حب في الغابات الهندية

_ بس ...
_ مبسش احنا هنسلم دماغنا ليهم ولا ايه ! اول ما اقول دلوقتي تجري تمام 
_ بس ...
_ اششش يلا واحد ...اتنين ...اجري يا مريم .
وفجأة جري بسرعة ناحية الحصان وركب عليه وهو بيتحرك بيه وجري ناحية مريم اللي كانت لسه واقفة مكانها پصدمة وقال بصوت عالي 
_ نطي ...نطي يا مريم .
صړخت مريم بغيظ وعصبية 
_ أنط مين يا ابن المچنونة جايب معاك عنترة بن شداد ! أنا عندي خشونة في الركبة اساسا .
وقبل ما تقول كلمة زيادة شدها محمد بسرعة للحصان وجري بيها بعيد عن القرية وهي بتصوت بصوت عالي بتصرخ وهو مبتسم وبيضحك بصوت اعلى وقال 

_ هربنا منهم ...هربنا .
بصت ليه مريم شوية وفجأة بدأت تضحك بصوت عالي وهو بيضحك معاها اتعدلت مريم ومسكت في هدومة وهو زود سرعة الحصان وهما الاتنين مبتسمين ..
بعد ساعات كان الاتنين قاعدين تحت شجرة ورابطين الحصان فيها ومحمد بيقول بهدوء 
_ هنرتاح هنا الليلة دي وبكرة نكمل الطريق ..
بصت ليه بقلق فقال 
_ مټخافيش نامي وانا هحرسك .
_ أنا كده خۏفت اكتر .
بص ليها بغيظ وقال 
_ تصدقي أنا اللي غلطان طب أنا هنام وانتي نامي اياكش يطلع علينا ديب ياكلنا سوا .
قالت بسرعة 
_ لا لا خلاص والله أنت احرس شوية وبعدين انا اصحى اكمل شيفتات كده .
هز رأسه وقال براحة 
_ ماشي نامي شوية وارتاحي
وفعلا نامت مريم وراحت في سابع نومة طول الليل ومحمد قاعد قصادها بيراقب المكان ومن غير ما يحس سرح فيها وابتسم بسمة واسعة وقال بصوت واطي 
_ جميلة ...
مر الليل وصحيت مريم واتحركوا سوا بالحصان بعد ما قفطوا شوية فواكهة ليهم وفضلوا ماشيين كتير لغاية ما مرة واحدة حست مريم بدوخة وفجاة وقعت في الأرض .
اتفزع محمد ووقف الحصان وهو بيقول 
_ مريم انتي كويسة !! مالك !
بصت ليه مريم وهي مش شايفة قدامها من الدوخة 
_ حاسة إن الأرض بتتحرك تحتي مش قادر خالص .
ساعدها محمد عشان تقف وطلعها فوق الحصان وبدأ يشده وهو بيقول 
_ ارتاحي انتي شكل الفاكهة اللي اكلتيها دي فيها حاجة أنا كمان حاسس بتعب وإرهاق كبير.
وكمل الاتنين المشوار بعد راحة اكتر من مرة لغاية ما بدا الليل يرجع تاني وفجأة وقفوا في الطريق اول ما شافوا نور عربيات بص محمد لمريم وفتح عينه وهما الاتنين فجأة جريوا للطريق وهما بيرفعوا ايدهم فوق 
_ اقف الله يكرمك اقف ..
فجأة وقفت العربية ونزل منها راجل بص ليهم باستغراب فبص محمد لمريم وقال 
_ ادخلي عليه بالصعبنيات يا مريم واتكي على أننا مساكين الدنيا جاية علينا .
هزت مريم رأسها واتحركت ناحية الراجل وهي بتقول بالهندي كلام كتير والراجل بيبص ليها پصدمة. وهو مش فاهم حاجة وفجأة قال 
_ انتي بتقولي ايه ! أنا مش فاهم حاجة خالص .
بص الاتنين لبعض پصدمة وقالوا في صوت واحد 
_ مصرررري 
_ اه مصري وشكلكم أنتم كمان مصرين بتعملوا ايه في المكان ده و....
فجأة جري عليه محمد حضنه وقال 
_ كنت فين من زمان يا غالي !
بص ليه الراجل پصدمة 
_ كنت بعمل صفقة والله وخسرتها
ابتسم محمد بسمة واسعة وقال 
_ ندرا عليا لو خرجتنا من هنا بخير لأكون عامل معاك صفقة العمر ايا كان اللي بتتاجر فيه .
بص ليه الراجل وقال باستغراب 
_ أنت !
_ أيوة أنا بص هو يمكن ميبانش عليا دلوقتي بس انا ابن ناس اوي اركب اركي هحكي ليك في العربية يلا يا مريم اركبي بسرعة .
وفعلا ركب الكل والراجل اتحرك بالعربية ناحية الفندق اللي هو قاعد فيه وطول الطريق الاتنين بيحكوا ليه اللي حصل وهو مش مصدق وقال 
_ أنا كمان كنت جاي المؤتمر ده وسمعت عن اللي حصل للعربية بتاعتكم بس اعتقد رجعوا تاني للمطار بعد كام ساعة .
بصت مريم بشړ لمحمد اللي كح وهو بيقول 
_ حمدلله على سلامتهم عقبال ما نرجع البلد كلنا ..
قالت مريم بغيظ 
_ شوفت بسببك خسړت فرصتي في الترجمة واني أظهر موهبتي .
ابتسم ليها محمد وقال 
_ لا ما أنا شوفت