نعته ل نغم بالساقطھ
ليمضى دون تفكير قائلا أى حق لنغم عند أى حد أنا مش هتردد أرجعه لها 
ليمضى دون النظر الى ذالك المبلغ الكبير المكتوب بالعقد
كانت نيره تنظر له بتسليه وهى تراه يقول بأرتباك بس البيت كله ميجبش ربع التمن المكتوب فى العقد ده 
لترد نيره ببساطه والله واحد بيحب مراته وعايز يشترى ليها بيت من ريحة باباها 
هقوله أيه 
ليقول العم أنا هجيب خبير يتمن سعر البيت كله وهدفعلكم نص تمنه 
لتقف نيره مبتسمه بأنتصار 
ياريت بسرعه لأنى مش هفضل هنا كتير وممكن أمضى لفيصل وهو حر وقتها بقى 
عن أذنك يا عمى 
لتتركه وهى تبتسم بسخريه 
أما هو حائر كيف سيدبر لهن نصف ثمن البيت ليعلم أنهن ينتقمن منه حين أضاق المكان عليهن ذات يوم.
دخلت لميس بجوانا الى بيت فيصل العفيفى 
لتجد نجوى تجلس مع طاهر بالحديقه وأمامهم مجدى يلهو مع ذالك الجرو الصغير 
لتندفع أليه جوانا سريعا وتذهب للعب معه 
بينما لميس مالت على نجوى تقبل خدها قائله بمرح 
صباحك سكر يا ضرتى 
وتنظر الى طاهر قائله صباحك عسل أبيض يا تيتو يا حبيبى وتجلس بالقرب منه بالمنتصف بينهم 
ليبتسمان على مزاحها 
لتقول أنا جيت قطعت الرومانسيه كفايه عليكى كده يا نوجا أدينى فرصتى 
لتضحك نجوى وتقول دا بعينك عندك عصام روحى له 
ليضحك طاهر قائلا أنا بعد نجوى ماټت فى نظرى النساء 
لتصفر لميس عاليا قائله هو أنا مموته نفسى عليك الا علشان الرومانسيه دى أنت أخر جيل الرومانسيه العظيم

________________________________________
زمن الحب الجميل 
ليقول طاهر عايزه تفهمينى أن دلوقتي مفيش رومانسيه 
لترد لميس موجوده بس بقت زى كل حاجه تيك واى 
أنما الاستمرار صعب 
لتقول نجوى الرومانسيه والحب الحقيقى موجودين بس لازم نحسن الإختيار 
مش نمشى وراء المناظر الكدابه او المخادعه.
بعد قليل تركت لميس نجوى وطاهر وأتجهت الى الغرفة الموجوده بها نغم 
لتفاجىء بخروج فيصل من الغرفه بوجهها 
لتنخض وتقول بأرتباك أنا كنت لسه هخبط على الباب أنت بتعمل أيه هنا عند نغم 
ليبتسم فيصل ويقول صباح الخير يالميس ويتركها مغادرا
دخلت لميس الى الغرفة دون طرق الباب لتجد نغم تقف تصفف شعرها رأت لميس فى المرآه 
لتقول وهى تبتسم نسيتى تخبطى على الباب 
لتنظر لميس لنغم تجد وجهها يشع سعاده 
لتقول لميس أنا شايفه فيصل خارج حالا من هنا ولا أنا بحلم خير هو فى حاجه حصلت 
لترد نغم بمراوغه هيكون أيه حصل عادى جاي بطمن عليا 
لتنظر الى نغم لميس قائلا بطمن بس ولا حاجه تانيه 
لترد نغم وأيه هى الحاجه التانيه دى 
لتقول لميس بخبث وهى تقترب من نغم وتضع سبابتها على شفاه نغم تمسح عليها بقوه قائله لأ مش روج دا طبيعي 
لتقول نغم مش فاهمه مالها شفايفى ناقص تقطعيها 
لتقول لميس بخبث دى متقطعه أصلا بس مين بقى الى قطعها مين يا لميس مين 
أكيد الى لسه خارج من هنا فيصل العفيفى 
لتقول نغم بأرتباك قصدك أيه 
لتقول لميس أعترفى فيصل كان هنا ليه 
لترد نغم جاى يقولى أنه هنروح أنا وميجو المزرعه يلعب مع الكلاب هناك أنتى عارفة ان ميجو عنده حب كبير للحيوانات وأنا وافقت وهنروح بعد الغداء 
لتبتسم لميس على توتر نغم وتقول بس كده يعنى ميجو هيلعب مع الكلاب 
وأنتى وفيصل تلعبوا عريس وعروسه صح 
لتنظر نغم قائله تصدقى ماما صدقت لما قالت عليكي قليله الادب 
لتضحك لميس قائله عايزه تقولى لى أن أحمرار شفايفك ده طبيعى 
لتبتسم نغم بخجل 
لتدخل عليهن نيره بعد طرق الباب تجدهن واقفتان لتقول لهن سألت ماما على نغم قالت لى أنها هنا مع لميس قولت أجى أقعد معاكم 
لتقول نغم لنيره جايه منين كده عالصبح 
لترد نيره كنت عند عمنا العزيز 
متصل عليا من بعد الفجر وقال عايز يقابلنا وأنا رحتله لوحدى 
لتقول لميس وكان عايزكم ليه 
لترد نيره فضل يقول كلام أهبل ويلف ويدور 
لتسرد لهن نيره ما حدث معه 
لتضحك لميس وتقول وهو صدق أنك هتبيعى نصيبكم لفيصل 
لترد نيره صدق لما شاف أمضاء فيصل على العقد 
لتقول نغم وأفرضى راح لفيصل وقاله أنها مش أمضته 
لتقول نيره لو راح لفيصل هيقوله ويأكد له أنها أمضته 
لتقول لميس بعدم فهم يعنى أيه 
لترد نيره عليهن وهى ترى الحيره على وجههن 
لتقول يعنى أمضة فيصل على العقد صحيح لأنه هو مضى فعلا على العقد لما طلبت منه بدون ما يقرى حتى العقد 
لتقول نغم وأمتى مضى بقى 
لتقول نيره مضى من حوالى ساعتين كده 
لما ميجو صحى قال عايز ماما ونزل من جنبى وجه لهنا وأنا جيت وراه وفيصل هو الى فتح له وأنا طلبت منه ومضى ببساطه 
لتنظر لميس وتقول وفيصل الى فتح لميجو وميجو كان بايت عندك ودلوقتي فيصل خارج من هنا وشفايفك حمرا 
يبقى التفسير الى فى دماغى صح 
لتنظر لميس ونيره لبعضهن ويبتسمن ثم ينظرن لها
لتقول نغم لهن انتو بتبصولى كده ليه 
لتقول لميس أعترفى أنتم أتصالحتوا صح قولى صح 
لتقول نيره صح أكيد وتميل تهمس للميس بشىء 
لتبتسم لميس بخبث 
لتقول نغم بضيق وتهرب لهن بتتوشوشوا على أيه أنا سايبه لكم الأوضه وراحه أشوف أبنى فين 
ليضحكن وهن يرانها تهرب منهن بسعاده
فى منتصف النهار بعد أن خفت درجات حرارة الجو
كان فيصل يلف يده حول خصر نغم ويسيران بين أشجار العنب ويجرى أمامهما طفلهما وجواره ذالك الكلبان يمرح باللعب معهم
لتقول نغم وهى تتذوق حبه