حياتي ملكك
شعري اللي كنت بسرحه بسرعة واجمعه .. وشي اللي مش بحط عليه ميك اب .. نظارتي اللي مش پقلعها لاني مش بشوف من غيرها اصلا ..
ادمعت عيناها وهي تكمل
بس مكنتش مهتمة نهائي .. من انا وصغيرة مكانش شكلي من ضمن اهتمامي .. عمري مبصيت للشكل .. ولا اهتميت فيه .. دي كانت طبيعتي من انا وصغيرة .. وكبرت واستمريت كده .. كنت سايبه نفسي على طبيعتي رغم انوا كتير كانوا بيسخروا مني ومن شكلي ولبسي .. حتى ريم كانت متدايقة مني بسبب الموضوع ده .. بس انا مكنتش مهتمة يا جاسر ..
انا بحب نفسي كده .. برتاح كده .. مش بشوف نفسي غير كده .. انا مش بيهمني حد .. ولا رأي حد.. واللي مش بيحبني وانا كده يبقى مش عاوزاه يحبني اصلا ..
خلصتي ..!
تعرفي انك فنظري اجمل بنت فالدنيا .. وانوا ستات العالم كلها ميجوش حاجة جمبك .. تعرفي اني مبقتش اشوف ست فالدنيا غيرك ..
قاطعته بذهول
اجابها بجدية
لانوا اللي بيحب حد بجد بيشوفه اجمل شيء فالكون .. مش بيشوف غيره اصلا ..
بيحب ..!
نطقتها بعدم تصديق ليومأ برأسه وهو يعترف اخيرا بما خبأه طويلا
ايوه بيحب .. انا بحبك يا ملك .. بحبك ..
شعرت بقلبها ينبض پعنف بينما لسانها يرفض ان ينطق بحرف واحد .. ظل يتأمل جمودها وذهولها بهدوء قبل ان يكمل بجدية
سيلين جات يا ابيه .. هي تحت وعاوزة اطمن عليك ..
تطلع جاسر الى ملك التي سيطر الوجوم على ملامحها ليهتف بملل
مش هنخلص النهاردة .. هنزل اشوفها ..
ثم تحرك خارج الغرفة تاركا ملك تتابع اثره بقلق وهي تفكر في سيلين من جهة وفي ريم من جهة اخرى ..
حمد لله على سلامتك يا جاسر ..
ابتسم جاسر بتصنع وقال
الله يسلمك ..
قالت جلنار بنبرة ذات مغزى
سيلين جات من بره مخصوص عشانك .. سابت كل حاجة وراها عشان تطمن عليك ..
طبعا وانا عندي كام جاسر .. وهفضل هنا كمان .. هستقر يعني ..
حل الوجوم على ملامح وجهه وهو يتمتم بصوت غير مسموع
كملت ..
روحي يا سيلين ارتاحي فإوضتك ..
ابتسمت سيلين لجلنار وسارت متجهة نحو غرفتها بينما استدار جاسر لوالدته وسألها
هي ايه الحكاية ..! يعني ايه هتستقر هنا ..!
متمثلش انك مش فاهم حاجة يا جاسر .. انت عارف انوا سيلين بتحبك ومن زمان كمان .. وهي اكتر واحدة مناسبة ليك بعد ما تطلق ملك .. اديك جربت وخطبت ريم على مزاجك وشفت طلعت ايه .. سيبني اخترلك وحدة على مزاجي المرة دي ..
قال جاسر باندفاع
مين قال اني هطلق ملك ..!
نهضت جلنار من مكانها وقالت
ده كان اتفاقنا من الاول .. كام شهر وتطلقها ..
رد جاسر بحزم
الاتفاق ده ملغي بالنسبالي .. انا مش هطلق ملك .. وهي هتفضل مراتي لاخر يوم فعمري ..
صړخت جلنار بلا وعي
نعم .. المتخلفة دي تبقى مراتك ..
قاطعها پغضب عارم
إياك تغلطي فمراتي او تتكلمي عنها بالشكل ده .. ملك خط احمر بالنسبالي .. مش مسموح لأي حد يتخطاه ..
نظرت جلنار اليه بعدم تصديق ليكمل بحسم
لو دايقتيها فأي كلمة فأنا ساعتها هاخدها واسيبلك البيت باللي فيه .. فلو عاوزانا نفضل هنا يبقى تحترميها وتحبيها كمان ..
ثم خرج مندفعا من المنزل تاركا والدته في اوج صډمتها ..
....................................................................
صڤعة قوية تلقتها ريم على وجهها جعلت الدموع تفر من عينيها ..
حقېرة .. انت عارفة عملتي فينا ايه .. دمرتينا كلنا .. وډمرتي حياة اختك ..
قالها حامد پغضب وكره كبيرين لتجثو على ركبتيها امامه وهي تهتف برجاء
سامحني يا بابا .. انا عارفة مدى غلطي .. واوعدك اني هصححه ..
ازاي يا هانم ..!
سألها پغضب تحت انظار خالد الذي كان يتابع الوضع بضيق لترد بجدية
جاسر بيحبني وهيسامحني لما يعرف السبب اللي هربت عشانه .. وساعتها هيطلق ملك ويرجعلي وكل حاجة هتتحل ..
صاح حامد بعدم تصديق
انت اټجننتي ..! ده جوز اختك .. يرجعلك ازاي ..! عاوزة تتجوزي الراجل اللي اتجوز اختك ..
قالت بسرعة
تدخل خالد فالحوار قائلا
ريم معاها حق .. هو ده الحل الصحيح .. جاسر يرجع لريم وانا اتجوز ملك .. كل واحد ياخد مكانه الصحيح ...
تطلع حامد اليهما وهو يهتف بعدم تصديق
انتوا تجننتوا ..!
ثم اكمل
اللي بتفكروا ده مستحيل يحصل ..
ليه ..!
سأله الاثنان بعدم فهم ليرد بنبرة ذات مغزى
انتوا لسه متعرفوش طبيعة العلاقة بين جاسر وملك وصلت لفين عشان تبقوا واثقين من انهم هيرجعوا ليكم
