من اجل الحب بقلم دودو محمد

اوى 
أحمد تعبان من ايه سلامته
ساره زهره اتجوزت امبارح يا احمد 
أحمد بأستغراب اتجوزت امبارح ازاى يعنى مش فاهم 
ساره الراجل اللى كانت شغاله عنده فى الاسكندريه جه واتجوزها وامير من ساعتها بېموت بسببها
أحمد بزعل صعبه جدآ عليه طيب مش هى بتحبه ازاى اتجوزت غيره 
ساره لسببين اول سبب علشان غنى وعنده فلوس وتانى سبب بتوجعه زى ما هو ۏجعها واتجوز غيرها 
أحمد الصراحه من ساعة ما عرفت بعلاقة امير وزهره وانا شيفهم على طول فى مشاكل كده احسن ليهم هيتعبوا شويه بس بعد كده كل واحد هيرتاح مع شريك حياته 

ساره بس مش بالسهوله دى يا احمد امير بيحبها اوى وعلى قد حبه ليها على قد ما هو بيتعذب دلوقتى 
أحمد ربنا يريح قلبه يارب ويرزقه بالذريه الصالحه هما دول اللى هينسوه اى ۏجع فى الدنيا 
ساره يارب يا احمد يارب 
أحمد اهم حاجه العيون الحلوين دول ميزعلوش 
ساره اتكسفت وبصت فى الارض 
أحمد حرام بجد 
ساره بأستغراب هو ايه اللى حرام 
أحمد حتى كسوفك بيزيدك جمال وحلاوه وانا قلبى خلاص داب على الاخر
ساره بكسوف ا ا.احمد ب ب.بس علشان بتكسف 
أحمد بحب اشوف كسوفك اوى 
ساره احمد 
أحمد حيات وعمر احمد بحاله 
ساره ا ا.انا همشى علشان متأخرش على المحاضره وطلعت تجرى 
أحمد يخربيت جمالك ولسه هيمشى 
اسلام احلى سلام على احلى روميو فى الدنيا 
أحمد اسلام انت كنت مختفى فين كده 
اسلام اممممم كنت باخد جوله حول العالم بس كانت ايه مقولكش 
أحمد رحله سعيده عن اذنك 
أسلام بغمزه شيفك مظبط نفسك يعنى اغيب شويه وارجع الاقيك مقطع السمكه وديلها يا خلبوص
أحمد اسلام ساره خط احمر متجبش سيرتها على لسانك فاهم 
أسلام براحه على نفسك احسن ما يطق ليك عرق ولا حاجه
أحمد لسه هيمشى 
أسلام ومزتى عامله ايه لاقوها ولا لسه
أحمد زهره اتجوزت يا اسلام ياريت تهدا شويه بقى بلاش اسلوب الشړ بتاعك ده وبصله ومشى
أسلام بغيظ اتجوزت يبقى اكيد اتجوزت اللى اسمه امير ده مبقاش انا لو مكنتش خلية حياتهم دمار ومشى وراه احمد 
____________________________
عند روز
صحيت من نومها جهزت نفسها وشنطتها لرحله وكانت سعيده ومبسوطه انها رايحه الرحله مع سامح نزلت من اوضتها وهى ماسكه حاجتها وقالت 
روز صباح الخير يا دادى صباح الخير يا مامى 
سليم ومادلين صباح النور 
سليم روز خلى بالك على نفسك يا حبيبتى وخليكى مع الشله متبقيش لوحدك 
روز حاضر يا دادى 
مادلين كلى كويس هناك وحافظى على نفسك انتى فاهمنى 
روز حاضر يا مامى ممكن امشى بقى 
سليم خلى السواق يوصلك لحد باص الرحله 
روز ماشى باى
وخرجت روز والسواق حط الشنط بتاعتها فى العربيه وركبت روز ومشى السواق عند الباص ونزل روز والحاجه بتاعتها ومشى 
روز شافت جهاد وسامح طلعت تجرى عليهم وقالت صباح الخير 
سامح وجهاد صباح النور 
جهاد انتى مالك يا بنتى جايه على اخر وقت كده 
روز على ما حضرت نفسى 
سامح اخد الشنط بتاعة روز وحطها فى مكانها وقال يلا بينا يا جماعه 
الكل ركب وركبت روز جنب سامح على طول وجهاد على الكرسى اللى قصادهم 
ولسه الاتوبيس هيمشى وقف تانى والباب اتفتح 
عبير هاى يا جماعه 
جهاد وروز بصوا لبعض پصدمه 
سامح حس بتوتر روز مسك ايديها وطبطب عليها وطمنها بعينيه وقال مټخافيش انا جنبك 
روز حاسة بالأمان والتوتر اللى عندها راح 
عبير راحت عند جهاد وقالت جوجو واحشتينى 
جهاد وانتى مش واحشانى 
عبير كنت متأكدة من كده قعدينى جنبك يا مزه 
