ليلي

واتأكد انها مش موجوده وهربت منه شعوره بالۏجع أن هيمر وقت طويل عليهم مش هيقدر يشوفها فيه كان مسيطر عليه بس صبر نفسه وقال إن غدا لناظره قريب ومسيره هيتجمع معاها تانى لأن كأن عنده يقين أن أكيد ربنا هيجمعها بيه فى ظل طاعته بعد كل اللى حصل ده . وصلت ليلي لبيتها وفرحت لما شافت أمل وفضلت حضناها وكانت عايزه تحكى كل حاجه بس مقدرتش طلعت شقتها ولقت سميحه وسارة فى المطبخ ووالدهم نايم
ليلي انا رجعت ياقوم
سلموا عليها وفرحوا أنها رجعت وباركولها على نهايه الامتحانات مر شهر على الإجازة وجه والدها يكلمها عن اكتر موضوع هى خاېفه تتكلم فيه
ناصر بقولك ايه يا ليلي سامح ابن عمتك رجع من بره وعايز يحدد معاد الخطوبه
ليلي يابابا حضرتك عارف انى مش موافقه يبقي ليه بنتكلم ف الموضوع ده تانى
قام من مكانه وشد شعرها فى أيده
ناصر انا مش باخد رأيك يا روح امك أنا بعرفك بس فاتتلمى كده أحسن ما كسرلك عضمك
فضلت تحاول تسلك شعرها الحريرى من بين أصابع والدها
ليلي پألم حرام عليك انا شعرى أتقطع حرام عليك
ناصر جهزى نفسك الاسبوع الجاى
خرج ناصر وسط دموع وانات ليلي المتألمه جسديا ونفسيا
سارة حضنتها بحزن حقك عليا انا اسفه متزعليش منه
سميحه يا بنتى هاوديه أنتى شايفه بعينك بيعمل فينا ايه وعارفه عفاريته لما تطلع.
ليلي پبكاء هيستيرى يا ماما سميحة أنا مش عايزاه طول عمرى بقول مش عايزاه جسمي اتهرى من الضړب بسببه وبابا لسه مصمم يجوزهولى
سميحه بأسف هنعمل ايه بقي يا بنتى منه لله على اللى بيعمله فيكي ده
ليلي لو كانت ماما موجوده مكنش قدر يعمل فيا كل ده
سميحه پألم وانا قصرت معاكى يا ليلي الله يسامحك
ليلي انا اسفه يا حبيبتى بس حضرتك حاسه بألمى مش كده
فضلت سميحه تطبطب على ليلي وتنظر لسارة بأسف
مر الاسبوع ما بين محاولة ليلي مع والدها انه يلغى الخطوبة وبين ما بتنتهى المحاولة بضربه الشديد لها ليلي اتصلت على ندى وعلى تطلب منهم يحضروا الخطوبة دخلت ندى عند ليلى فى غرفتها
ندى بسم الله ما شاء الله عروسة قمر يا ناااس
ليلي بحزن شكرا يا ندى
سارة خلصتى يا لولو عريس الغفلة جه برا
حست بۏجع شديد فى قلبها واتمنت لو تجرى تروح لعمرو
ليلي ثوانى وهخرج ممكن بس تستنونى بره
مسكت الموبايل بعد خروج الجميع ودورت على رقم هى حفظاه قلبا وقالبا دى اول مره تستخدمه فيها أخدته من الورق اللى وزعوه عليهم فى الجامعه مكتوب فيه كل أرقام الاتحاد وبعد ثوانى من ضغط الاتصال
عمرو الو
عمرو الووو مين معايا
.
سكت عمرو وبعدها همس ليلي
انتفضت ليلي من مكانها وقفلت الخط بسرعة وقفلت الموبايل تماما ودخلته الدرج بسرعه خرجت ليلي الخطوبة اللى حضر فيها عمها وزوجته وأم العريس واخته وكام صاحب ليه واللى طمنها شويه وجود ندى جنبها قعدت جنب العريس بدون سلام أو اى رد فعل كأنها لوح من الجليد مش حاسس باللى حواليه
سامح الف مبروك يا عروسه أخيرا اليوم اللى بحلم بيه جه
ليلي ..
