نوفيلا نيللي

هتتسكعى على قفاكى. ثالثا انتى مش مضمونة يا نيلى و اعتقد فهمانى بتكلم عن ايه
نيلى يعنى انا تحت المراقبة
ادهم بغزل لا قصاد عنيا
نيلى اتحمحمت انا داخلة التواليت
و فضلوا يكملوا شغلهم و اتعلمت منه حاجات كتير متنكرش ان لادهم خبرة فظيعة فى ادارة الاعمال و اجروا بعض الزيارات للمصانع و شافت جانب جديد من ذلك الادهم الانسانية شافته بكل مكانته دى بيسأل عاملة عن احوالها و يستمع ليها بمودة و يطمأن على حال الموظف اللى مراته حامل و يتطمن على العامل الكبير فى السن و على اولاده هل دخلوا الجامعة ام لا وهكذا و انهوا يومهم و اتجهو للمنزل
و هما فى الطريق
نيلى بس انت غير يا ادهم
ادهم عارف
نيلى بضحك للدرجة دى الثقة بالنفس
ادهم اكيد لازم اثق فى نفسى و فى شغلى
نيلى بس يعنى
ادهم قاطعها انا ملخبط منعكش و بكرش صح
نيلى انا اسفة مقصدش و مكنتش عارفة انك سمعت
ادهم دة عادى البنات اللى فى سنك بيفكروا كدة و بعدين لو بتلاحظى هتحسى انى بدأت اظبط نفسى لان المدة اللى فاتت كلها كنت مطحون شغل لازم اثبت نفسى و معتمدش على حد
نيلى بغباء بس انت اعتمدت على جدو واخدت منه شركة
ادهم ضحك باستهتار لو كان هاممنى فلوس جدى مكنتش اعترفلك امبارح
نيلى انت ليه بتعمل كدة
ادهم انتى عارفة درجات الحب
نيلى هو للحب درجات
ادهم اه بصى يا ستى للحب اربعتاشر ددرجة الاولى الهوى و و دى بس اول درجة
نيلى استمعت لكل حرف قاله و قلبها بينبض و بتسأل نفسها هو ازاى كدة هو ايه الانسان دة و بعدين بلعت ريقها انت عرفت الحاجات دى ازاى
ادهم اللى بيحب بجد هيعرفها لوحده و يلا وصلنا يا مدام اتفضلى
طلعوا للشقة فى الاسانسير و نيلى كانت فى منتهى الهدوء و بعدها غير ادهم لبسه و قالها انه رايح مشوار و انها تجهز الاكل و عندها كل حاجة فى التلاجة
سابها فى وسط المعركة اللى جواها و المعركة اللى فى المطبخ
يا ترا نيلى هتعمل اكل ايييه
بارت صغنون علشان البهاريز هتكون في العشا
البارت الخامس
لا اله إلا انت سبحانك اني كنت من الظالمين
عتاب و عقاپ
خرج ادهم و ساب طعمه لسمكته فى البيت علشان يدرس مدى تفكيرها و خرج راح يعمل شوية مقابلات اما عن سمكتنا نيلى غيرت هدومها و عمالة تفكر تعمل ايه قررت اخيرا تدخل المطبخ و تدور على حاجة تتعمل للضيوف اللى جايين فتحت فعلا التلاجة و بصت لكل ما فيها و معرفتش اى حاجة 
نيلى امممممم انا مش عارفة افكر هعملى نيسكافيه يمكن اعرف افكر اتصرف ازاى
راحت شغلت ال kettle الحمد لله لوحدها و عملت فنجان النسكافيه فعلا ثم حطت الفنجان على الكاونتر فى المطبخ و ايه اللى شافته دة دة بجد دة حقيقة تيلفون قالت لنفسها شكل ادهم نسى التيلفون اما انا هلحق اتصرف و خطرتلها الفكرة اللى خطرت لكل الناس اتصلت باحد المطاعم يجيب الاكل و قررت انها هتخبى كل اثار و هتقدم الاكل فى الاطباق و تخبى شنط المطعم و كأنها هى اللى طبخت فعلا اتصلت بالمطعم بس الچريمة دايما بتكون ناقصة او المچرم لازم يسيب اثره
المهم طول الوقت اللى عدى و هى قاعدة حاسة بفراغ فقررت تفتح الفيس بتاعها او تويتر او الانستا و فعلا فتحتهم التلاتة و شافت الصور بتاعة الفرح مغرقة السوشيال كلها و نظرات ادهم اما لبسها الخاتم و اثناء كتب الكتاب اما شالها قدام الناس و متعرفيش ليه فضلت تبتسم زى البلهاء و فجأه قالت لنفسها لا لا انتى عبيطة ولا ايه اما اتطمن على تيمو
