عبق الماضي

ليك عليا أنا و عز هنكلمه و نحاول نقنعه ب موضوعك
ثم نظر إلي عز الذي أبدي موافقته بترحاب بحديث أحمد 
أجابه حسن بنبرة رافضة ل حديثه ٠٠٠ اللي إنت ب تقوله ده مستحيل يحصل يا أحمد دخولي معاكم في الوقت الحالي مش هيبقا ليه غير معني واحد عند أبويا و هو إني رضخت لأوامره و رضيت ب الأمر الواقع اللي هو فرضة عليا و ده اللي عمرة ما هيحصل أبدا
و تحرك إلي الأمام للمغادرة أوقفه عز قائلا ب نبرة يائسة و هو يسحبه من ذراعه ٠٠٠ طب تعالي أركب معايا العربية هوصلك المحطة
و بالفعل صعد معه و تحركا أمام أعين أحمد الحزينة لأجل ما حل ب ذاك الحسن
تنفس عاليا ب ضيق ثم دلف إلي الداخل من جديد وجد الجميع يجلس و حالة من الصمت التام تفرض سيطرتها عليهم جميعا أما ثريا التي تجلس و دموعها تنهمر فوق وجنتيها ب غزارة كشلال ماء و تجاورها منيرة تحاول تهدئتها !
تحرك إليها و جلس بجوارها و تحدث إليها بهدوء و هو يربت فوق كتفها ب لمسات حنونه ٠٠٠ إهدي يا ثريا أرجوك علشان ما تتعبيش
إنتفضت بجلستها و أعتدلت تواجهه و هي ترمقه و لأول مرة ب حياتها ب عيون غاضبة و أردفت قائلة بنبرة حاده عڼيفة ٠٠٠ يهمك أوي تعبي يا أحمد و لا خاېف علي أبنك اللي في بطني 
نظر لها مصډوم أثر ردة فعلها العڼيفة تجاهه 
لم تعر ل نظرته أية إهتمام و أنتفضت واقفة و وجهت حديثها إلي الجميع ب إتهام بنبرة حاده ٠٠٠ هو إنتم ليه يا عيلة المغربي أنانيين لدرجة إن محدش فيكم بيهتم و لا بيفكر في تعب أو راحة حد غيره هو و بس 
يتبع
بسم الله الرحمن الرحيم 
لا إله إلا أنت سبحانك إني كنت من الظالمين 
رواية عبق الماضي 
بقلمي روز آمين
الفصل السادس عشر
و أكملت ثريا حديثها بنبرات ملامة و أتهام موجه إلي الجميع ٠٠٠ كلكم وقفتم ضد رغبة حسن و لمتوة و رفضتم حتي تسمعوا وجهة نظرة في البنت اللي إختارها تكون مراته و شريكة حياته بس ل مجرد إن عيلتها مش علي مقاس عيلتكم العظيمة 
كلكم بصيتم للوجهه الإجتماعيه و الماديات و العيلة و الحسب و النسب العالي 
و آسترسلت حديثها ب تساؤل حاد ٠٠٠ حد فيكم فكر في قلب حسن و شعورة و ألمة 
و أكملت ب حدة و نبرة غاضبة ٠٠٠ باصين علي الناس من بلكونتكم العاليه ليه 
ده بدل ما تحمدوا ربنا و تشكروة علي إنه رزقكم ب العيلة و العز و الجاه و المال تقوموا تتكبروا علي خلقه و تنبذوهم بالشكل ده 
كان الجميع ينظر إليها بإستغراب من حالتها العصبية و التي و لأول مرة يرونها عليها بهذا الشكل 
تحدثت والدتها ب هدوء و نبرة مستسلمة من بين دموعها المنهمرة علي فراق صغيرها و ألم قلبها الغير محتمل كلما تذكرت نظرة الحزن و التشتت التي رأتهما داخل عيناه و هو يتحرك مغادرا المنزل ٠٠٠ إسكتي يا ثريا عيب تتكلمي كده قدام أبوكي و عمك
نظرت إليها ثريا ب عيون غاضبة ثم هتفت متساءلة ٠٠٠ ممكن يا ماما تقولي لي أية هو العيب من منظوركم هل العيب إني أتكلم و أقول إللي في قلبي و أعبر عن ڠضبي و رفضي ل واقع مرير و ظلم أتعرض ليه أخويا و أنا مش راضية عنه 
و أكملت بنبرة متمردة جديدة علي شخصيتها التي دائما ما كانت تتسم ب المسالمة و الهدوء ٠٠٠ لو كان ده العيب عندكم ف العيب من وجهة نظري هو إني أشوف ظلم بين واقع علي أخويا و أقف اتفرج علية زي ما أنتم عملتم كده بكل هدوء 
و أكملت ب صياح عالي متغاضية نظرات الجميع المذبهلة ٠٠٠يعني لما أخويا يتخير ما بين إنه ينسي البنت اللي عاوزها و أختارها و يسيب شغله اللي قعد كتير أوي يبني فيه و يأسسة و ما بين إنه يدفن نفسه مع واحده بنت عيلة من وجهة نظركم الغريبة ل مجرد بس إن بابا عاوز كده
و أكملت بنبرة مستائة و يأس ٠٠٠ و لو إعترض و أتمسك بحقة المشروع في الحياة ساعتها يتحرم من ورثه اللي ربنا سبحانه و تعالي شرعه له و يتمنع من زيارة أهلة و صلة رحمه باقي حياته يا تري هو ده الصح من وجهة نظركم !
ثم توجهت ب تساؤل جديد إلي الجميع ٠٠٠ مين اللي إداكم السلطة و الحق إنكم تقيموا الناس علي حسب لونهم و عرقهم و مستواهم المادي !
ثم حولت بصرها إلي أبيها الصامت الذي ينظر أسفل قدمية منكس الرأس ب شرود تام ٠٠٠ ثم أيه اللي يضمن ل حضرتك يا بابا إن أخويا هيرتاح في عيشته مع بنت الأكابر الجميلة اللي حضرتك هتختارها له دي
و أكملت بنبرة تشكيكية معترضة ٠٠٠ مش يمكن