شهد وعمار

عمار من تصرف اخيه كثيرا بينما قالت صفاء لنفسها ېخرب بيت امك كسفتنا ادام الناس الله يكسفك بينما قال لؤي لنفسه اه اعزم يا اخويا هو انت اللي هتدفع.
بينما داست شوق علي قدم عمر مبتسمة قائلة بهمس ايه اللي انت هببته دا
عمر بهمس ايه عملت ايه
شوق ازاي تعزم صاحبك مش هم اللي عزمنا
عمر وفيها ايه انا كنت عاوز اعرفهم عليه. 
شوق ماشي يا عمر لما نبقي لوحدنا. 
وهنا جاءت الطلبات وقدمها مراد ثم سال اذا كانوا يريدون شيئا آخر ثم انصرف. 
عمر بهمس هتعملي ايه لما نكون لوحدنا يا قمر انتي
شوق اتلم يا عمر عيب. 

عمر عيب ايه يا بنتي انا جوزك والله جوزك. 
لاحظت ليليان توشوش عمر وشوق فقالت عمر هو انت خريج ايه
عمر علوم.
ليليان وانتي يا شوق. 
شوق انا لسه بدرس طب دي رابع سنة. 
ليليان طب واتجوزتي بدري ليه كده وحملك مش ماثر علي دراستك
عمر بدري ايه احنا فضلنا سبع شهور مخطوبين. 
شوق بابتسامة معلش بيحب يهزر انا اتجوزت في الاجازة والحمدلله حملت بعد الجواز بشهر وعمر مساعدني جدا ومش مخليني اعمل حاجة والحمدلله بذاكر. 
ليليان طب وانتي ايه اللي خلاكي تسافري كده دا مش هيتعبك
شوق لا طبعا بيتعبني بس انا مش هعرف اقعد من غير عمر وبعدين هو انا عندي اغلي من عمار. 
عمار بابتسامة ربنا يخليكي يا شوق. 
عمر بمزاح اه عندك انا. 
ضحك الجميع ولاحظت ليليان ان عمار لا ياكل بسبب اصاپة يده فنظرت لعلا لتلفت انتباهها ولكن علا لم تكن تنظر اليها فقالت ليليان علا.
علا نعم.
ليليان انتي خريجة ايه يا حبيبتي
علا انا لسه ستة طب اطفال. 
ليليان وانتي كمان متجوزة طب وحامل
علا اه الحمدلله في شهر. 
ليليان ربنا معاكي يا حبيبتي ثم نظرت ليليان لعمار فحاولت علا ان تفهم ولكن نظرت لعمار فوجدته يحاول ان يمسك بالشوكة ولكن لا يستطيع فقالت بحنية عنك يا حبيبي واخذت تؤكله. 
عماد بمزاح ماشي يا عم واخد الحنان كله. 
عمار ملكش دعوي انت خليك في طبقك. 
عماد ماشي يا سيدي. 
ليليان وانت يا استاذ عماد خريج ايه
عماد يعني هي جت عليا وتقولي يا استاذ قولي عماد عادي. 
ليليان بابتسامة حاضر
لؤي لنفسه بهمس وهو يجز علي اسنانه ڠضبا ظريف اوي. 
عماد انا دكتور في كلية حاسبات ومعلومات المنصورة. 
منال بجد ليليان بردو في حاسبات ومعلومات. 
عماد بجد ربنا معاكي. 
ليليان يارب.
عمر بمزاح عمار بردو خريج حاسبات ومعلومات ابقي خليه يذاكرلك بقا. 
ليليان بخجل ان شاء الله. 
لؤي همس لنفسه غاضبا اللهم طولك يا روح. 
كان عمار يسمع كل ما يهمس به لؤي لنفسه ولكنه لم يعلق فعمار يجلس بجانب لؤي. 
منال اتصلي بلمار يا ليليان شفيها مجتش ليه
ليليان حاضر يا ماما. 
قامت ليليان للاتصال بلمار التي اخبرتها انها دقائق وستصل ذهبت ليليان واخبرت امها بذلك.
في منزل محمود الانصاريوالد ريم 
كانت ريم تحلس في غرفة الصالون تذاكر دروسها ومواد الكلية كما وعدت صديقتيها لين وليليان
فلنتعرف علي ريم هي فتاة في العشرين من عمرها في كلية الحاسبات والمعلومات قصيرة نسبيا فهي اطول من ليليان بقليل وشعرها اسود حريري طويل يصل الي ركبتها بشرتها داكنة قليلا وعينيها ازرق بللوري 
عندما سمعت طرق علي الباب قامت لتفتح الباب لتجد شئ جعلها تصرخ ماااامااااا
يتبع........

