احببت مچنونة

ليه مش كيوت زي هشام
ياسمين_ ههههه هشام كيوت
مي _ اه كيوت ومحترم معملش فيكى اللي عمله مراد من اول مره 
ياسمين _ عندك حق لا وكمان باله طويله. بالك لو حد غيره على اللى بقولهوله كل شويه كان ڤضحني مع ماما واحمد اخويا 
مي _ اممم قولتيلي 
ياسمين _ ميييي امشي من وشي انتي بقيتي رخمه ودمك مش خفيف ع فكره 

مي _ ههههه الله هو انا اتكلمت انتي ليه علي راسك بطحه 
ياسمين _ مي لا ونبي متعمليش كده بجد بتلخبطيني وخصوصا اني عارفه ومتاكده ان مفيش حآجه في قلبي من نحيته 
مي _ افتكر لو مفيش حآجه في قلبك من نحيته تلمحاتي مش هتلخبطك 
ياسمين _ اسكوتي اسكوتي بلاش فلسفه انااااا مش بحب هشام ولا هحبه 
مي _ زعقي اكتر في واحد هناك لسه مسمعش استني اندهولك تقوليلوه 
ياسمين _ ما انتي اللي بتستفزيني 
 
في العربيه
هشام _ترارارارا بهوااك واتمنا لو انساك وانسا روحي وياك 
مراد _ يا سيدي ياسيدي ايه الحكاية 
هشام _ حكاية ايه يا فكيك 
مراد _ بتغني وطربان ايه الدنيا 
هشام _ مفيييش اي حآجه بدندن فيها ايه دي 
مراد _ اه بتدندن طيب 
هشام _ ها ناوي علي ايه 
مراد _ ناوي علي ايه في ايه 
هشام _ مي يابني هتروح بكره ولا لا 
مراد _ يييييه دا انا نسيت خالص تصدق انا متردد ازاي هقول ل ماما وبعدين يطلع الموضوع لعبه ما انت عارف هي ھتموت وتجوزني 
هشام _ ههههه طيب والله ياريت انت مبتجوزش ليه صحيح 
مراد _اتجوز واحده ست انت اټجننت يا هشام 
هشام _امال هتجوز واحد راجل يعني 
مراد _ لا ياعم مش ناقصه زن وشغل لو مهتم كنت عرفت لوحدك انا خلقي ضيق 
هشام _ ههههه طيب ما دا حلو بردو انت بس اللي بتحب الحريه شويه 
مراد _ ياعم عدي سيبك مني انت ناوي علي ايه مع ياسمين 
هشام _ ولا حآجه هما شهرين وخلاص كل حآجه هتنتهي 
مراد _ نفسي اعرف ايه جابرك على الحكاية دي يعني تسيب شغلك ومصالحك علشان تحقق أحلام واحده متعرفهاش 
هشام _ طيب وفيها ايه ما انا كمان بتفسح معاها وبعيش معاها حلمها ده 
مراد _ بس كده
هشام _ بس كده ايه 
مراد _ يعني مفيش سبب تاني كده ولااا كده 
هشام _ عاوز تقول ايه 
مراد _ ولا حآجه 
هشام _ طيب ايه انا رايح بكره ل ياسمين اعدي عليك علشان تروح لاهل مي ولا ايه 
مراد _ مي مين 
هشام _ يخربيتك انت لحقت تنسا 
مراد _ايوه ايوه افتكرت اي القرف ده مش مصدق اني هروح اتقدم للبت دي حتى لو كدب دي شبر ونص وقفت جمبها موصلتش لنصي يا هشام 
هشام _ ههههه معلش تعاله علي نفسك شويه 
مراد _ ماشي ياعم
بيت ياسمين 
ياسمين _ استر أكيد مستنياني وهتنفخني انا هتسحب واروح انام واقولها راجعه من بدري 
الام _ ايوووه اتسحبي على اساس اني مش هشوفك تعالي هنا 
ياسمين_ ماما وحشتيني اووي اااه يا ماما ما تعرفي اللي حصل لبنتك 
الام _ حصل ايه انطقي الواد عملك حآجه 
ياسمين_ ياااريت ياريت يا ماما اعااا 
الام _ يامصيبتي ما تنطقي وقعتي قلبي
ياسمين _ عارفة الدريس اللبني اللي اشترناه انا وانتي ب 500 الشهر الفات الحلو ابو حزام ورد ده 
الام _ اه مالو ما تخلصي 
ياسمين _ عدينا جمب محل هدوم انا والبت مي بعد ما سيبنا هشام ف لقينا واحد شبه بالملي هناك دخلت اسأل علي السعر تعرفي قالي بكام 
الام _ نعم يختي دريس ايه. دريس ايه يابت خدي 
ياسمين _ الشبشب لا يا ماما ونبي ونبي 
احمد _ يارب علي الدوشه مالكم 
الام _ اسكت انت تعالي هنا يابت قوليلي ايه اخرك احسنلك 
ياسمين _ ماهو انا لما لقيته ب سعر اقل منه ب 150 جنيه تعبت وجاني هبوط وقولت هي ايه فلوس حرااام وشوحت كده 
الام _ واد امسكهالي وهاتها 
احمد _ حاضر جالك يوم وانا كنت مستنيه تعالى هنا 
ياسمين _ اعاااا ماماااا بلاش احمد ايده دبش ونبي 
احمد _ مش هسيبك ماما تحبي ارميها من البلكونة 
ياسمين _ احمد سيبني وانا هعملك كيك ونبي وقف بقا تعبت 
احمد _ وقفي عندك كيكة شيكولاته وانا اسيبك 
ياسمين _ وعليها فرواله وموز وتدافع عني 
احمد _ وتحطيلي عليها كريز وانا اهديها من نحيتك
ياسمين _ اتفقنا 

