ابنة الخادمة

بيه
مراد اتفضلوا انتوا
مراد اخد زينه من ايديها وطلعوا فوق 
عند الاوضه اللي قضت فيها الليله الي اتطردت منها
مراد زينه الاوضه دي بتاعت امي وابويا. هتقعدي فيها ولو عايزه تغيريها في اوض كتير اوي ومش هنعيش ف اوضه واحده الا لما نعمل فرح وتتعرفي عليا كويس وانا كمان اتعرف عليكي اكتر تمام
زينه بخفوت تمام
مراد أنا خليت واحده من اللي شغالين تحط كل هدومك ف الدولاب 
وهجيبلك مكتب هنا ف الاوضه 
علشان تعرفي تذاكري أنا عايز السنه دي تعدي على خير علشان تشتغلي معايا ايه رايك
زينه بجد هتخليني اشتغل
مراد طبعا دا حلمك وحلم دادة سعاد 
وان شاء الله تبقي احسن مهندسه ف الدنيا
زينه أنا مش عارفه اشكرك ازاي
مراد متشكرنيش انتي مراتي 
يالا خدي شاور علشان الحق اروح الشركه
زينه حاضر نصف ساعه واكون جاهزة
بعد نصف ساعه هبطت زينه الدرج
رأها مراد جميله في زيها الاسود ووجهها الشاحب وعيناها التي يكسوها الحزن 
جميله وهي ف اضعف حالاتها 
لفت نظره تسريحه شعرها التي ع شكل ذيل فرس أعجبه منظرها الطفولي 
وسرح
________________________________________
فيه 
ليفيق علي صوتها أنا جاهزة
مراد تمام يالا 
___________________________________
في ايطاليا 
البير مراد كل يوم في تقدم والاحمق حسن لا ينفذ شئ حتي الان سيد مارتن
مارتن اتركه يعمل ما يحلو له نهايته قريبه علي يدي
البير وحسن سيدي هنعمل ايه معاه
مارتن تكلم مع ابنه عمار هو الي هيساعدنا اعطيه اللي يطلبه
اجمع لي فوج سياحيا يذهب الي مصر 
البير ليه
مارتن هنبدأ أول ضرباتنا لمراد قبل مۏته
البيرا تمام سيدي
__________________________
وبعدهالك ي أمي هتفضلي أكده مجاطعه ابوي
ام جمال ابوك هو السبب ي جمال ي ولدي
جمال سامحيه ي أمي كفايكوا مجاطعه بجا
ام جمال مهسامحهوش واصل لحد مالغايب يعود 
هملني لحالي ي ولدي روح شوف ولدك الشجي دا اللي يشوفه ميجولش دا عريس وفرحه كمان سبوع
سمعتك علي فكره
ام جمال هتضربني اياك ي سي حمزة
حمزة دا ولا عاش ولا كان ي ستي
ام جمال كيفها عروستك ي ولدي
حمزة زينه ي ستي اتوحشتك جوي
ام جمال وانا اتوحشتها خالص اطلبهالي ع البتاع اللي انت شايله ف ايديك ليل نهار دا
حمزة بابتسامه دا موبايل ي ستي بتاع ايه بس وبعدين دا تقدري توصلي بيه لاي حد بسهوله عن طريق الفيسبوك وتويتر وانستجرام
ام جمال ايه اللي انت بتجوله دا ي مجصوف الرجبه انت بتتمسخر علي ستك
حمزة لا ي حبيبتي خدي كلميها أهي
ام جمال 
أيوة ي شوق اتوحشتك ي بتي كيفيك وكيف احوالك
شوق بخير ي حبيبتي كيفك انتي 
سامعه انك مغلبه الدكتور حمزه ف الدوا 
اسمعي بقا أنا لما اجيلك مهسمحش بكده واصل
ام جمال تعالي انتي ونور الدار ي حبيبه الغالي
شوق ربنا يخليكي لينا ي حبيبتي
ام جمال مع السلامه ي غاليه
حمزة ايديك
ام جمال ايدي ع ايه ي واد
حمزة ع حساب المكالمه
ام جمال اخفي ي واد من وشي
جمال اتلم ي واد انت
حمزة أنا ماشي رايح عيادتي احسن
ضحك الجميع في سعاده ولكن ينقصها شئ
___________________________
يالا ي زينه وصلنا
زينه شكل الشركه من برا حلو اوي
مراد وشكلها من جوا هيعجبك 
انزلي وامسكي ف ايدي
زينه باستغراب ليه
مراد امسكي ف ايدي وخلاص ي زينه
زينه بضيق حاضر 
ثم أكملت بهمس 
هو بيتحول زي الزومبي كده ليه
سمعها مراد بتقولي حاجه ي زينه
زينه لا لا مبقولش
اتجها الي مكتب مراد
ريناد حمدالله ع سلامتك ي مراد بيه
مراد الله يسلمك ي ريناد
هدخل المكتب هاتيلي كل الورق والقهوة بتاعتي وكلمي الحج علي اكدي عليه المعاد والاوراق كلها واتصلي ع الحسابات حد فيهم يجيلي حالا 
وهاتي اي عصير فريش مع القهوة لزينه
ريناد زينه مين