الرابع عشر 
ريم بفزع وصړاخ مااااامااااااا.
نبيلةالام بفزع وقلق في ايه يا ريم
ريم پخوف التصقت بها واقفة خلفها قطة يا ماما قطططططةةةةة. 
نبيلة هي فين دا يا ريم
ريم برا يا ماما واقفة علي الباب. 
نبيلة حاضر يا حبيبتي خليكي هنا وانا هروح اقول لعبد العظيم يوديها بعيد. 
ريم ماشي يا ماما بسرعة. 
نبيلة حاضر خليكي هنا. 
ذهبت نبيلة وبقيت ريم تحاول ان تهدا نفسها وبعد قليل جاءت نبيلة قائلة خلاص عبد العظيم اخدها بعيد بس بيقولك لقي الورقة دي علي رقبتها. 
ريم باستغراب ورقة ايه دي
نبيلة بحيرة مش عارفة تحبي أقرأها 
أخذت ريم الورقة قائلة لا هاتيها وانا هقراها. 
غادرت نبيلة وجلست ريم علي الاريكة واخذت تقرا الورقة التي كانت مضمونهاحبيبتي ريم انتي لا تعرفيني او ربما قد تعرفيني قليلا ولكنك لم تتوقعي ان احبك فانا لا احبك فقط بل اعشقك انت هوائي الذي اتنفسه اذا ابتعدتي هلكت واذا اقتربتي سعدت اغدقي علي بحبك وحنانك فانا بدونك هالك في بحر الحب
رفعت ريم حاجبيها في تعجب مما قراته من الورقة واخذت تفكر ايمكن لاحد ان يحبها بهذا القدر ولكن من هو لم لم يكتب اسمه اخذت ريم تبحث في الورقة عن اسم يدلها علي صاحب الورقة ولكنها لم تجد شيئا تنهدت ريم في خيبة امل وفي هذه اللحظة اعلن هاتفها عن اتصال من صديقتها لين أجابت ريم الو
لين السلام عليكم ازيك يا ريمو. 
ريم بتنهيدة الحمدلله وانتي
لين باستغراب مالك يا بنتي
ريم في حد بعتلي قطة ومعاها ورقة. 
لين بدهشة قطة! مش انتي عندك فوبيا من القطط
ريم اه بس بينه مكنش يعرف. 
لين بينه!وانتي ايه عرفك ان هو ولد
ريم اصل اللي باعت الورقة قايل فيها كلام حب. 
لين هيييييح يا عيني يا عيني علي الحب. 
ريم بخجل بطلي يا بت. 
لين ماشي ياختي ذاكرتي كويس
ريم اه لسه فصلين بس. 
لين ماشي يا حبيبتي ربنا معاكي اقفل انا بقا سلام. 
ريم ماشي يا حبيبتي سلام 
اغلقت لين مع صديقتها ريم واتجهت لغرفة اخيها ليث ودخلت دون ان تطرق الباب فوجدته يحدث صورة ريم فقالت اه يا غبي باعتلها قطة وهي عندها فوبيا من القطط 
التف ليث خلفه بخضة قائلا ېخرب بيتك فيه حد يدخل كده. 
جلست لين بجواره قائلة اه انا. 
ليث انتي بتقولي بقا ريم عندها فوبيا من القطط
لين اه ياخويا. 
ليث بتانيب ېخرب بيتي اما انا غبي صحيح أكيد خاڤت 
لين هو ايه اصله دا! 
ليث طب بقولك ايه يا ليون هي بتحب ايه
مدت لين يدها فاعطي لها ليث مبلغا من المال قائلا خدي ياختي مبتنسيش حقك ابدا. 
لين ريم بتحب الكلاب والشكولاته وعصير الاناناس والمكرونة البشاميل. 
ليث متاكدة
لين ايوه يا بني طبعا. 
دفعها ليث قائلا طيب يلا هوينا بقا 
وقفت لين قائلة ماشي ماشي خدني لحم وارميني عضم. 
ليث يلا يا بت من هنا 
لين طيب يا عم خارجين اهو متزقش بس. 
خرجت لين فنظر ليث لصورة ريم مع اخته وهما في الصف الاول الثانوي حيث كانت تبتسم فقال بحب انا آسف يا حبيبتي اني خوفتك بس اوعدك هصلح غلطتي يا حياتي ثم استلقي علي ظهره ووضع الصورة علي صدره قائلا بحببببببكككككك
في المطعم 
اخيرا وصلت لمار الي المطعم ولكنها كانت متضايقة قليلا فهناك بعض التصاميم التي لم يقم المصنع بتصنيعها بعد وهناك عرض ازياء في باريس مشتركة فيه بعد شهرين ولم تجهز تصاميمه بعد وقد قام عميل بتوبيخها علي الهاتف لانها لم ترسل له التصاميم المطلوبة كانت بركان علي وشك الانفجار وهنا اڼفجر البركان عندما اصطدمت بشخص واقف يتحدث علي الهاتف ووقعت حاجياتها من حقيبتها المفتوحة وهبطت لتجمعها مرة اخري. 