و بعتت مسج لتامر تطمن عليه و توضحله ان كل اللى شافه و زعله دة علشان بس جدها و منظرهم قدام الناس و التانى رد عليها انه so what? و طالما اللى حصل دة in public و قدام الناس و مخبرا اياها انه عارف انها مش هتبص للمكعبر دة و تسيب جماله الفاتن الآخذ بروح امه ايوة بروح امه علشان مخڼوقة منه فضلت تكلمه و يكلمها لحد ما جالها رسالته نيلى حوليلى 200 الف جنيه 
نيلى ليه يا تيمو انا لسه كنت حاطة 500 الف فى الحساب المشترك اسحب منه
تامر بدأ يتلجلج جوة منه بس بعتلها مانتى عارفة يا بيب علشان اجيب اجهزة جديدة للجيم و بعدين يا قلبى بفتح فرع جديد و انتى شريكتى فيه
نيلى اوك يا تيمو انا هقفل ناو علشان محدش ياخد باله
تامر بالسلامة يا بيب
نيلة حست بقبضة فى قلبها و خاڤت و التانى قفل معاها و فى نفس الوقت سوزى بتطلع من الحمام لافة على جسمها بشكير قصير
سوزى كلمت الننونسة
تامر اه و هتحولى فلوس بكرة
سوزى المغفلة لو تعرف هي هي هيييييهههههههه
تامر ما تخرسى يا سوزى بقى
اما عند نيلى استلمت الاكل و غرفته و جهزت كل حاجة و الحمد لله انها عرفت تعمل عصير فراولة بس عملته healthy بعد معاناة مع الخلاط اللى فضلت قدامه اكتر من نص ساعة علشان تشغله بس و جه ادهم و علامات ااغضب تكتسى وجهه بس بيحاول يداريها
نيلى بدلع اتاخرت و سبتنى اخلص كل الاكل لوحدى
ادهم بخبث اما نشوفك قد المهمة ولا لا يلا اجهزى و انا هجهز علشان بابا و ماما و جدو على وصول 
نيلى بحماس اوكيييييه
راحوا جهزوا نفسهم و ادهم فى اوضته قدام المرايا ماشى يا نيللى ماشى يا نيللللى هتتعاقبى على حركة الاكل و على كلامك مع تامر زفت و انت يا تامر الزفت هكشف كل حركاتك ماشى
فلاش باك ادهم رجع الشركة اما ساب نيلى و جاله جمال و قاله الاخبار
جمال بس يا ادهم بيه دى ورقة بعقد الجواز بتاع تامر مع سوزى 
ادهم ضيق عنيه و باستفهام عرفى
جمال لا يا باشا رسمى من شهر و نص
ادهم وشه كله احمر من الڠضب اه يا ابن الو.......... 
و فى وسط الحديث موبايل ادهم رن ب notification ان نيلى اون لاين وجه الامر بسرعة لجمال جمال افتحلى برنامج المراقبة اللى قلتلى عليه
جمال فعل البرنامج على اللاب بتاع ادهم و ادهم شاف محادثة نيلى مع تامر و الڠضب بقى يسرى فى كل عروقة
ادهم طب يا جمال متشكرين خد الظرف دة و عاوزك بقى تعرفلى كل حاجة عن حساباته و فلوسه و أملاكه
جمال انت تؤمرنى يا ادهم بيه
ثم انصرف جمال و ادهم اول ما خرج دمعة نزلت من عنيه مسحها بسرعة و قال لنفسه ماشى يا نيلى انا خعرف انسيكى الكلب دة عمال ينهش فيكى و تقوليلى بتحبيه
باك للحاضر وصل الجد و معه الدادة انعام و الاب خليل و الام سعاد ثم اتيا ياسمين و حسن و بدأت مراسم العشاء
نيلى حطت الاكل على السفرة و بمنتهى الثقة اتفضلوا يا جماعة
ياسمين مش معقول انتى اللى عملتى كل دة 
نيلى طبعا يا بنتى. اتفضل يا جدو. اتفضلى يا انط سعاد و اتفضل يا اونكل