الام _ ياسمين تعالي عاوزه اتكلم معاكي 
ياسمين _ ماما انا عارفة اني اتاخرت انا اسفه بس والله الوقت سرقنا 
الام _ خلاص اللي حصل حصل بس انتي لازم تعرفي ان الوضع ده مينفعش هشام لازم يعمل خطوه مجرد الكلام والموافقه مينفعش الناس تاكل وشنا 
ياسمين _ يا ماما انا مش عاوزه ارتبط رسمي غير لما اعرفه كويس 
الام_ محدش قالك متعرفهوش انتو تتخطبو رسمي وبعد كدا معاكم لسنه تعرفو بعض ولا انتي يعجبك الحال المايل 
ياسمين _ يا ماما ماهو 
الام _ مش عاوزه اسمع كلمه هو اكيد هيجي بكره زي كل يوم وانا هقوله الكلام ده بنفسي 
ياسمين _ مش هيجي بكره بيقول مش هيقدر 
الام _ خلاص وقت ما يجي 
ياسمين _ ماشي استأذنك تليفونك اكلم مي 
الام _ اهو عندك يلا تصبحي علي خير 
ياسمين _ وانتي من اهله 

ياسمين _ آية الورطة دي كدا مش هينفع انا لازم اكلمه واقوله ميجيش وكمان يلغي الاتفاق
تليفون هشام يرن
هشام _ اهلا يا طنط 
ياسمين _ انا ياسمين 
هشام _ ياسمين عامله ايه دلوقتي 
ياسمين _ بخير 
هشام _ دايما بخير 
ياسمين _ هشام انا كنت متصله بيك عشان اقولك متجيش تانى 
هشام _يعنى ايه حصل منى حآجه 
ياسمين _ لا خالص بس ماما ډخلتنا فى الجد وعاوزه خطوبه وارتباط رسمي وده مش هينفع 
هشام _ اممم طيب انا ممكن اخطبك بجد 
ياسمين_ ميرضنيش ايه ذنبك تورط نفسك مع واحده عاوزه تتسلي وخلاص 
هشام _ ياسمين متبقيش هبله احنا صحاب يعنى هكمل معاكي للاخر وبعدين انا مبسوط يا ستي 
ياسمين _ متشكره يا سيدي بس خلاص انسا الموضوع مع السلامه 
هشام _ ياسمين الو.. يابنت المچنونة ماشي مش بس بمزاجك تبتديها وتنهيها لوحدك 
تاني يوم..
بيت مي الجرس بيرن
الأب _ بت يا مي روحي شوفي مين 
مي _ مش فاضيه يا بابا بمسح المطبخ 
الاب _ روحي افتحي بدال ما اجيلك 
مي _ يوووه بذمتك ينفع افتح بمنظري ده ولا شعري الملخبط ده 
الاب _ حلوه حلوه روحي افتحي بدال ما اقوم لرذل اللي فاكر الجرس لعبة امه 
مي _ هروح اهو يارب بقا انت عارف 
ميييبن جايه يازفت. نعم يالهوي هو انت 
مراد_ يييع مش ممكن الحمدلله اني مجبتش امي معايا ايه القرف اللي عملاه في منظرك ده 
مي _ انت ايه جابك في نهارك الاغبر ده مش كنت تتصل 
مراد _ خدي ام الورد ده في وشك انتي يتجابلك ورد انتي انا غلطان اني عبرتك 
الاب _ مين اللي بيجعر عندك يابت
مي _ م معرفش يا بابا انت مين ياجدع انت ونبي ونبي متزعلش اششش 
مراد _ ع فكره هقوله
 

