انتصار القلب بقلم ايمان الصياد
دكتور المواصلات السبب
مروان ابتسم تانى وبص للبنت الثالثه لكنها تجاهلته تماما ماتكلمتش...ودا نرفزه لكنه مابينش!!!
شاور ع البنت والشاب إلى اعتذرو وقالهم اتفضلو
والبنت الثالثه شاور عليها وقلها بره
البنت خرجت بدون كلمه لكن قبل ماتخرج كان موقفها صوت مروان وهو بيقول لأخر السنه ماتحضرليش محاضره...
البنت هزت راسها وخرجت بمنتهى البرود وهو بدأ محاضرته بنص عقل من البنت ال اتحدته قدام الكل حتى ولو كان بالسكوت كفايه إنها ماهتمتش لكلمته ولا فرق معاها تحضر محاضرته والحقيقه الأكبر انه ماشفش نظره الإعجاب ال بيشوفها ف كل عين بتبص عليه.....
ع بوابه الكليه مروان بيركب عربيته والبنتين والشاب واقفين وبيضحكو ويهزرو عادى جدا وكأن مافيش حاجه
ريهام واحده من البنتين يابنتى والله انتى غلبتينى معاكى بقا مروان جودا ال كل البنات هاتموت علي نظره منه انتى ترفضى تعتذريله وتحضرى محاضرته!!
ساره بتحدى أنا اعتذر أما أغلط لكن انا ماغلطيش
ساره بدفاع بس انا بررت سبب تأخيرى
ريهام بضحك إحنا هاننصب دانتى كنتى عامله زى عبده المتفرج مانطقتيش بحرف وأحد
معتصم بضحك وانا اشهد بكدا يابنتى دا انتى كأنك بتقوليله انا مش عاوزه احضرلك محاضره
ساره بتحدى باردو مش هاعتذر
ريهام طيب ناخد تاكسى لأنه كدا يادوب نروح ورانا حاجات كتير وآه حضر نفسك ي معتصم علشان نروح المستشفى بكره
ساره بتفاجأ مستشفى أيه
ريهام صح ماهو حضرتك ماتعرفيش ان دكتور مروان قسمنا لمجموعات النهارده وكل مجموعه هتاخد أسبوع تدريب ف المستشفى بتاعته وكمان بمقابل يعنى هانقبض يابنتى ونتنغنغ
معتصم طيب اعملك ايه انا دلوقتى يعنى ماكنش لازم العند والبرود بتوعك دول ي ساره اهو الدكتور طلع كويس ومحترم وكمان إحنا آخر سنه يعنى
ساره مادتهوش فرصه يكمل واتكلمت هى معتصم خلاص حصل خير ويمكن من هنا لبكره حاجات كتير تكون اتغيرت
ريهام وقفت تاكسى وقبل ماتركب كان معتصم وساره بيأنبو فيها
معتصم يابنتى هانوصلك السواق ع وصول
ريهام بضحك طيب واشمعنا المره دى ال هوافق فيها ياله بقا سلام العداد بيعد عليا اشوفكم بكره وهاكلمك أول ماوصل
وع فكره انا آسفه لآن التآخير كان منى أنا لأنكو انتظرتونى ورفضتو تدخولو من غيرى
لان الحقيقه ساره ماحضرتش لأنها ماكنتش هاتستحمل كميه النظرات إلى كانت هاتشوفها هيمانه ومعجه ببطل قلبها الأول وال هو مروان
ريهام مشيت
ومعتصم وساره السواق جالهم ومشيو هما كمان
وطول الطريق وريهام سرحانه ف مروان وف أول مقابله ليهم وأول دقه قلب ليها....
ساره ومعتصم وريهام كالعاده مع بعض قاعدين ف كافتيريا الكليه معتصم قام يجيب حاجه يشربوها وساره وريهام مع بعض
ساره هو معتصم اتأخر كدا ليه
ريهام بضحك بصى وراكى وانتى تعرفى
ساره بتبص بيكون معتصم واقف مع نغم زمليتهم
ساره بتقوم وريهام بتمسك إيديها بتحذير وتقول بلاش ي ساره علشان خاطر معتصم
ساره فكت ايدها من ريهام ويادوب خاطوتين وخبطيت ف مروان وهو ماسك النسكافيه ف إيده وال ادلق عليهم لإتنين!!
فضلو واقفين جاميدين من الموقف المفاجئ دا للحظات وبعدها اڼفجر مروان ف الضحك وهو بيقولها
كدا متعادلين وبقينا نفس الألوان لان تشيرتاتنا ابيض والنسكافيه بنى
ساره اعتذرت لأنها الغلطانه ومروان قبله عادى وكل واحد رجع مكان ماجه
ريهام انفاجرت ضحك ع صحبتها وساره هاتموت من الغيظ منها
ساره بتضحكى ع ايه ي زفته إنتى
ريهام عليكم طبعا
معتصم جيه وهو بيضحك هو كمان وقالهم إن ف حد النسكافيه اندلق عليه وشكله مسخره ساره قامت وقفت ومعتصم شاور عليها وقلها انتى كمان
ريهام ماهما الثنائى دول خبطو ف بعض
معتصم وانتى قمتى من مكانك ليه أصلا
ساره بنرفزه بسبب الزفته بتاعتك
معتصم بتكشيره طيب
ريهام بس الواد
معتصم بيقاطعها وهو بيقول دا مش واد دا دكتور مروان جودا .....فاقت ساره من سرحنها ع سؤال معتصم
سرحانه ف ايه وال خلى ساره مش عارفه ترد عليه بأيه
مالك ي بنتى قالها معتصم اما ملقاش منها جواب ع سؤاله الأول
ساره لا عادى مافيش حاجه
معتصم ع فكره إنتى غلطانه وانا لغايه دلوقتى ماتكلمتش...
ساره ع فكره انا عارفه بس
معتصم قاطعها وكمل هو ع فكره عارف بس انتى بتجرى ورا حلم مش ممكن يتحقق ولو ف 1 انه يتحقق انا هقف ف وشه
ساره بإستغراب انت بتقول ايه
معتصم بهدوء ال سمعتيه شكلك ناسيه انى توأمك مش بس أخوكى يعنى عارف انتى بتفكرى ف ايه وبتحسى بأيه كويس جدااا
ساره دورت وشها ومعتصم كمل كلامه
مروان لأ ي ساره لانك ماتعرفيش عنه حاجه لكن أنا أعرف...ولومستعده تعيشى معاه فعذاب فأنا مش هاسمحلك أبدااا الأفضل إنك تخرجيه من عقلك وقلبك لأنهم لاتنين أغبى من بعض
كملو طريقهم ف صمت تام وأول ماوصلو