ادهم واقف و بيبتسم رغم كل غضبه منها فهو يعلم انها مصاپة بمرض الحب زى ما بتدعى الا انه يرى ان محبوبته مصاپة بمرض الامبخار بالمناظر الخداعة و لازم يفوقها بس بس بس لازم تتعاقب
ادهم موجها كلامه لحسن اتفضل يا حسن انت و خطيبتك منورينا والله
حسن بسم الله ماشاء الله انا مش مصدق نفسى من السفرة و الاكل اللى عليه
ادهم بصوت خفيض كل شئ سينكشف و يبان و بكرة ټندم يا نداغ اللبان
نيلى بصتله باستفهام فى حاجة يا ادهم 
ادهم لا بس مش مصدق انتى طلعتى شطورة
سعاد
والله كان قلبى حاسس دى تربية انعام
الجد بتريقة اومال يا انعام
انعام بصوت خفيض و الله يا مرتضى بيه انا اللى مش مصدقة نفسى
جلس الجد على رأس السفرة و على يمينه ادهم و بجانبه نيلى و بجانبها ياسمين و حسن و على الجانب الايسر خليل و سعاد و انعام
الجد يلا نبدأ بسم الله
خليل هو مش عمك قال هيجى يا ادهم
ادهم اعتذر. والله هيفوته اكله انما ايه. يلا احنا نبدأ 
بدأ الكل بالاكل و منبهر بالطعم و الاصناف و الاشكال و الانواع
سعاد بسم الله ماشاء الله لحقتى تشوى كباب و كفتة و تنضفى بعد الشوى كمان بسم الله ماشاء الله 
الجد بتعجب لادهم دة بجد 
ادهم باصص لمامته اومال دة نيلى ابو شقرا او الدهان مش متأكد
و هنا بتشرق نيلى و تفضل تكح فادهم يناولها كوباية المياة لا اجمدى كدة امتى تعبتى ولا اييييييييه
الجد بيميل على ادهم و بصوت خفيييض اضرررررررب
ادهم ابتسم و ياسمين سألت هو انتى عملتى الحمام دة ازاى 
ادهم مال على جده ض ر ب
نيلى يا بنتى دة سهل جدا 
ياسمين بتعجب بجد 
حسن ضړب ياسمين فى رجلها علشان تسكت فهو كمان فاهم كل حاجة و مستغرب من بلاهة سؤال ياسمين
خليل والله يا نيلى انتى غلبتى كل ستات العيلة حاجة تشرف
ادهم انا بفكر افتحلها مطعم يا بابا لا و ممكن اسميه الحمام الكدااااب
نيلى بتشرق للمرة الالف على الاكل 
خليل و هو مكشر ايه يا واد الاسم دة
ادهم بابتسامة خبث خلاص نسميه مطعم نيلى كابر
و هنا الجد ابتسم بعد ما بص على وش نيلى اللى كله بقى زى الطماطم و مال على ادهم شكله فعلا من صبحى كابر
ادهم هنعرف يا جدى متقلقش
و قضوا فترة الاكل كله على هذا الحال الى ان انهوا الطعام
ادهم بكل ثقة وانا بالمناسبة الحلوة دى و ان نيلى فعلا ابهرت العالم اجمع هنعملكم حفلة شوى الجمعة الجاية و كمان معاها محاشى
مكملا و بيلعب حواجبه لنيلى مش هتنزلى بالحلو ولا ايه 
نيلى حاضر هشيل الاكل و اجهزلكم الحلو 
مكملة بكل سعادة بس هصبلكم عصير فراولة الاول
ادهم لنفسه سيد البواب مقلش موضوع العصير دة ربنا يستر
نيلى تهم لتقجيم العصير ادهم وقفها والله مانتى تاعبة نفسك يا حبيبة قلبى انا اللى هصب العصير ارتاحى شوية
قلبه حاسس
سعاد بمنتهى الفخر شايفين ابنى بيقدر مراته ازاى 
ادهم بيبتسم و بيقول بصوت واطى انا فعلا هكدرها و بعد كدة على صوته اوماااال انا عندى اغلى من نيلى
راح على المطبخ طلع العصير و قال يدوقه الاول و مع اول رشفة يبيع اخس عليكى يا نيلى دة العصير نيلة خالص
فجأة الكل سمع طاااااااخ الشفشق وقع اتكسر و الكل قام جرى خير فى ايه
ادهم حصل خير وقع ڠصب عنى اتفضلو انتو وانا هلم كل حاجة و ميل على نيلى اهو احسن ما كانوا يشربوه و يتسممه طعمه زفت بجد و
حسابك بعدين
نيلى بكل ثقة انت اللى