من اجل الحب بقلم دودو محمد

مع اخوه وبسببه اختنا غابت عننا وهو كل اللى عملو ايه راح اتجوز واحده تانيه غير اختك انت صحوبيتك لامير عاميه عينيك ومش شايف قد ايه هو بنى أدم انانى وميستهلش اننا نتعاطف مع حد فيهم 
شريف ده ملهوش علاقه بموضوع ريم اختك بتحب محمود وهو شاريها وجه من الباب واتقدم ليها ليه نقف فى طريقهم ونخليهم يعملو حاجه من ورانا احنا بغنى عنها 
سامح والله هو ده رأى وانتو حرين وسابهم ودخل الاوضه 
شريف بص لأمه وقال والعمل ايه يا امى 
نبيله مينفعش نمشى حاجه من غير ما يكون اخوك مش راضى لازم نقنعه بالموضوع 

شريف وانا مش هوقف الجوازه واكسر قلب اختى واللى مش عجبه الكلام ده هو حر وسابها ودخل اوضت ريم لاقها بټعيط قعد جنبها وشدها فى حضنه وقال متعيطيش وحيات غلاوتك عندى لأجوزك الولا حوده واعمل فرحك وفرحى فى ليله واحده 
ريم بدموع بس مش عايزه سامح يكون زعلان انا عايزه كلكم تكونو راضين عن الموضوع ده 
شريف سيبى سامح عليا انا هفضل وراه لحد ما اقنعه امسحى بس انتى دموعك وورينى الضحكه اللى بتنور وشك دى 
ريم مسحت دموعها وقالت انا بحبك اوى اوى يا أبيه 
شريف بسها من راسها وقال وانا بمۏت فيكى يا روح أبيه 
_____________________________
فى شقة امير
فى اوضت ساره
كانت قاعده فى اوضتها بتسمع اغانى وتليفونها رن برقم احمد فتحت التليفون وقالت 
ساره الو 
بس محدش رد عليها وسمعت صوت دوشه وصوت بنات بتتكلم وبتضحك بطريقه مش كويسه قالت بأستغراب احمد يا احمد رد عليا احمد بس التليفون اتقفل جربت على رقم احمد مره واتنين وتلاته بس محدش كان بيرد قلقت عليه وبقت رايحه جايه فى الاوضه وتليفونها رن تانى طلعت تجرى عليه ولاقته رقم غريب ردت بلهفه وقالت 
ساره الو مين معايا 
المتصل انا واحد عايز مصلحتك 
ساره بقولك ايه مش ناقصه استظرافك حاجه تقرف ولسه هتقفل 
المتصل لو عايزه تعرفى احمد فين هقولك 
ساره ردت بلهفه وقالت فين 
المتصل فى شقة فى شارع....... عماره رقم ..... الدور ....... روحى بسرعه علشان تلحقيه وقفل السكه
ساره پخوف الحقه من ايه الو الو رد عليا ارجوك وحدفت التليفون وقالت اعمل ايه يا ربى اعمل ايه لبست هدومها بسرعه وخرجت من اوضتها وقالت ماما انا نازله 
امينه رايحه فين 
ساره بكدب واحده صحبتى تعبت وراحت المستشفى هروح اطمن عليها 
امينه ما تخليكى الصبح ايه هيوديكى دلوقتى 
ساره بالله عليكى يا ماما توافقى اروح انا هتجن عليها ومش هقدر استنا لصبح واوعدك مش هغيب 
امينه اتنهدت وقالت ماشى يا ساره بس اوعى تتأخرى وخلى بالك على نفسك 
ساره حاضر يا ماما ونزلت تجرى وقفت تاكسى وراحت على العنوان اللى قالها عليه وطلعت تجرى على الشقه وخبطت على الباب لاقته مفتوح زقته پخوف وتوتر وقالت ا ا.احمد ا ا انت هنا ودخلت مشيت واحده واحده وبقت تبص حوليها بتوتر وتقول احمد رد عليا ارجوك وشافت نور خارج من تحت الباب راحت عند الاوضه وزقت الباب وحطت ايديها على بؤقها والدموع نزلت منها وقالت ا ا احمد 
___________________________
الفصل السابع وعشرون
دخلت ساره وهى متوتره وخاېفه من المكان اللى فيه وشافت نور ظاهر من عقب الباب دخلت واحده واحده وفتحت الباب وأتصدمت ودموعها نزلت منها وقالت 