مراد زينه مراتي ي ريناد
ريناد بابتسامة وفرحه الف الف مبروك ي فندم مبروك ي مدام زينه
زينه الله يبارك فيكي بس زينه بس من غير اي حاجه
ريناد لمراد زي القمر ربنا يبارك لحضرتك ي مراد بيه
مراد شكرا ي ريناد
دلف مراد وزينه إلي المكتب 
ظل مراد يعمل وزينه تتابعه 
دق الباب ودخل مدير الحسابات
صباح الخير ي مراد بيه
مراد صباح النور ي استاذ مسعد 
جهزت الشيك
مسعد أيوة جهزته ناقص بس أمضه حضرتك 
الارض دي لقطه مراد بيه وسعرها معقول 
80 مليون مش كتير ابدا عليها
حادثت زينه نفسها مش كتير امال الكتير يطلع قد ايه الله يخربيتكوا
مراد طيب اتفضل انت
عند ريناد بالخارج
مراد بيه وصل ي رورو
ريناد أيوة وصل ومش فاضي ي استاذ نخله
سامر ي بنتي عيب أتلمي أنا مش عايز ازعلك علشان انتي شكلك غلبان 
ويالا اجري بقا بلغي مراد اني عايز اقابله علشان اجيبلك مصاصه
ريناد بغيظ أما انت سمج صحيح
سامر ببرود الله يسامحك 
ريناد هيسامحني ي سمج
سامر طب يالا ي حلوة روحي بلغيه اني عايز اقابله
ريناد حاضر 
ريناد مراد بيه سامر النجار بره وعايز حضرتك
مراد دخليه بسرعه
خرجت ريناد اتفضل مراد بيه ف انتظارك
ي هلا ي هلا بالخواجه
سامر بضحك عيب عليك خواجه ايه بس واحشني ي مراد
مراد انت اكتر ي سامر امك وابوك فكوا عنك الحصار ولا ايه
سامر وحياتك طلعوا عيني بس لما لقوني مصمم وافقوا
مراد وناوي ع ايه بقا
سامر قولي بس مين اللي قاعده دي
مراد دي مراتي ي سامر
سامر مراتك انت اتجوزت امتي 
أنا مسمعتش حاجه زي دي ولا انت كلمتني وقولتلي
مراد مراتي من يومين كتبنا الكتاب ولسه الفرح متعملش
سامر مبروك ي وحش عقبال الفرح
مراد الله يبارك فيك ها ناوي ع ايه
سامر ناوي افتح مكتب
مراد ولو قولتلك اني محتاجكك معايا ف الشركه
سامر من عنيا ي حبيبي
مراد كمان
عايز زينه تشتغل تحت ايديك مش هأمن عليها مع حد يدربها غيرك
سامر ايه دا هي مهندسه
مراد أيوة ف اخر سنه هندسه معماري
سامر طيب تمام ي صاحبي
هي مين الشرسه اللي برا دي
مراد مين قصدك ريناد
سامر أيوة الشبر ونص دي
مراد مالها عملتلك ايه
سامر دي مستفزه ي جدع
زينه دي شكلها كيوت ميقولش انها صعبه ابدا
سامر كيوت كلم مراتك ي مراد دي كانت هتاكلني.
مراد ريناد دي طيبه اوي ي ابني
سامر أيوة انت هتقولي
مراد طيب يالا بيتك بيتك بقا
سامر انت بتطرقني ماشي أنا همشي بمزاجي 
رحل سامر
مراد زينه تعالي هنا قربي مني 
اقتربت زينه من مراد
زينه نعم
اخذها مراد في حضنه 
لمح مراد
________________________________________
نظرات الحزن في عيونها وهو يتحدث مع سامر ود ان يحضنها 
و طلب من سامر أن يرحل ليأخذها بين أحضانه 
شئ غريب في عيونها يجعله علي استعداد تام أن يجلب لها كل ما تريده ليري فقط الابتسامه علي شفتيها لا يعرف ما فعلت به تلك الملاك في اسبوع واحد يجعله هكذا 
يرتاح الي الشعور الذي يغمره
قطع تلك اللحظه دق الباب ليعلن عن وصول الحج علي صاحب ارض مشروعه الجديد
تحدث بهمس الي زينه 
زينه تحبي تفضلي هنا ولا تطلعي تقعدي مع ريناد
زينه هطلع اقعد معاها شويه ع متخلص شغلك
خرجت زينه لريناد
ريناد وانتي بتدرسي ايه بقا ي زينه
زينه بدرس هندسه
ريناد اتعرفتي ع مستر مراد ازاي
ترددت زينه ولكنها قصت عليها كل شئ
ريناد البقيه ف حياتك ي حبيبتي
كادت ان ترد عليها زينه لولا صوت مرادها الغاضب الذي افزع الجميع
انت بتستهبل انت جاي تهزر بقا وتضيع ف وقتي ومتعرفش بتتكلم مع مين ولا ايه
الحج علي لا عارف 
وزي مقولتلك عرضك مرفوض 
أنا جايلي عرض افضل بكتير
مراد پغضب مين يجرؤ أنه يفكر يشتري أرض مراد الشاذلي هيشتريها وعرض ايه الاحسن من عرضي دا
الحج علي 100 مليون مراد بيه