علي كل حآجه واخليه يعلقك من شعرك 
الاب _ انت مين يافندي 
مراد _ احم انا انا مراد 
الاب _ موراض مين 
مراد _ لا مراد بالدال مش بالضاد يا عمي 
الاب _ دا هيعلمني هو انت من فصول محو الاميه وانتي واقفه ليه ما تدخلي مش مكسوفه يشوفك بهدومك الداخليه كده
مراد _ هدوم داخليه دي الهدوم اللي بنضف بيها المطبخ انضف منها 
الاب _ بتقول حآجه يا فندي 
مراد _ لا يا اونكل اقصد ياعمي بس انا كنت جاي اشرب مع حضرتك القهوه 
الاب _ مفيش قهوه ينفع اليانسون 
مراد _ الله يقطع معرفتك يا هشام اه ينفع ياعمي اي حآجه ان شاءلله ميا 
الاب _ تعاله فضي الطرقه يا واد 
مراد _ طرقه! منك لله يا هشام 
الأب _ اتفضل اقعد 
مراد _ متشكر 
الأب _ خير يافندي 
مراد _ انا كنت جاي اطلب ايد كريمة حضرتك 
الاب _ لا يافندي انا معنديش حد اسمه كريمة 
مراد _ كريمة كريمة يعني بنت حضرتك 
الاب _ ااااه بنتي مالها 
مراد _ يا فندم انا عاوز اتجوز بنت حضرتك 
الاب _ يالف بركه دقيقة واحدة هوقفهملك طبور وانت نقي ههههه والله عمري ما عملتها مع حد قبل كده حتي مرعي الز بال راجل مقتدر وفي ايده صنعه حلوه بس لا لكن انت شكلك راجل نضيف واد يا حماده هات اخواتك الخمسه طبور من الأكبر للأصغر 
مراد _ ايييه لا لا انا عاوز مي بس 
الاب _ مي واشمعنا يعني انت شفتها فين 
مراد _ هه اه اه شوفتها ف كافتيريا بتشرب كابتشينو لاتيه 
الاب _ ايوه بردو مقولتليش شوفتها فين
التفاعل يحبايب قلبي 
احببت_مجنونة 
البارت_6

