من اجل الحب بقلم دودو محمد

طلاق على لسانك تانى هخليكى تتمنى المۏت ومطلهوش 
زهراء بدموع اااااااه شعرى ااااااااه 
عاطف ساب شعرها ووقف وقال اعملى حسابك لما نرجع من القاهره هاخد حقى الشرعى منك وحسك عينك تقولى اى حاجه لاهلك فاهمه لو اتكلمتى انسى انك تزورى حد من أهلك طول حياتك قومى اجهزى وبعد كده جهزى الاولاد 
زهراء بدموع ح ح.حاضر 
عاطف بصلها من فوق لتحت وخرج وسابها
زهراء بدموع ياااااااااارب انا تعبت يارب المۏت اهون ليا من أن البنى أدم ده يلمسنى يارب خلصنى منه مش قادره على العيشه معاه وقامت بصعوبه من على الارض وراحت بصت فى المرايا على رقبتها لاقت صوابع عاطف معلمه عليها لمست العلامات دى بصوبعها وغمضت عينيها وقالت انت بس يارب اللى حاسس بيا ريحنى من اللى انا فيه ده وراحت عند الدولاب طلعت هدوم ليها ودخلت الحمام غسلت وشها وخرجت لبست هدومها وحاولت تدارى العلامات اللى على رقبتها وخرجت من الاوضه جهزت الاولاد ودخل عاطف جهز نفسه وراكبو العربيه وراحو على القاهره 

____________________________ 
فى القاهره
فى شقة توفيق
صحيت ريم من نومها على صوت تليفون محمود ردت عليه وقالت
ريم صباح الخير 
محمود صباح العسل المكرر يا ناس 
ريم قعدت تضحك
محمود بتضحكى على ايه 
ريم عليك
محمود والله ليه شيفانى اراجوز قدامك بتضحكى عليه 
ريم لا والله مش قصدى انا قصدى يعنى دمك خفيف حتى وانت لسه صاحى من النوم 
محمود بجد 
ريم ايوه 
محمود انا بقى اسعد لحظه فى عمرى لما تبقى معايا وفى حضنى وافتح عينى واشوفك نايمه زى الملايكه واقرب من شفايفك واخطڤ من شهدهم بوسه وتصحى تضحكى ضحكه ليا تنورى الدنيا بيها 
ريم بكسوف محمود ايه اللى انت بتقولو ده اتلم 
محمود حرررررام بقى يا جدعان ھموت واتجوز ارحمو امى
ريم طيب اقفل ولما ترجع لحالتك الطبيعيه ابقى كلمنى سلام 
محمود استنى هنا ابت هو ده اللى ربنا قدرك عليه 
ريم يعنى عايزنى اعمل ايه 
محمود تقوليلى وانا كمان يا حبيبى بحلم باليوم ده أدى لامى شوية تفاؤل 
ريم ده عند امه يا ادهم باى وقفلت السكه وقعدت تضحك عليه 
محمود اتغاظ وقال كده يا ريم ماشى كل ده هيطلع على عنيكى 
ريم قامت من على سريرها وخرجت من الاوضه وقالت صباح الخير يا ماما 
نبيله صباح النور يا حبيبتى 
ريم زهره متصلتش بيكى وقالت اذا كانت جايه ولا لاء 
نبيله والله يا بنتى متصلتش ورنيت عليها مردتش عليا ومعرفش اذا كان جايه ولا لاء 
ريم يارب تيجى اصلها واحشتنى اوى يا ماما 
نبيله ياريت بس ارجع واقول الرأى الاول والاخير لجوزها 
ريم اقولك حاجه يا ماما 
نبيله قولى يا بنتى 
ريم مش عارفه ليه مرتحتش للى اسمه عاطف ده حاسه ان هو مخيف مش طبيعى انا لما كنت بتكلم معاه بحس أن كلامه كله ټهديد أو نبرة تحذير منه بحس أن هو وراه اسرار كتير مش معروفه عنه من الاخر كده جواز زهره منه كانت غلطه وتسرع مننا 
نبيله ليه بتقولى كده يا حبيبتى باللعكس انا شيفاه كويس وابن حلال واللى زى ده هيحافظ على اختك علشان خاطر أولاده متعلقين بيها 
ريم ماشى يا ماما حتى لو كلامك صح يبقى متجوز بنتك لمجرد أنها تخدم أولاده وانتى عارفه زهره طول عمرها مش بتحب تعمل حاجه هتقدر تشيل مسؤولية اولاد وخدمه انا من رأى الجوازه دى كان فيها تسرع كبير 
نبيله اهو اللى حصل ربنا يسعدها ويهنيها مع جوزها يارب 
ريم يارب يا ماما انا هدخل الحمام وسابتها ودخلت الحمام 
