جوزي بيلبس بقلم هويدا زغلول
قدمو..
شيماء
اصلا انا مش هلبسهم ما لهمش لازمه اصلا..
رؤوف بضيق
ليه كده يا شيماء انتي مراتي واحنا متجوزين ايوه احنا لسه بناخد علي بعض بس الدنيا هتكون حلوه في الايام الجايه..
شيماء
بس الحاجات دي مش زوقي ومش مقاسي دي واسعه جدا بتاعت حد اطول مني وادخن مني كمان..
رؤوف
انا مش هجبرك علي حاجه اللي يريحك
_وطلعت حماتي في الوقت ده وفتحت ليها وقالت ليا اول ما دخلت...
خير يا ست شيماء صوتك كان عالي ليه. اوعي تكوني منكده علي ما تعرفيش هعمل فيكي ايه..
شيماء
لا ولا نكد ولا حاجه يا مرات خالي احنا بس بنتكلم عادي انتي ازاي اصلا سمعتينا..
سنيه
قصدك ايه يا بت انتي هو انتي فاكره ان انا بتجسس عليكم..
شيماء
لا طبعا يا مرات خالي مش قصدي تعالي اتفضلي.. وجه رؤوف..
رؤوف
ماما خير يا حبيبتي في حاجه والا ايه..
لا ما فيش حاجه يا قلب امك. بس سمعت البت دي صوتها عالي خۏفت تكون مزعلاك او منكده عليك..
شيماء
ما. انا قولت ليكي يا حماتي احنا. كنا. بنهزر...
رؤوف
لا يا ماما ما فيش حاجه والله احنا بنتكلم عادي.. وجه سليمان في الوقت ده..
رؤوف
تعالي يا سليمان اتاخرت ليه..
سليمان
كنت بوصل حنان بيت اهلها هتبات عند مامتها عشان تعباانه ازيك يا طنط سنيه عامله ايه...
الحمد لله يا سليمان بقالك يومين ما جيتش عند ابني وسهرت عنده العماره كلها شقه شقه كانت مضلمه من غيرك والله..
سليمان
كفايه نورك يا طنط والله..
رؤوف
طيب تعالي يا سليمان بقي نشوف ورق المشروع اللي ورانا..
قولت انا بسرعه
طيب وانا هعملكم شاي واجيبه ليكم..
سليمان
لا لا انا مش بشرب شاي شكرا..
طيب تحب تشرب ايه اجيبه ليك يا سليمان..
رؤوف بتوتر
في ايه الطريقه دي يا شيماء هو سليمان غريب ده. اخويا ولو احتاج حاجه يعملها بنفسه خليكي انتي قاعده مع ماما ويلا بينا يا سليمان نشوف شغلنا..
_ولقيته دخل الاوضه واخد معاه الشنطه بتاعت الهدوم وقفلو الباب..
سنيه
بقولك ايه تعالي اقعدي عندي تحت بدل ما تقعدي لوحدك.. ونزلت مع حماتي وفي الاوضه..
ايه يا ابني اللي طلع الشنطة دي بره الاوضه قدام مراتك...
رؤوف
اسكت دي شافتها وانا قولت ليها ان دي حاجات انا اشتريتها بس حسيتها ما صدقتش اووي..
سليمان
طيب وبعدين هي كده ممكن تاخد بالها..
رؤوف
بقول ليك ايه احنا مش هنقرب من الشنطه دي انا هجيب من هدومها واكيد مش هتاخد بالها لما نخلص نشيلها تاني..
طيب يلا بسرعه قبل هي ما تطلع..
_وبعد كام يوم اتعزمنا في شقة سليمان وقعدت انا وحنان لوحدنا رؤوف وسليمان لوحدهم..
حنان
بزمتك انتي يا شيخه ده حال يتسكت عليه..
شيماء
بصراحه لا بس هنعمل ايه دول صحاب وقعدين مع بعض..ده اسكتي علي اللي شوفته خلاني مش عارفه افكر فيهم بطريقه كويسه ابدا..
حنان
اتكلمي يا بنتي شوفتي ايه ما تخليش مخي يودي ويجيب..
شيماء
كنت بروق اوضتي لقيت شنطه فيها هدوم نوم مستخدمه مش جديده
