الذئب

يا أدهم بيه أنا طول عمري انا وفريدة وحدنا أنا كنت وحيدة اهلي وماليش اخوات والخال والعم الله يرحمهم يعني مافيش حد من ناحيتي اما أهل أبو فريدة الله يرحمه فهما قاطعين علاقتهم بينا من ساعة ۏفاة المرحوم لأنهم كانوا عايزني اتجوز اخوه واعيش بفريدة عندهم هما من الصعيد برضه ولما رفضت ووقفت لهم حرموني انا وفريدة من ورثنا وقطعوا علاقتهم بينا يعني من الاخر أنا وبنتي لحالنا فوقف كارم فجاءه وكذلك عبدالحميد والشباب كلهم واقتربوا منها
عبدالحميد كيف يعني تجولي لحالكم ديه امال احنا ايه عاد فريدة زيها زي جميلة ولمياء وجمر وح نجعد ونتشرط عليهم يعملوا كل طلباتنا من مهر وشبكة ومؤخر وكل حاجة فضحك أدهم بقوة واقترب منه
أدهم من جنية لمليون يا عبدالحميد احنا نتقالوا فريدة بالدهب ها يا أم العروسة طلباتك وطلبات أهلها ايه عاد فضحكت سعاد
سعاد عن نفسي انا مش عايزة غير أن فارس يعاملها بما يرضي الله اي حاجة تانية مش مهمة بالنسبة

________________________________________
لي لكن أهلها اهم واشارت على عبدالحميد وكارم يقولوا هما
أدهم طلباتك ياعبدالحميد
عبدالحميد بص يا أدهم كنت معايا وجاري في جوازه البنته التلاته زيها زيهم
أدهم موافق طبعا ثم نظر لفارس ها يافارس ناوي تعيشوا فين ياولدي انت وعروستك اتفجتم
فارس اه يابويا ح نكون بين هنا وبين عنديكم في مصر وطبعا امي سعاد ح تجعد معانا اني اشتريت دار اهنه بين دار احمد ولمياء وبين اهنا أما في مصر ف طبعا ح ننزل عنديكم في جناحي ثم نظر لسعاد ايه رايك يا أمي فابتسمت سعاد
سعاد يابني دي حياتكم انا مالي بيها فجلس بجوارها فارس
فارس لاه يا أمي انتي جبلنا سوا اهنه او عند ابوي ومافيش نقاش لا حضرتك ح تعرفي تعيشي بعيد عن فريدة ولا فريدة ح تعرف تعيش من غيرك واني كمان بصراحة حضرتك عارفة اني اتعلجت بيكي كيف
سعاد خلاص يافارس زي ماتشوف يابني ألف مبروك عليكم
أدهم خلاص بما اننا متفجين على كل حاجة يبجي نكتب الكتاب الخميس الجاي ده طوالي جبل مايسافر أحمد ومعتز للساحل وأول ما فارس يخلص الدار اهنه نعملوا الفرح طوالي 
سعاد خلاص تمام نكتب الخميس ونسافر احنا مع معتز وأحمد يوم السبت علشان نوضب حالنا هناك ونرجع على الفرح اكون لحقت اجهزها بجهازها ثم قام الجميع بقراءة الفاتحة واقترب فارس من فريدة وهمس
فارس مبارك ياحبيبتي فخجلت فريدة ووضعت وجهها ارضا
فريدة الله يبارك فيك
فارس يا ايه فنظرت له فريدة وابتسمت بخجل
فريدة يافارس اي حاجة تانية بعدين ماينفعش دلوقتي فابتسم فارس لها
فارس كلها كام يوم يافيري واخذ الكل يبارك لهم وكان البيت في قمة الفرح والكل شعلة نشاط فنزل البنات ليشتروا الفساتين لكتب الكتاب وصمم فارس ان يحضر هو فستان فريدة والأمهات ذهبوا للدار التي اختارها فارس فكانت قريبة فعلا من الدار الكبيرة ودار أحمد ولمياء وكان الشباب قد قاموا بتصميم ديكور حفلة كتب الكتاب ومضت الايام وجاء يوم كتب الكتاب واحضر فارس فستان من اللون العسلي وكان رائع التصميم وارتدي هو بدله من اللون الكحلي معها كرافت بنفس لون فستان فريدة وكانت ليلة جميلة جدا وفور ان انتهى الماذون من كتب الكتاب وقال جملته المعروفة بارك الله لهم حتى جري فارس الي فريدة واحتضنها بكل حب و فرح ورفعها عن الارض
فارس خلاص بجيتي مرتي حلالي يافريدة وكانت فريدة في قمة خجلها تضع وجهها في عنقه من الخجل
فريدة نزلني يافارس فانزلها وهو لازال يحتضنها وكان الكل يضحك على جنانه واخذ الكل يبارك لهم وانتهى اليوم والكل في حالة من السعادة والسرور ولا احد يعلم ماذا يخبئ لهم القدر
جاء صباح يوم السفر وسافر أحمد ومعتز ومعهم زوجاتهم ومعهم فارس حتى يقوم بتوصيل فريدة وسعاد الي منزلهم بالإسكندرية وسافر أدهم وكاميليا وكارم الي القاهرة ووصل كارم الي منزله وقابل حسناء وزينه وكان كارم قد استقل تماما عنهم في جناح معتز
حسناء حمدلله على السلامة مش قلت أنك كنت جي الأسبوع اللي فات ليه قعدت اكتر فنظر لها كارم ببرود
كارم ولو انه شئ مايخصكيش بس كان كتب فارس وفريدة الخميس اللي فات وقعدت علشان احضره فوقفت زينة وهي تنظر لابيها ووجها غاضب بشدة
زينة ايه بتقول ايه يابابا كتب كتاب مين فقام كارم من مكانه 
كارم فارس وفريدة تصبحوا على خير أنا تعبان وطالع أنام
وانصرف كارم وتركهم وجلست زينة بجوار أمها پغضب
زينة بقى فارس الأسيوطي يتجوز الزفتة دي ومايرضاش يبص لي انا ح اټجنن يامامي فضحكت حسناء بسخرية
حسناء جتك خيبة الست جميلة اتجوزت جاسر والست لمياء اتجوزت أحمد حتى الجربوعه اللي كانت خدامه عندنا اتجوزت اخوكي وادي الست فريدة اتجوزت فارس وانتي قاعدة جنبي زي خيبتها جتك وكسة خايبة ونايبة قعدتي تقولي ح اعمل واسوي واديكي طلعتي قفاكي يأمر عيش اطلعي اتخمدي بلا خيبه فوقفت زينة ونظرت لها وعيونها تشتعل
زينة ماشي أنا وهما وح نشوف مين اللي ح يكسب
وصعدت جري لغرفتها وأخذت تتحرك وتدور وهي تفكر ماذا تفعل لا أنا مش ممكن اطلع كده وكل واحدة فيهم متجوزة واحد طول بعرض وفلوس قد كده فكري يازينه فكري تتصرفي ازاي وظلت هكذا لأكثر من ٣ ساعات حتى نامت واستيقظت صباحا ارتدت ملابسها وذهبت الي النادي حتى تجلس مع صديقاتها وحكت لهم ماحدث وكانوا اثنان واحده تدعي كريمان والأخرى نسرين
زينة فكروا معايا يا بنات اعمل ايه
كريمان تعملي ايه في ايه خلاص يازينة الموضوع خلص وكل واحد فيهم اتجوز انسى بقي فنظرت لها زينة وقبل ان تتحدث تكلمت نسرين
نسرين انا عندي فكرة جهنميه بس ماتنفعش تتعمل غير مع قريبك ده اللي اسمه جاسر فاضاءت عين زينة
زينة احسن قولي هي ايه علشان اكسر عين جميلة اللي طالعة فيها بحب سي جاسر لها
نسرين بصي بس لازم مامتك تكون معاكي علشان ترسموا الدور كويس
زينة قولي وانا ح اتصرف اكيد