سامح طيب ايه مش هتقولى اى حاجه
كانت رافضه حتى تلف تبص عليه
العمة سهير جرا ايه يا ست ليلي ما تردى على عريسك ايه قلة الزوق دى
سميحه جرا ايه يا ام سامح البنت محرجه منه طبيعي يعنى تبقي كده
سهير وده من ايه أن شاء الله ماهى طول عمرها عارفه أنه خطيبها واحنا بنربيها على الأساس ده يبقي ايه لازمته كهن البنات ده
ناصر ما تتعدلى يا ست ليلي
سميحه متدخله بتزغرط فى ايه يا بنات ماتزغرطوا يالا يا سامح لبس عروستك الشبكه
لبس سامح ل ليلي الشبكة وليلي بتتحرك بآليه كأنها بلا حياة
على بهمس لندى هى ليلي مڠصوبة على الجوازة ولا ايه
ندى باين كده انا لسه مش عارفه تفاصيل
على وهى الست اللى شبه معلمين المدبح دى حماتها
ندى لا وعمتها كمان
على الله يكون فى عونك يا ليلي دا انتى وقعتى فى بلاعة والله ماتستحقيها
ندى اه والله ليلي احسن من كده
على طيب يلا نمشي علشان انا مش هستحمل المهزله دى اكتر من كده
اتجهت ندى ناحية ليلي تباركلها وتستأذنها تمشي راح معاها على يبارك
على الف مبروك يا
ليلي قلبي عندك
ليلي شكرا يا على
ندى ربنا يفرحك يا لولو يارب
ليلي يارب يا ندى يارب
بعد خروج على وندى
سهير وده مين ده كمان بيعزيكي ولا بيباركلك أن شاء الله لا يا بنت ثريا أنا مبحبش النظام ده
ليلي دى صاحبتى وده اخوها جاى يبارك
سهير بتحرك شفايفها حكم وأخوها يجي جنبك ليه ماتقول حاجه يا سامح عجبك وضع خطيبتك ده
سامح محصلش حاجه يا امى 
ومسك ايد ليلي وضغط عليها پعنف ليلي مش هتكررها
شدت كفها من كفه وقامت بانتفاضة
ليلي انا داخله اوضتى بعد اذنكم
دخلت غرفتها تحت عيون سهير اللى ندهت لاخوها
سهير ماتربى بنتك يا ناصر هى مش عاملالنا قيمه ولا ايه تدخل كده من احم ولا دستور
ناصر حاضر يا سهير
دخل ناصر ورا ليلي اللى كانت بټعيط
ناصر انتى يا بت اطلعى اقعدى مع عريسك
ليلي انا تعبت يا بابا وعايزه اريح شويه
شدها من دراعها پعنف وخرج بيها بره لما يبقي يمشي تبقي تريحى
خرجت ليلي عنوة وقعدت جنب سامح
سامح اللى حصل ميتكررش لا تكلمى حد غريب ولا تتحركى من قدامى طول ما انا موجود فاهمه
ليلي بابتسامه ألم ماهو ده اللى طول عمرى بعمله ايه الجدي
سامح الجديد انك خلاص بقيتى بتاعتى سمعانى
حركت دماغها بايجاب ودموع بتنزل منها
على الجانب الآخر وفى بيت عمرو
عمرو بيخبط پعنف على باب غرفه حسام
عمرو انت يا زفت اصحى محتاجلك
فتح حسام بكسل خير انا مش لسه سايبك
عمرو فين تليفونك مش معاك تروكولر
حسام اهو ليه فيه ايه
عمرو بعد ما اخد موبايل حسام ودخل عليه رقم ليلي أصل حد رن عليا وانت عارف موبايلي مكسور ومعايا واحد قديم هشوف رقم مين ده
لاقى الاسم لولو
عمرو هى ليلي يا حسام اللى رنت عليا
حسام وبعدين
عمرو الله أعلم بس لاقيتها بترن ومش بتتكلم واول ما قولت اسمها قفلت الخط تماما
حسام ماتقلقش أكيد هى بخير إن شاء الله
عمرو يارب
عدت الإجازة وجه معاد بدأ الدراسه وصل الجميع الكلية عمرو بيدور عليها ودايما مش لاقيها حتى ندى بتحضر لوحدها مر أسبوع بعد بداية الدراسة وهى مش موجوده عمرو هيتجنن عايز بس يطمن عليها واخيرا استجمع شجاعته وقرر يسال ندى
عمرو ندى كنت عايزك ف حاجه
ندى حست أن الحاجه ليها علاقه بليلي
ندى خير يا عمرو
عمرو كنت عايز أسألك عن ليلي هى مش بتيجي ليه
ندى كانت بتبص وراه وهو بيتكلم ليلي هى اللى تجاوبك هى وراك أهيه
الټفت شاف فعلا ليلي وراه بس أول ما شافته مسكت ايديها واترددت تدخل اتحركت ووصلت لمكانهم وسلمت على ندى
ليلي ازيك يا باشمهندس
عمرو وبدت على ملامحه الراحه بخير الحمد لله دلوقت بقيت بخير
انتبهوا التلاته لصوت بينادى باسم ليلي من الخلف شاف شاب لابس بدلة رسمية وشايل فى أيده بوكيه ورد وبيتحرك ناحيتهم قرب سامح لمكانهم وكان تركيزه منصب على عمرو
سامح لولا حبيبتى نسيتى الورد بتاعك فى العربيه.. 
بص لندى.. مش انتى ندى صاحبة ليلى اهلا بيكى انا فاكرك من يوم الخطوبه
ندى برسميه اهلا بيك
سامح طيب ياروحى اسيبك