ساره ا ا.احمد
احمد حرك راسه ببطئ وفتح عينه وحط أيده على راسه من كتر الصداع 
ساره بدموع ليه عملت كده يا احمد 
احمد بص على الصوت شاف ساره بټعيط بص حاوليه  نايمه جنبه بقميص النوم وشعرها مغطى وشها 
ساره بدموع رد عليا ليه عملت كده 
احمد ساره انتى بتعملى ايه هنا وانا فين اصلا ومين دى 
ساره والله انت بتسألنى انا 
أحمد والله العظيم ما اعرف ايه جبنى هنا ومعرفش مين اللي جنبى دى وشال شعرها واټصدم وقال د د.دى جيهان انا مش فاهم حاجه ولا فاكر حاجه خالص انا جيت هنا ازاى وايه جاب جيهان هنا وانتى عرفتى مكانى ازاى انا هتجن 
ساره بدموع بجد انا مصدومه فيك قد ايه انت واحد مخادع برافو عليك اديت دورك ببراعه وصدقتك بجد بس العيب مش عليك العيب عليا انا ان صدقتك ومفكرتش لو لثانيه واحده انك تكون كداب وبتضحك عليا منك لله يا شيخ وجعت قلبى ربنا ينتقم منك وهزت راسها يمين وشمال رافضه اللى بيحصل وحطت ايديها على بؤقها وعيطت وطلعت تجرى 
احمد ساره استنى ولسه هيجرى وراها بسرعه وبص على جيهان وخبط على وشها وقال جيهان جيهان اصحى 
جيهان مسكت راسها وقالت اممممم انا فين 
أحمد اصحى يا جيهان مش وقته 
جيهان فتحت عينيها وبصت على نفسها اه استنا افتكرت احنا كنا فى عيد ميلاد واحده صحبتى وانت جيت وصلتنى وقعد تشرب كتير وانا اقولك بلاش يا احمد 
احمد پصدمه اشرب انا عمرى ما شربت يا جيهان ما انتى عارفه 
جيهان ها م م.معرفش انت اخد كاس فى كاس وبعد كده معرفش ايه اللى حصل 
احمد مشى أيده على شعره وقال انا مستحيل اعمل كده يا جيهان مستحيل 
جيهان قامت وقفت وطلعت تجرى عليه وقالت ابوس ايدك يا احمد اوعى تتخلى عنى بعد اللى عملتو فيا اموت نفسى وخالتك لو عرفت تروح فيها 
احمد قعد على السرير ودموعه نزلت منه وقال انا مش فاكر اذا كنت عملت حاجه ولا لاء يا جيهان 
جيهان ا ا اكيد يا احمد حصل حاجه مابنا اومال كنا فى سرير واحد وبالمنظر ده ليه 
احمد ساره يا جيهان مقدرش ابعد عنها بس اكيد الموضوع ده فيه حاجه غلط ولازم اعرف السبب 
جيهان ها ق ق.قصدك ايه 
أحمد انا خارج وتعالى اوصلك 
جيهان طيب قولى ناوى تعمل ايه 
أحمد هعرف مين وراه اللى حصل ده وسابها وخرج 
جيهان بصت على احمد وهو خارج من الاوضه پخوف وراحت لبست هدومها وخرجت وقالت ا ا انا خلصت 
أحمد امشى يلا ونزل ركب العربيه وركبت معاه جيهان وصلها البيت ورجع على الفيلا دخل اوضه واترمى على السرير وحط أيده على وشه وقال انا لازم اعرف ازاى ده حصل وساره عرفت مكانى ازاى مين وراه كل ده وايه مصلحته ومسك تليفونه واتصل على تليفون ساره بس مردتش عليه جرب تانى لاقها قفلت التليفون حدف التليفون جنبه على السرير قعد يفكر فى اللى حصله
____________________________
فى شقة امير
وصلت ساره وهى حابسه الدموع فى عينيها دخلت تجرى على اوضتها واترمت على سريرها وقعدت ټعيط وتخبط بأيديها على السرير وتقول 
ساره ليه يا احمد ليه لعبة بمشاعرى وضحكة عليا عملت ليك ايه علشان توجعنى بالشكل ده حرام عليك بجد وفى الوقت ده تليفونها رن برقم احمد سابته لحد ما خلص ومسكت التليفون قفلته خالص وحدفته على السرير وقعدت ټعيط ومسحت دموعها