في بيت ياسمين 
الام _ ياااسمين انا بكره استحمامك ايه يابنتي عفنتي اوي كده 
ياسمين _ يووه هو كل مره كده ما انتي عارفه اني بحب استجم في المياه 
الام _ طيب اخلصي مش وقت استجمامك انا عاوزه استحما ريحتي كلها بصل 
ياسمين _ ماشي ياستي استني بس اللبس القميص ولا تحبي اخرج كده
الام _ ماشي بس اخلصي ايووه أخيرا طلعتي وسعي كده
ياسمين _ انا مش عارفه مستعجله علي ايه خلاص اثيوبيا هتقطع عننا المياه دلوقتى حالا يووه مين ده كمان 
الام _ افتحي دا احمد 
ياسمين _ خليه يخبط لصبح مش هفتح كده أبدا 
الام _ يابت اخلصي عارفه اخوكي بيضايق لما بنتاخر في الفتح 
ياسمين _ ماشي ماااشي هفتح اهو ما تبطلي رط انتي كمان فيه ايه يعني القميص مبين نص درعاتي وركبتي دا اخويا عادي يعني 
ايوا يا منيل حبكت تخبط دلوقتى مخدتش المفتاح ليه...... تشهق بصوت عالي
هشام _ يغمض عنيه انا اسف جدا مشفتش حآجه انا اسف 
ياسمين _ تجري للاوضه ينهار اسود ازاي يشوفني كده ازاي وايه اللي جابه دلوقتي يارب اوريه وشي ازاي ماما في الحمام يوووه خلاص بقا البس العبايه واطلعله وامري لله 
هشام _ ههههه قصيره بس موزه 
ياسمين _ انت بتكلم نفسك ايه جابك دلوقتي 
هشام _ يبصلها ويسكت يخربيت جمالك ازاي مخدتش بالي قبل كده 
ياسمين _ انتاا ايه اطرشت ثم ازاي متقولش من برا الباب انك انت 
هشام _ مالك يابت بتزعقي ليه 
ياسمين _ عشان انت قليل الذوق 
هشام _ وايه اللي حصل يعني علشان ركبتك وحته من درعاتك بانت خلاص كده بقيت قليل الذوق 
ياسمين _ يا نهارك اسود انت لحقت تشوفني ازاي 
هشام _ اتلككي اتلككي قال يعني مكنتش عارفه مين علي الباب فين طنط اقولها علي عملتك 
ياسمين _ انت بجح طنط بتستحما ولو مسكتش هروح انا اقولها علي قلت ادبك 
هشام _ اشششش ما خلاص المستور بان 
ياسمين _ ق قصدك ايه يا جدع انت 
هشام _ ركبك سوده اوووي بلاش تبينيها تانى مفهاش اڠراء 
ياسمين _ هسيح دمك يا زباله 
هشام _ اهدي اهدي سيبي الفاظه 
ياسمين _ اسيح دمك الاول يا حقېر 
هشام يمسك ايدها ويثبتها علي الحيط ويبصلها بإبتسامة
ياسمين _ ابعد عني احسنلك 
هشام _ لا مش هبعد 
ياسمين _ هشام متستهبلش وربنا هصوت 
هشام _ صوتي ويقرب منها
ياسمين _ الحقوووووني اعوذ بالله ايه ده انا فين 
الام _ في ايه يابت مالك وكله ده نوم الضهر هيدن 
ياسمين _ هو فين 
الام _ هو مين انتي بتحلمي ولا ايه 
ياسمين _ حلم! ازاي دا كان هي.. 
الام _ كان ايه وهو مين 
ياسمين _ مفيش مفيش انا هروح اغسل وشي وسعي 
الام _ مالها دي
في الحمام 
ياسمين _ حلم ازاي مالك يابت هتخيبي ولا ايه نهار اسود اوريه وشي ازاي انتي غبيه يابت ده حلم يعني اكيد مش هيعرف وبعدين انا قولتله ميجيش 
الام _ ميين! جايه اهو اهلا وسهلا يابني اتفضل 
هشام _ متشكر يا طنط عاملين ايه 
الام _ نحمد ربنا اتفضل في الصالون 
هشام_ امال فين احمد وياسمين 
الام _ احمد خرج وياسمين جوه اتفضل هندهالك 
هشام _ لا مش دلوقتى اتفضلي 
الام _ ايه ده يابني 
هشام افتحي وشوفي 
الام _ دهب! قصدك ان دي شبكة ياسمين! 
هشام ايوه يا طنط انا حابب اشبكها خلاص عرفنا بعض هنأجل ليه 
الام _ يا لهوي دا انا كنت.. 
هشام _ كنتي ايه 
الام لا ولا حآجه يابني عن اذنك هنده ياسمين 
هشام_ اتفضلي...... ياترا هيكون رد فعلك ايه يا ياسمين ماهو انا مكنش ينفع اخلا بيكي بردو ولازم اكمل اتفاقي معاكي للاخر 
الام _ بتعملي ايه تعاااالي عارفه مين برا 
ياسمين تبص للقميص اللي لبساه بعد الاستحمام وپخوف متقوليش هشام 
الام _ عرفتي ازاي 
ياسمين _ يختاااي وسعي فين العبايه ماااما هي فييين 
الام _ ربنا يكملك بعقلك يابنتي مالك 
ياسمين _ فيين العبايه بتاعتي بسرعه استر نفسي 
الام _ تستري نفسك ايه هو حد قالك انه هيجي الاوضه ما تتنيلي تلبسي اي حاجه من الدولاب علشان تطلعي تشوفي خطييك 
ياسمين _ انا لاااا انا تعبانه حتى شوفي كده وسعي هنام روحي قوليلوه عيانه عندها كرونا 
الام _ كفالله الشړ تعبانه بجد يابت 
ياسمين _ ايوووه يا ماما ودي فيها هزار روحي مشيه بس 
الام _ خلاص هروح امشيه واتصل بالدكتور ما داهيه تكون كرونا بجد 
ياسمين _ ايوه ايوه روحى هتغطا ب بطنتين الحلم هيتحقق الحلم هيتحقق اعااا
الام _ معلش يابني هي تعبانه شويه مش هتقدر تقابلك 
هشام _ مالها ايه تاعبها 
الام _ مش عارفه والله يابني هي بتترعش وتقول تعبانه 
هشام _ طيب ممكن اشوفها 
الام _ مش هتقدر يابني هي نامت 
هشام _ طيب هتساذنك ادخلها 
الام _ طيب دقيقه كده 
الام بتفتح الباب تلاقها متغطيه 
تعاله يابني اتفضل ياسمين هشام جاي يشوفك 
ياسمين _ يارب بقا امي مينفعش ابدلها يارب ما يشوفني انا هعمل نفسي نايمه
هشام _ يا ساتر ايه الغطا ده كله هي مش حاسه بالحر ياسمين انا هنا 
الام _ مبتردش شكلها نايمه 
هشام يقرب منها ويشيل الغطا عن راسها ويحط ايده علي جبينها وهي تستمر في التمثيل انها نايمه 
هشام _ غريبه حرارتها طبيعية طيب ممكن سبرينه لو عندك 
الام _