همس المالك
فيهم!..
صحيت الصبح غسلت وشي ولبست جيبه سوده تيشيرت قصير شويه وعليه جاكت جينز والكوتشي وخرجت.. نزلت لقيتهم قاعدين بيفطروا.. بصتلهم ببرود واخدت مفاتيحي والفون من غير كلام وخرجت برا.. ركبت عربيتي وروحت الجامعه ودخلت قعدت في المحاضره ومسكت الفون اقلب ف بروفايل باشمهندس حازم او مالك اللي اقتحم حياتي فجاه كده.. معرفش ايه اللي خلاني ابعت ادد وقفلت الفون..
خلصت محاضره دكتور نادر واستدعاني علي مكتبه..
_ هو كل يوم يستدعاكي هو هيتقدم بجد ولا ايه وضحكت..
_لا يا ظريفه اتقدملي شخص هو كان معاه مش عارفه بقا يقربله ايه واتقرت فاتحتي كمان.. هحكيلك لما اخرج باي.
_ ادخل..
_هاي دكتور نادر حضرتك استدعتني تاني لي.
_ معقول معندكيش اي فضول تعرفي حاجه عن اللي حصلت امبارح
ببرود_لا انا اتقرت فاتحتي علي شخص لو ارتاحنا مع بعض هنكمل اما لو مرتحناش هنبعد.. خير بقا
ضحك بسخريه_ لا والله يعني مش عايزة تعرفي انا اقربله ايه حتي..
رديت بفضول_هو انت تقربله ايه
رد ببراه_ اخوه..
رديت بذهول_ده بجد طب هو اسمه ايه عشان بجد توهت امبارح بابا يقول مالك وماما تقول حازم ومبقيتش فاهمه ايه حاجه خالص..
ضحك بخفه_ هو اسمه مالك.. بس الدلع بتاعه حازم.. اللي عايز يقوله مالك اوك واللي عايز حازم اوك برضو..
_ يلا روحي بقا عشان المحاضره بتاعتك هتبدا..
خلصت محاضراتي وروحت البيت.. طلعت غيرت هدومي ولبست بيجامه وقعدت.. مسكت الفون.. لقيت مالك قبل الادد ايه ده انا لي فرحانه كده لقيته باعتلي رساله.. اټصدمت من وقاحه كلامه ..
لقيته بيقول_ ايه يا مزه عامله ايه اكيد مستحملتيش جمالي قمتي باعته طلب صداقتي طبعا ما انا جمالي فتاك هههه..
شوفت الرساله واتعصبت من غروره ووقاحته قد ايه مغرور..
بعتله رساله_هه لا ظريف خالص.. انا بعتت الادد مش عشان جمال عيونك.. بعتت عشان انت يعتبر خطيبي بس.
شوفت رسالته ومردتش..
عدا اسبوع بدون أحداث غير انه بيبعت رسايل يطمن ويغلس عليا شويه.. منكرش اني اعجبت بيه وبشخصيته وانه مرح بس مش عايزة اتعلق بيه عشان اسمع ان الحب بيوجع.. وانا مش عايزة اتوجع.
خرجت من الفيلا عشان اروح الجامعه.. اټخضيت لما لقيته واقف وساند على العربيه بتاعتي..
_ ايه ده انت ايه جابك هنا
_ ايه ! جاي اشوف خطيبتي حبيبتي.. واوصلها لحد المدرسه كمان.
ضحكت علي كلامه_ مدرسه وحبيبتك. انت شارب حاجه يبني
بسرحان_ضحكتك جميله اوي علي فكرة..
بجمود_مفيش يلا انا همشي بعربيتي لوحدي.. مينفعش اركب معاك لان مفيش اي حاجه بينا رسميه..
ابتسم ابتسامه لطيفه_ احلي بنت شوفتها في حياتي دي ولا ايه.. متخفيش يا نموسه انا اخدت ازن من عمي..
زقيته وركبت العربيه ومشيت
بسرعه.. لقيته نط على العربيه واتشعلق فيها من ورا.. اټصدمت وقعدت اضحك عليه..
بصويت_ يا لهوي الحقوني يا بنت المجنونه وقفي العربيه دي يا بت يا لهوي الحقوني
خلصت محاضراتي وخرجت من الجامعه لقيت الامن بلغوني ان مالك في المستشفى.. قلبي وقع في رجلي وقلقت عليه وندمت اني عملت كده كنت..
كنت خاېفة عليه بجد.. روحت له على المستشفي جري..
_ لو سمحت فين اوضه الباشمهندس اااا مالك..
_ الاسم الثلاثي لو سمحتي يفندم..
ارتبكت _ اسفه معرفوش..
_ ولا يهمك يفندم.. طب جه الساعه كام
_ علي ااالساعهالصبح..
_ تمام يفندم الدور اللي فوق علي ايدك اليمين غرفه رقم..
_ تمام شكرا..
بحب _ عادي يا انسه ولا يهمك لو حبيتي تسألي علي حاجه انا تحت امرك..
بلا مبالاه_ هه شكرا..
وصلت اوضته اخيرا واخدت نفس ودخلت..
_ مالك اا بجد انا اسفه اوي علي اللي حصل الصبح مكنتش اعرف ان..
_ بره..
بصدمه_ ايه!
ببرود _ بره.. اطلعي بره حياتي بقا.. انا كرهتك مش عايز اعرفك تاني.. انا خلاص لقيت اللي اكمل معاها حياتي..
كان محطوط نضاره نوم علي عيونه وهو بيقولي الكلام ده. نزلت مني دموعي بقهره ونا بسمع كلامه الچارح ..
_ اللي تشوفه يا مالك. مع اني مكنتش اقصد اللي حصل كنت فاكره انك هتتقبل اللي عملته واني همرمطك عشان توصلي زي ما بشوف فالروايات.. بس للاسف طلعت غلطانه.. مكنتش اعرف انك هتنساني بالسرعه دي دا احنا مكملناش اسبوع ع قريان فتحتنا..انا..انا انا كنت
