همس المالك

مع حد وطلعت اوضتي علي طول.. غيرت هدومي لبيچامه بيتي وقعدت اتفرج علي الفيس شويه يمكن انسي الموضوع ده عشان زهقت من كتر التفكير فيه.. وانا بقلب فالفيس لقيت حد بعتلي رساله عالماسنجر. لقيت شخص غريب باعت رساله فالازر اسمه حازم بيقول في الرساله _انا بحبك علي فكره حبيتك اوي اتمني تحبيني زي ماحببتك واتمني تقبليني بجد. 
ده اللي كان باعته.. استغربت يا تري مين حازم وباعت كده لي.. 
دخلت بروفايله وبصيت علي صورته كان وسيم وقمر صراحه بس برضو انا عايزة اعرف مين ده.. 
سكت شويه وقولت في نفسي _ ده اكيد شخص متخلف باعت رساله وخلاص ايه يا همس ما انتي بيجيلك رسايل هبله جت علي دي يعني!
وكملت تقليب في الفون. 
لقيت ماما داخله عليا الاوضه حتي من غير ماتخبط.. لقيتها دخلت وفتحت الباب فجاه.. 
فاتخضيت_ ايه يا ماما في ايه حد يفتح الباب بالطريقه دي مش تخبطي.. 
ببرود_المره الجايه قومي يلا البسي لبس حلو كده عشان الضيوف اللي برا دول.. 
استغربت_ ضيوف مين يا ماما
_البسيلك حاجه حلوه كده بس وهتعرفي.. 
وسابتني وخرجت.. شجعت نفسي واتمنيت انه ما يكونش اللي في بالي.. لبست فستان سواريه لونه احمر وفي ورود بيضه بس كان جميل وسيبت شعري وحطيت ميكب بسيط وخرجت بهدوء ونا بهدي نفسي وبقنع نفسي انهم مجرد ضيوف عادي..طلعت واټصدمت من اللي شوفته.. 
لقيت دكتور نادر قاعد ومبتسم لشخص قاعد جمبه وواضح ان الشخص ده الفرحه مش سيعاه.. 
استغربت وسلمت عليهم وقعدت بكسوف.. بصلي الشخص ده فبصيتله اټصدمت لما لقيته هو نفس الشخص اللي باعتلي ماسدج بصيتله پصدمه.. لقيته ضحك كأنه عرف انا بفكر ف ايه!.. 
فالاخر اتكلم دكتور نادر_ انا يسعدني ويشرفني اني اطلب ايد بنت حضرتك يا عمي لاخويا مالك.. 
بصيتله پصدمه واستغراب وقولت ف نفسي_غريبه هو مش كان اسمه حازم! ايوا كان حاطط صورته على الاكونت ومكتوب حازم مش مالك. 
فوقت من سرحاني علي صوت بابا وهو بيسألني_ ها يا بنتي ايه رايك.. باسمهندس حازم ابن ناس ومحترم والكل بيشهد باخلاقه وما شاء الله مهندس كبير..
بصيتلهم باستغراب من الاسم واتكلمت باحراج_والله يا بابا انا محتاجه افكر لاني معرفوش.. 
اتكلم دكتور نادر_ طيب يا عمي نسيبهم يتعرفوا علي بعض براحتهم.. 
_طبعا يبني اتفضل.. 
ومشيوا كلهم ومبقاش في غيري انا وحازم او مالك.. وطبعا فضلت باصه للسجاده ومتكلمتش.. 
_ لو عجباكي السجاده انا ممكن اجيب واحده لينا في الشقه عادي علي فكره .. 
_هه قديمه.. 
اتكلم باستغراب_ ازاي. 
_يعني حضرتك سارقها من رواية متفكرش نفسك روش يا عم الروش هه.. 
_ ايه ده.. انتي بتقري روايات 
_طبعا يبني انت عبيط دي الروايات دي روحي فيها.. 
حطيت ايدي ع بوقي من التصرف الغبي بتاعي.. 
ضحك وقال_ واضح انك متسرعه في الكلام وبتتكلمي بعفويه كتير.. 
ضحكت باحراج_اسفه مكنتش اقصد..
بصلي بحب_ متتاسفيش انتي عفويتك احلي حاجه فيكي بجد!.. 
اتكسفت_شكرا!.
اتكلم بملل_ شكرا هه عفو.. 
بصتله ببراءه _اللي هو ايه عملت ايه 
_ طيب انا مالك عنديسنه خريج هندسه وانتي.. 
_انا همسسنه بدرس فنون جميله.. 
_ امم كويس جدا.. 
دخل دكتور نادر هو وبابا.. 
اتكلم بابا_ ها يا ولاد اي الاخبار 
رد حازم بسرعه_كل خير وانسه همس
موافقه الحمد لله.. 
بصلي بابا باستغراب_ تمام.. يبقاا نقرا الفاتحه..
ارتبكت وقولت_بس يا بابا انا مش مو.. 
رد حازم بسرعه_ بعدين يا همس هجبلك اللي نفسك في ها نقرا الفاتحه يا عمي!.. 
قراوا الفاتحه باستعجال وانا كل ده فاتحه بوقي من الصدمه وبقول في نفسي _بس انا مش موافقه ايه ده.
خلصوا الفاتحه وبصلي حازم وغمزلي..اتكسفت وبصيت ف الارض.. ضحك حازم واستئذنوا هو ودكتور نادر ومشيوا.. 
_ شكله عجبك 
ارتبكت وقولت بسرعه_لا لا مش
عاجبني خالص.. بس قولت ادي لنفسي وليه فرصه!.. 
اتنهدت ماما بارتياح_ ربنا يجعلكوا من نصيب بعض يبنتي.. متعرفيش باشمهندس حازم ده محترم قد ايه ربنا يعلم انا قد ايه ارتاحتلوا ربنا يوفقك يا حبيبتي.. 
بابا_ يا رب يبنتي يريح قلبك وتريحي قلبنا نفسي اشيل اولادك قبل ماموت. 
_ اولاد اولاد ايه يا بابا دلوقتي.. بعد الشړ عليك.. 
قومت بعصبيه ودخلت اوضتي.. وقفلت الباب..ما انا مش هنسي تعامل ماما معايا وقد ايه هما كانوا بيغصبوني على الجواز حرفيا..مش هنسي ده لسه زعلانه انهم مهتموش لرايي ولا لكسره قلبي وكانوا عايزين يجوزوني بالڠصب.. وكمان بيقولوا اولاد اولاد ايه اللي بيفكروا