جهاد لسه هتتكلم وترفض تقعدها بس كانت عبير خلاص قعدت 
عبير بصت لروز ولسامح وبضحكة استفزاز شاورت ليهم هما الاتنين
سامح بغيظ اطلع يلا يا اسطا
ومشى الباص علشان يكمل رحلته 
____________________________
الفصل الثالث وعشرون
فى القاهره
وصل شريف وهو زعلان وحزين البيت ودخل على اوضه وقعد على السرير وحط راسه ما بين ايديه وحاول يحبس دموعه فى عينيه 
نبيله اتخضت على شريف لما لاقته بالحاله دى دخلت وراه وقالت مالك يا حبيبى وليه راجع بدرى من الشغل 
شريف بحزن انا سبت الشركه يا امى 
نبيله بخضه ايه بتقول ايه ليه طيب ايه حصل 
شريف ابو لميس عرف بحكايتنا انا ولميس وطردنى من الشركه 
نبيله ولا تزعل نفسك يا حبيبى اروح اطلبها ليك 
شريف ابوها مش راضى يا ماما 
نبيله ليه بس دى حتى لميس بتقول أن ابوها طيب وعمره ما بص لفروق الاجتماعيه والحاجات دى
شريف وكانت بتقولى انا كمان كده بس كلامه كان قاسى اوى معايا النهارده يا امى ودموعه نزلت منه 
نبيله حضنته وقالت لا حول الله يارب استهدا بالله كده يا حبيبى هو بس تلاقيه متعصب شويه بس يهدا شويه وان شاءالله كل حاجه تتصلح بإذن الله 
شريف ياريت يا امى لميس لو بعدت عنى اموت انتى عارفه انا اتعذبت قد ايه فى حياتى بعد ما سبت مراتى واللى حصلى وكنت قافل على قلبى لحد ما قابلت لميس قدرت تفتح قلبى تانى للحب قدرت تخلينى اشوف الحياة بلون تانى غير الاسود اللى كان قصاد عينى رجعت ليا ثقتى بنفسى وعرفتنى المعنى الحقيقى للحب كل ده هخسره من تانى لو بعدت عنى يا امى المۏت اهون اقسم بالله من اللى بيحصل ده كله 
نبيله ربنا يريح قلبك يا حبيبى وان شاءالله انت للميس ولميس ليك 
شريف يارب ووقف مسح دموعه وقال عن اذنك يا امى هدخل لامير 
نبيله روح يا حبيبى أمير هيقدر خرجك من الحاله دى 
شريف باس راسها وخرج من اوضه وراح خبط على باب شقة امير 
سهى فتحت الباب 
شريف بص فى الارض وقال امير موجود 
سهى ايوه اتفضل ووسعت ليه السكه 
شريف دخل وهو باصص فى الارض خبط على باب اوضت امير ودخل 
امير تعالى يا شريف ايه رجعك بدرى كده 
شريف قعد على السرير جنب امير وقال بزعل ابو لميس طردنى من الشركه 
امير بأستغراب طردك ليه
شريف شاف بنته معايا فى المكتب 
امير انت غلطان يا شريف اكيد شافكم فى وضع مش كويس 
شريف بص على الأرض ومردش عليه 
امير طيب ما ليه حق واحد دخل المكتب عندك شاف بنته فى وضع مش كويس عايزه يسمى عليك ده رد فعل طبيعى منه وبعدين انت غلطان اولا علشان حرام ټلمسها طول ما هى مش حلالك وثانيآ بقى انت المفروض تخاف على سمعتها افرض حد تانى اللى دخل عليكم من الموظفين كان هيسكت ولا الخبر كله كان هينتشر فى الشركه وسمعت لميس هتبقى على كل لسان انت راجل مش هيضرك حاجه إنما هى بنت وسمعتها هتبقى مش كويسه بسببك 
شريف عارف ان انا غلطان بس اندفعت بمشاعرى وانت عارف ظروفى كويس اوى بس مع لميس ببقى حد مختلف تمامآ بتحرك جوايا احاسيس ومشاعر حلوه اوى يا امير وبلاقى نفسى شبه اى شاب مراهق عايز القرب من حبيبته واكيد انت فاهم معنى كلامى كويس اوى 
امير فاهم وحاسس بيك بس كان ممكن تيجى شويه على نفسك لحد ما تبقى مراتك ومقفول عليكم باب واحد واعمل اللى انت عايزه إنما دلوقتى انت استفد ايه ولا حاجه لميس وضاعت من بين ايديك وشغلك وخسرته
شريف لاء متقولش ضاعت من بين ايديه ضياع لميس معناه موتى 
امير بعد الشړ عليك يا شريف بس دى الحقيقه ابوها هيعتبرك واحد فلاتى وبيلعب ببنته ومستحيل يرضى أن يجوزها