العاصم ليس كما يراه الناس

فيه 
_ ربنا يقرب منكم .... ثم تابع طب وحياه اخبارها معاك اي
عاصم بضحكه سخريه 
_ كانت عايزاني ابارح احضر معاها عرض ازياء تافه زيها .. ثم تابع 
_ تعرف هجومك ليا دايما في حق نبض وفي حق نبض وفي حق نفسي كان صح انك اشتغلت اي حاجه علشان تجوز اختك دة يدل انك كنت راجل بجد أنا اللي كنت عايز كل حاجه علي الجاهز لما بقيت اتصالح مع نفسي بقيت شايف غلطي في كل موقف
يوسف 
_ عاصم انك تتصالح مع نفسك وتستغفر ربنا دايما علي ذنوبك هو أهم حاجه ..
عاصم 
_ انت ونعمه الصاحب ......
ابتسم له يوسف .....
عند نبض ساعدت كيان بعد موافقه أخيها نوح بس للاسف شروق مراته ماصدقتش الموضوع او حاولت متصدقش علشان متتاسفش . .
نبض وهي تستند علي السياره وتسأله 
_ هتعمل اي دلوقتي
كيان بتفكير 
_ بفكر في فكره مجنونه
نبض 
_ والفكره ديه ليا دور فيها
كيان 
_ ليكي الدور الأساسي بس هتحكيلي حكايتك انتي وعاصم
نبض باستغراب 
_ لي عايز تعرف الحكايه هتستفاد اي ....
كيان 
_ احكي بس ...
بالفعل حكت له نبض بعد تفكير ماعدا الجزء المتعلق بالحاډثه ....
كيان 
_ يااه حكايتك صعبه اوي تصدقي فيها عبره
نبض بابتسامه 
_ عارفه .. بس تعرف احساس التوبه حلو اوي ...
كيان 
_ بس اكيد لسه بتحبي عاصم
نبض بإنكار كاذب 
_ لا مبحبوش
كيان 
_ انكارك اكبر دليل علي حبك ليه علي العموم ... أنا عندي فكره هتفيدنا احنا الاتنين
نبض 
_ قول بس اي فكره هتتقال لاخويا
كيان 
_ الفكره ديه بالذات متنفعش تتقال
نبض 
_ لي
كيان 
_ لان هاجي اخطبك هنعمل خطوبه مزيفه بحيث نحلي شروق طليقتي تعرف غلطها وانت تدوقي عاصم من نفس الكاس وهو الغيره وانتي شايفه حبيبك لحد تاني
نبض 
_ بس دة لو عاصم بيحبني
كيان بثقه 
_ بيحبك من اول ما شوفته في الحفله وهو بيزعقاك عرفت أنه بيحبك بس لازم تقبلي الشغل اللي قالك عليه علشان ټنتقمي منه براحتك
نبض 
_ انت كلامك موزون ... بس هو انا لي حسه انك زي نوح اخويا
كيان بضحك 
_ لاني معتبرك كدة اختي ... اختي وبس يا نبض متقلقيش مني انا فعلا عايز نساعد بعض ....
نبض بابتسامه وهي
تنظر لساعتها
_ اسيبك بقا واخلع علشان أقبل شغل عاصم. وعلي فكره شرف ليا يكون ليا اخ تاني .... بس الخطوبه هتحصل ازاي
كيان 
_ هكلمك فون ونتفق
نبض 
_ تمام ثم أشارت إلي أحد التاكسيات وركبتها الي طريق شركه عاصم وشركتها أعطتها لسكرتيرتها الخاصه لتديرها تحت إشرافها .....
وصلت لشركه عاصم ....
دخلت السكرتيره أخبرته بوجودها ليدخلها فورا
عاصم 
_ اخيرا جيتي
نبض بثقه وهي تجلس علي المقعد أمامه 
_ أنا موافقه ... علي عرضك
عاصم 
_ دة احسن خبر في حياتي
ضحكت نبض بسخرية ثم تحدثت 
_ هبدا من بكره بس همسي بدري علشان اخويا هيتقدم لحد
عاصم بابتسامه. 
_ تؤمري
وقفت نبض وتحدثت قبل أن تغادر 
_ ياريت بلاش تتكلم بطريقتك ديه علشان مبقتش تنفع معايا لو متصور انك هتوقعني من تاني ......
لتغلق باب المكتب وتغادر من الشركه أما هو ابتسم ببلاهه فنبض بالفعلتغيرتكثيرا للأفضل وأصبحت قويه وهذا يعجبه بشده ......
بالنسبه لداليا كان يوما روتنيا اما هدي كانت تشتري فستان وطرحه وميكاب من أجل غدا فغدا سيتقدم لها نوح واخيرا ستصبح عروس وتحري السنه الناس الذين يحدفونها بكلمه عانس ......
نعلم أن تركنا لأمر نحبه أمر صعب ولكن نحن لانعلم الافضل لنا 
اليوم يوم خروج سلمي من المستشفي ويوم تقدم نوح لهدي ....
خرجت سلمي من المستشفي الي البيت وذهبت جيهان إليها فور ذهابها للمنزل ...
في غرفه سلمي
كانت تجلس سلمي عاليه بسبب قرار والدها ...
لتقطع حاله العبوس جيهان وهي تقول. 
_ طب انتي شاطره جدا في الفرنساوي وبتحبيه وواخده دورات كتير فيه وكورسات كمان ممكن تشتغلي مترجمه الشركات الكبيره بيكون عايزين مترجمين ...
سلمي بتركيز 
_ فكره حلوه بس انا بحب الطيران اكتر
جيهان 
_ والدك عنده حق أنا والدي فعلا بيقولي كدة بس انا محصليش حاجه يقدر يقولي شوفتي انتي اتاذيتي ازاي من شغلك ويحرمني منه لكن انتي اتاذيتي وانا وانتي عارفين انك محظوظه اوي لان أقل اصابه كانت شلل وانتي الدكتور قال انك كان احتمال يحصلك شلل بس ربنا ستر سلمي احيانا لازم نضحي بحاجات نحبها علشان حاجات تانيه احلي فكري في كلامي وهتلاقيه صح
سلمي 
_ انتي عندك حق بس يا تري فيه ناس محتاجه مترجمين دلوقتي
جيهان 
_ جيبالك الجرنان هو مش جيباه اوي أنا المفروض كنت جيباه لبابا بس جيتلك قبل ما اروح فحظك اقريه اكيد هتلاقي باذن الله
سلمي وهي تقرا الجرنان جيدا لقت اعلان شركه هندسيه طالبين مترجم وهي نفسالشركه بتاعت عاصم ويوسف .....
سلمي 
_ دة الاعلان الوحيد خلاص هروح بكره قبل ما الوظيفه تطير مني وانتي قدميلي استقالتي في الشركه
جيهان 
_ عيوني بس قوليلي هو مفيش اكل في البيت دة
سلمي بضحك وقله حيله 
_مفجوعه انتي مفجوعه حقيقي ....
جيهان 
_ يابنتي أنا بفرفشك تعرفي أن حياتك هتكون نقصه من غيري
سلمي بضحك 
صح عندك حق ... روحي التلاجه هتلاقي بواقي اكل جبيه ويلا ناكل
جيهان 
طب وطنط مش هتزعل
سلمي 
_ يا