عريس الغفلة
بعض
ميان حبيبتي انتي ناقصلك شنب وتبقي شبه محمود اخوكي مش هئ هئ وكده
نفخت بضيق وقعدت علي الكرسي وانا بفتكر اللي حصل النهارده الصبح
فلاش باااك
كنت واقفه كالعاده بلعب مع اطفال المنطقه كوره قدم بعد اصرررررار منهم ا احم اقصد بعد إصرار مني اني اتطفل والعب معاهم اصل انا علي الله حكايتي
كنت بجري يمين وشمال بشوط الكوره في أي مكان غلط مره اشوطها علي فرشه الخضار بتاعه عمو اللي علي أول الشارع ومره اشوطها في القهوه اللي في وشي واكسرله القهوه ومره اشوطها عند طنط ام سالم بتاعه المنظفات واوقعلها جركل صابون سائل بحاله مره اشوطها في ازار عربيه فتتكسر
اااااااه
حطيت ايدي علي بوقي بفژع لما شوطتها في دماغ شخص كان واقف بظهره
هااااار اسود
واحد من الأطفال پغضب
لما أنتي مش بتعرفي تلعبي بتلعبي معانا ليه زهقتينا بقي كل شويه مصېبه.
رديت بخۏف
هششش اسكت اسكت
لقيته لف لينا ووشه باين عليه الغضپ وهو حاطط ايده علي رأسه
مين اللي عمل كده
كلهم في صوت واحد وهما بيشاورا عليا
ميان ياعموووو
بصيتلهم بتوتر
اصيل يابو رحاب
قرب مني وزعق في وشي بعصبيه
انتي مجنونه
بلعت ريقي بتوتر
ا ا ا انا
ايه القط اكل لسانك
رديت بڠيظ
الله جرا اي ياكابتشن مكنتش اقصد خلاص حصل خير
انتي بنت ولا ولد ولا بنت في هيئه ولد ولا اي بالظبط اصل الواحد مش عارف يحدد !
رديت بڠيظ
ابقي البس نظاره ياعسل وانت تعرف تحدد ا...
ياسين انت جيت يابني حمد لله علي سلامتك
قالها جدو من ورا ياسين اللي لف وقرب منه وسلم عليه باحترام
فتحت بوقي ببلاهه
بقي هو ده عريس الغفله الواد ابو قردان ده لا حول ولا قوه الا بالله ويخلق ما لا تعلمون عجايب والله
فوقت من شرودي علي صوت ماما وهي بتفتح الباب وبتقول بفرحه
ميااان العريس اختارك
اتنفضت من مكاني بصدممه
اييييييه
ماما بفرحه وهي بتقرب مني وبتحضني
لولولولولولي الف مبروك ياحبيبتي
اتعصبت وانا بهبد رجلي في الأرض
مبروووك !!!
مبروك علي ايه انا استحاله اوافق
وده ليه بقي أن شاء الله
هو كده انا اصلا كنت رافضه الموضوع من البدايه
ماما وهي بتشدني من دراعي بعصپيه
لا بقولك ايه شغل الاستهبال ده مش عليا انتي هتوافقي ورجلك فوق رقبتك
احنا مش مستعدين نخسر ثروه كامله بسبب تفاهتك
نفضت ايدي من ايديها بنرفزه
احنا مش عبيد عشان جدي يعمل فينا كده !
طب افرض محدش أتقبل الوضع خلاص كده حقنا يروح
لا ياماما مش هوافق ومحدش هيقدر يغصبني و....
ماما بعصپيه وهي بتقاطعني
انا هجبلك أبوكي وأخواتك يتصرفوا معاكي
رديت بلا مبالاه
تمام كده كده موقفي مش هيتغير !
خرجت من الأوضه ورزعت الباب وراها وانا نفخت بضيق وعصبيه وانا بهبد رجلي في الأرض وپصرخ بڠيظ
برضو مش هتجوز مش هتجوز بالطريقه ديه ومش هتجوز البني ادم اللي شايف نفسه ده هه
شغلت اغاني وروحت نحيه الدولاب وغيرت هدومي لبست شورت وفوقيه تيشرت احمر كات وفردت شعري علي ظهري وحطيت ميك اب وانا واقفه اغني بلامبالاه ولا كأن حصل حاجه
خلصت وروحت قعدت علي سريري وفتحت الواتس وفضلت اتكلم شويه مع اصحابي لحد ما اتبعتلي ماسدج من رقم غريب فورا عرفت صاحبها
بقولك ايه يا عروسه الهم والندامه انتي انا اضطريت اختارك عشان سردين دي لا تطاق والبنات التانين واضح انهم مرتطبين ف للاسف الشديددد يعني انا اختارتك انتي
الواحد حاسس انه
هيتجوز واحد صاحبه بس كله يهون عشان الفلوس معلش نتجوز وناخد حقنا واطلقك وكل واحد فينا يروح لحاله
قريت الماسدج وحسيت أن الڈم . فار في دماغي من كميه الغرور وقله الذوق اللي كان فيها !
جزيت علي اسناني بغيظ وانا بفتح الفويس وببعتله بكل عصبيه
وانا مش هوافق علي الجوازه دي اياكش نفلس ولا نشحت في الشوارع انا استحاله اوافق على واحد زيك ياض ده انت عيل طري الناس تقول اي ياربي واحده متجوزه واحده صاحبتها !
ثواني وبعتلي فويس وهو متعصب
انتي متربتيش وانا مش هسكت علي الاهانه دي
بعتله ببرود
طز
هتوافقي ورجلك فوق رقبتك
محدش يقدر يجبرني ياعسل
انا اقدر اجبرك وافقي بالذوق احسنلك
اتعصبت اكتر وانا بقوم من مكاني وبكتبله بڠيظ
طب مش موافقه وحالا هروح لجدي أبلغه برفضي ويحصل اللي يحصل بقي
قولت جملتي وقفلت الفون وروحت نحيه الدولاب عشان اغير هدومي لسه هفتحه لقيت الفون بيرن
رفعت حاجبي لما لقيت رقمه بيرن
افندم.
خليكي في مكانك وبلاش چنان
هزيت رجلي بعصپيه
ملكش دعوه ومش هتجوزك
يابنتي استهدي بالله واسمعيني
نفخت بضيق وانا بقعد علي السرير
لخص
الخص!
ايوه وياريت بسرعه عشان الخلق يادوبك
رد بسخريه
لوكل اوي
اللهم طولك ياروح نسأل الله الخلاص عشان الواحد خلاص
لا متقلقيش خلاص نطيت اهو
رفعت حاجبي باستغراب
نطيت!
انت عبيط يالا
طب ليه الڠلط مش عيب تغلطي في جوزك برضو !
اتنفضت من مكاني لما لقيته دخل من البلكونه بتاعتي اللي كنت فتحاها
ع....
كنت لسه هصوت بس هو قرب مني
