العشق بطريقة
انت في الصفحة 18 من 18 صفحات
كما اعتادوا دوما
اتجهت سريعا للمرحاض لتستعد للذهاب للكوافير لتظل بجوار ريما...عروسة أخيها
بعد مرور نصف ساعة
كانت تغلق باب المنزل بنفس الوقت الذي فتح هو فيه بابه لتلتفت له بابتسامة فهي اليوم سعيدة عموما وستحاول اسعاد الجميع
هتفت ببسمة جميلة
_صباح الخير
رد ببسمة اجمل علي كلماتها قائلا
_صباح الفل
ثم تساءل بفضول
أميرة
_بدري من عمرك الساعة داخلة علي 11...المهم رايحة مع عروسة اخويا...متنساش انهاردة كتب الكتاب اكيد هتيجي انت وطنط
عبد الرحمن
_اكيد
أميرة وهي تلوح بيدها علامة الوداع
_اوك...عقبالك...سلام بقي نتقابل بليل
ثم هبطت ليهمس هو
_عقبالنا في يوم واحد أن شاء الله ...سلام يااميرتي
عبر اتصال هاتفي بين... امير معتز
_اهلا باللي مبيسألش
امير ممازحا
_انت عارف الشغل مع صاحبك بيبقي ازاي
معتز
_بتكلمني ازاي صح برقمك وهو ممنوع
امير
_انهاردة سماح ياعم
معتز بتعجب
_لية خير بلال سخن ولا اية
امير
_لا مش سخن بس انهاردة كتب كتابي يااخويا
معتز
_والله...مبروك ياريس
امير
_الله يبارك فيك...وعقبالك
معتز ببسمة بحزن
_لا انا مش بتاع جواز
امير
_بلال باشا نفسه محدش كان متوقع أنه يتجوز ويرتبط في يوم من الايام واهو متجوز ياعم...المهم هتيجي ماشي
_لا اعفيني...مش هقدر والله
امير
_مليش دعوة هتيجي يعني هتيجي...وبعدين يمكن تلاقي نصك التاني هناك
معتز
_لازم يعني
امير
_ايوة...مفيش مجال للاعتراض اصلا
معتز
_خلاص ياعم هاجي والأمر لله
امير
_هبعتلك العنوان علي الواتس ...يلا سلام
معتز
_سلام
في وقت العصرية
كان النهار علي وشك الانتهاء والجميع مشغول وهي وحيدة بذلك القصر لا تعلم كيف ستذهب الي ذلك الحفل ولكن ما تعلمه أنها يجب أن تكون هناك مهما كلفها الأمر ومهما اتعبها
هبطت دراجات السلم بخطوات سريعة فهي ترتدي ملابس منزلية مريحة عبارة عن بنطال اسود يصل لنهاية قدمها ضيق تماما ويفصل تفاصيل قدمها الدقيقة وكنزة خضراء تصل لمنتصف بطنها وفقط
كانت ملابس مريحة جعلتها تهبط درجات السلم قفزا حتي وصلت للطابق الارضي
لتتجه لناحية مكتبه وتطرق الباب وتدخل اخيرا بعد أن سمح لها بذلك
_بلال انت مشغول
كان ينظر لبعض الأوراق أمامه يطالعها بأنتباة لكنه تركها ونظر لها قائلا
_لا مش مشغول...عايزة حاجة
فريدة برجاء
_ممكن توافق اروح حفلة كتب الكتاب..ارجوك
بلال
_هتكون أمتي
فريدة بفرحة
_الله...ميرسي يابلال اوي هروح اجهز بقي
بلال بتعجب
_انا قلت اني موافق وانا مش واخد بالي..انا بسأل عن الوقت ولا الوقت معناه موافق بس بلغة تانية
_انا قلت بما انك سألت عن الوقت يبقي وافقت
بلال
_انتي عايزه تروحي ليه
فريدة
_ريما صديقة طفولتي وطول عمرها بتقف معايا
ثم كملت بحذر
_وامير صديق ليا دا غير أنه تؤام صحبتي التانية
بلال
_تمام روحي اجهزي
اتسع مبسمها اتساع كبير بسعادة وهي تقول
يبدو أنه عاشق ولهان ونحن لا نعلم..
تجهزت سريعا لتذهب لذلك الحفل
ثم هبطت بخطوات سريعة سعيدة نحو الأسفل وانتظرت خروجه من المكتب حيث اخبرها أنه سيذهب معها
ولكن عندما هبطت وخرج هو من مكتبه ونظر لها
فتح عيونه بزهول وڠضب عڼيف وهو يقول بنبرة ارعبتها
_اية المسخرة اللي انتي لبساها دي
يتبع...
رأيكم...