________________________________________
مامي لازم ح تبقى معايا
نسرين طيب اسمعي بقى انتي ح تتفقي مع مامتك وترسموا دور ان في حد وقفك وانتي راجعه واعټدي عليكي وطبعا كده ح تتفضحي لو حد جه يتقدم لك علشان يتجوزك وطبعا شوية بكى من طنط واڼهيار منك ح تكلم مامتك خالتك وتقولها ان جاسر يتجوزها شهرين تلاته وبعدين يطلقها حتى علشان بس يكون معاها قسيمة جواز وطلاق وبعدها بقى انتي وشاطرتك تجننيه وتشعلليه وټحرقي ډم جميلة بتاعته دي وهي لما تعرف ممكن قوي تطلب الطلاق ويبقى خلي لك الجو فصړخت زينة
زينة يابنت الجنية دي افكار شياطين واوووووو
كريمان ايه الهبل اللي بتعملوه ده فكري يازينة دي فكرة زفت انتي كده بتسوئ سمعتك غير انك ح تخربي بيت كمان
زينة بس بس ياهبلة مش مهم اي حاجة المهم اني اخد جاسر واحړق قلب جميلة هانم بتاعتهم دي انا ماشية يابنات سلام دلوقتي ولما اشوف ح اعمل ايه ح اكلمكم فنظرت كريمان لنسرين
كريمان ليه كده يانسرين دي افكار دي انتي ايه يابنتي