نبيله لنفسها ومن سمعك يا بنتى قلبى واجعنى عليها ومش مطمنه عليها و حاسه انها عايشه وتعبانه بس كان لازم اعمل كده وأبعدها عن ۏجع امير واتنهدت وقالت ربنا يخيب ظننا فيك يا عاطف وتطلع ابن حلال وتعوضها عن ۏجع قلبها 
وفى الوقت ده خرج شريف وقال 
شريف انتى بتكلمى نفسك يا حاجه 
نبيله ها لاء يا حبيبى بدعلكم 
شريف ادعى كتير بقى احسن الواحد متوتر من مقابلة ابو لميس النهارده 
نبيله دعيالك يا ضنايا وان شاءالله كل حاجه هتكون سهله 
شريف يارب يا ماما 
ريم خرجت من الحمام وقالت مالك يا أبيه متوتر كده 
شريف اسكتى يا ريمو ده انا عامل شبه البت اللى العريس جاى يشوفها النهارده مش عارف ليه خاېف ومتوتر كده 
ريم أن شاءالله ابوها يوافق ونفرح كلنا 
شريف يارب يا ريمو ونعمل فرحى وفرحك فى يوم واحد 
ريم إن شاءالله بس ربنا يهدى سامح الاول 
شريف استنى بس اخلص من موضوعى النهارده واقعد مع اخوكى اعملو غسيل مخ 
ريم يارب يا أبيه عن اذنك 
شريف نازله الجامعه النهارده 
ريم ايوه بس مش هتأخر علشان الحق اجى واجهز
شريف ماشى يا حبيبتى ربنا معاكى 
ريم دخلت اوضتها وجهزت نفسها وخرجت من الاوضه وقالت انا ماشيه 
نبيله ربنا معاكى يا حبيبتى 
ريم خرجت وخبطت على باب شقة امير 
ساره فتحت ليها وقالت تعالى يا ريم 
ريم معلش يا ساره متأخره ممكن تنادى محمود 
محمود خرج وقال قلب محمود اللى تعبانى معاها
ريم ضحكة وبصت على الأرض بكسوف 
ساره بصت عليهم بدموع وقالت عن اذنكم ودخلت وسابتهم
ريم بأستغراب هى ساره مالها 
محمود معرفش بقالها يومين على كده 
ريم غريبه المهم يلا علشان متأخره 
محمود خرج وقفل الباب وقال متعرفنيش الا علشان مصلحتك خبطى عليا علشان اجى اوصلك إنما مافيش مره تخبطى عليا وتقوليلى واحشتنى يا حوده منك له يا بعيده 
ريم عادى على فكره انا ممكن امشى لوحدى مش هخاف ولا مش هعرف اروح الجامعه بس انا قلبى طيب وبتصعب عليا وبقول تيجى توصلنى وتنول شرف انك تمشى معايا 
محمود يا حونينه وانا اللى كنت ظلمك 
ريم بدلع ظلمنى اوى اوى يا حوده 
محمود قربها من الحيطه وقرب منها وقال بت انتى بلاش تلعبى بأعصابى الواحد أعصابه تعبانه خلقه 
ريم م م.محمود اوعى كده حد يشوفنا 
محمود ايوه اول ما اقرب منك تقلبى قطه سيامى وتتوترى وتتعبينى اكتر حرررررام تعبت 
ريم محمود انت اټجننت 
محمود وهو اللى يحبك يبقى عنده عقل 
وفى الوقت ده حس بأيد على كتفه 
شريف وحياة امك بتعمل ايه يلا 
محمود هكون بعمل ايه زانق اختك على السلم 
ريم اټصدمت من كلمة محمود 
شريف بعصبيه بتقول ايه انت يا متخلف ومسكه من هدومه
محمود اه والله زى ما بقولك زانق اختك على السلم وعلشان الفضايح خلينى اتجوزها احسن اروح اڼتحر اقسم بالله 
ريم محمود ده مش وقت هزار اتكلم جد ارجوك 
شريف مسمعش نفسك فاهمه 
ريم ح ح.حاضر 
محمود والله ما بهزر جوزنى اختك ارجوك بدل العڈاب ده 
شريف مش عارف اعمل فيك ايه امۏتك ولا اضربك واكسرك ولا اضحك على كلامك بجد انت رايحه منك على الاخر 
محمود بحب اختك اقسم بالله بحبهاااااااااا
ريم وقفه ومصدومه من اللى بيحصل 
شريف انت تيجى بكره تتقدم فاهم ومافيش خطوبه كتب كتاب على طول 
ريم ايه اللى انت بتقولو ده يا أبيه وسامح 
شريف ليكى عين تتكلمى ملكيش دعوه باللى بيحصل فاهمه 
محمود بفرحه اقسم بالله راجل من ضهر راجل وحضنه وباسه وقال اقسم بالله بحبك يا شيفو احبيب قلبى يا شريف لولولولولولوى واخيرآ هتجوزك يا بت كان لازم تشوفنى وانا زانق اختك على السلم علشان تجوزهانى 
شريف يا ابن ال 
محمود طلع يجرى وضحك وقال بهزر بهزر ده اختك الشاويش عطيه دى لحد دلوقتى