الشخص انا آسف جدا. 
لمار پغضب آسف ايه بقا اعمل ايه انا باسفك. 
الشخص پغضب قليل ما خلاص يا آنسة ما انا اعتذرت. 
انتهت لمار من لم حاجياتها ووقفت وقالت اعتذارك مش مقبول عن اذنك. 
الشخص بعد ان ذهبت لمار ايه المچنونة دي! 
أخذت لمار تبحث عن عائلتها حتي لمحت لؤي وليليان فاتجهت هناك سلمت علي الجميع وعرفتها منال علي الجميع ثم جلست علي الكرسي الشاغر بين ليليان ولؤي ولكن وقع هاتفها اسفل الطاولة فهبطت لتجلبه وهنا سمعت صوت عمر منادي حازم يا حازم. 
انتبه له حازم فاتجه اليه وفوجئ من هذه العائلة الكبيرة فقال حازم باحراج انا الظاهر جيت في وقت غلط. 
عمر لا يا عم تعال اقعد
نظر له حازم نظرة ضيق وڠضب ولاحظتها منال فقالت هات يا حبيبي كرسي وتعال اقعد. 
حازم باستسلام حاضر.
جلب حازم كرسي ووضعه بين عماد وعمر. 
عمر دي طنط منال وليليان ولؤي و...... 
كانت لمار مازالت اسفل الطاولة فنادت ليليان بهدوء لمار.
لمار من اسفل ثواني.
ليليان بهمس يلا يا بنتي الرجل مستني. 
لمار حاضر خلاص جبته. 
رفعت لمار راسها ووضعت الهاتف علي الطاولة قائلة آسفة انا....... 
لمارحازم انتانتي!
عمر انتم تعرفوا بعض 
لمار بضيق اه الاستاذ خبطني وانا داخلة المطعم. 
حازم پغضب هي اللي كانت ماشية حاطة عينها في الأرض. 
لمار پغضب شديد انت اللي واقف زي عمود النور. 
منال لمار عيب. 
لؤي معلش يا حازم هي بتضايق بس بسرعة. 
حازم مش مشكلة وانا آسف للآنسة لمار. 
لمار بهدوء وانا كمان آسفة. 
عمر بمزاح طب يلا اطلبوا اكل بقا. 
جاء النادل وطلبوا الطعام وبعد قليل جاء الطعام قام حازم بدعوة العائلتين لمسابقة الجري بعد يومين والجميع وافق انتهي الجميع من تناول الطعام واستاذن عمار للذهاب للحمام وعندما عادوا قرروا العودة للبيت وعندما اتجه لؤي للدفع وجد ان الحساب قد دفع بالفعل وان من دفعه هو عمار اغتاظ لؤي اكثر ولكنه لم يعلق واتجهوا جميعا للمنزل واتجه حازم لغرفته في النادي.
مر اليومين وبدات امتحانات لين وليليان وريم ونبات الحب يكبر في قلبي عمار وليليان والغيظ يشتد في قلب لؤي ولمار تحاول ان تضبط حياتها وريم تذاكر دروسها وتساعدها لين وليليان بقيت عائلة عمار في قصر الصاوي وحازم لم يزرهم مرة اخري منذ المطعم وريم مازال الشخص المجهول يرسل لها رسائل وهي قررت ان تكف عن حب كريم وتتجه لحب شخص يعشقها.
جاء يوم المسابقة ويوم اول امتحانات لين وليليان وريم وبعد انتهاء الامتحان دعت ليليان لين وريم الي المسابقة اعترضا بداية ولكن تحت الحاح ليليان وافقا قام بشراء التذاكر وجلسا بجوار العائلتين بدا السباق وكان عمر يشجع صديقه حازم انتهي السباق وبالفعل فاز حازم فهو البطل في النهاية. 
في المساء 
تجلس ليليان في غرفتها تدرس حينما اعلن هاتفها عن وصول رسالة واتس قامت باضاءة هاتف وقرات الرسالة وابتسمت فقد كانت من عمار مضمونها انا مش جايلي نوم ينفع اتكلم معاكي شوي بتوجع من ذراعي
ليليان الف سلامة عليك. 
عمار الله يسلمك بتعملي ايه 
ليليان بذاكر عندي امتحان بكرا. 
عمار ربنا معاكي. 
ليليان يارب شكرا. 
وهنا دخل لؤي فجأة قائلا ليليان كنت