سرك في بير
علي شغل بقي.
يعني خلاص أنا كدا اتحشرت في حياة الكبار دي و هبقي امرأة عامله !.
_ هتبقي عامله آه بس حكاية امرأة دي مش متأكدين منها.
يا سلام هي دي الأبهات التمام.
وصلت البنك كنت لابسه فورمال و هيلز و رافعه شعري لفوق مش معقول أنا قد إيه strong independent woman.
كنت واخده لانش بوكس معايا فيه سندوتشات جبنه رومي ما هو الواحد لازم يدلع كرشه بردو.
إيه دا إيه جابك هناك !.
مردش ف قربت منه و مديتله إيدي بالسندوتش تاكل !.
إيه دا !.
خدت قطمه و بعدين رديت عليه جبنه رومي طعمها حلو أوي ياصحيح أنت مقولتليش إسمك إيه !.
و بتعمل إيه هنا بقي يا أحمد الجبنه الرومي خلصت بس معايا بانيه تاخد !.
برق جامد و إتكلم بعصبية تعالي ورايا.
إيه دا هو بيزعق ليه ! مش كفايا كنت هأكله من سندوتشاتي !.
مشيت وراه و دخلنا مكتب نائب مدير البنك.
أنت جايبنا هنا ليه دا لو حد شافنا دخلنا كدا هيعملوا مننا بانيه زي اللي باكله دا.
راح قعد علي كرسي المكتب و رجع ضهره لورا و حط رجل علي رجل و سند إيه علي الكرسي و هو بيلعب في دقنه و بيبصلي.
قرب الكرسي من المكتب و حط إيده الأتنين علي وشه و هو بيضحك.
هو أنت بتضحك علي إيه !.
ممكن تشوفي الأسم اللي علي المكتب كدا !.
أحمد عبد الحميد.
آه.
أيوه فين المشكلة في الأسم !.
دا أنت مش غبيه في حفظ الشوارع و الردود بس أنا قولتلك اسمي إيه !.
أحمد.
٣ ثواني علي ما استوعبت الموقف و حاسه اني كنت شبه الكتكوت المبلول.
فهميني.
بابا قالي لازم آكل كويس علشان هو تعب مني و من الفلوس اللي بيصرفها عند الدكاترة و أنت راجل مؤمن و عارف أن كل حاجه إلا رضا الوالدين.
طبعا.
كويس أن حضرتك متفهم ما شاء الله.
مخصوم منك نص شهر.
بس أنت فاهم غلط أنا بتدرب مش بشتغل.
لو اشتغلتي هنا مخصوم منك نص شهر.
كل دا عشان سندوتشات البانيه و الجبنه الرومي !.
ضړبت الأرض برجلي يخربيت الزولم.
شاورلي بعينه إني أخرج برا خدت الباقي من كرامتي و خرجت.
خلصت التدريب و بابا ظبط ليا ال Cv و قدمت علي شغل في كذا مكان و كان منهم البنك اللي شغال فيه الحقيقة أن أنا مكنتش عاوزه أقدم فيه بس بابا كان مصمم أن المفروض نسعي في كذا مكان علشان ربنا يكرمنا و ما شاء الله ربنا كرمني و دونا عن كل الأمكان اللي قدمت فيها دي دا البنك الوحيد اللي إتقبلت فيه و بسرعه مش متوقعه.
فستان إيه !.
_ فرحك أنت و أحمد.
ما تبطلي دوشه بقي يا حسناء أنت مش مقدره الموقف اللي أنا فيه.
_ أول بنت لازم يبقي إسمها حسناء.
هو أنت بتفهمي منين ! بقولك مش بيبصلي أصلا و لما بيحصل و يبصلي بيبقي متعصب مني أو عاوز ېخنقني.
_ سنه كويس علي الخطوبه !.
أنا بدأت أشك أنه إنسان و بيحس و كدا ! تقيل و بارد بطريقة مستفزه.
_ نخليها ٦ شهور و خير البر عاجله.
يا ربي أنا ماشيه.
روحت البنك المفروض أنه أول يوم ليا في الشغل و أول ما وصلت بلغوني أن نائب مدير البنك عاوزني ما هي شغلانه باينه من أولها.
خبطت علي الباب و دخلت أيوا.
متأخرة ٣ دقايق عن معاد شغلك.
الله أكبر هو أنا لحقت.
زعق بتقولي إيه !.
بقول أنا آسفه.
أنا جايبك أفكرك بالنص شهر اللي مخصوم منك.
ما ترفدني أحسن.
أنا وصيت عليكي أصلا علشان تشتغلي و أخصملك النص شهر دا.
كنت
