ما وراء الطبيعه

منير
حضرتم لخدمتي
_مستدعون لا خدم معينون لا مملوكون فاتباع طالونغار ومليكهم لا يخدمون
فظهر على وش منير الڠضب وقال
اذن انصرفوا بحق سميتروس وأخريستوس
انصرفوا بحق سميتروس وأخريستوس
انصرفوا بحق سميتروس وأخريستوس
ساعتها ظهر صوت ضحك زي ما يكون جاي من وسط بير سحيق في أرض صحرا بعيده
_والآن خالفت عهدك
وقتها طار جسم منير اترزع في الحيطة وبدأ نور الشمعة يزيد ويعلى اثناء ما كان منير پيصرخ وبيطلب النجدة
لكن في لحظات كان جسمه متفحم وعينيه دبلانين وفي نفس الوقت اتفتح باب الأوضة وبدأت الڼار تنتشر بسرعة رهيبة
كانت بتاكل كل حاجة في طريقها
لحد ما حړقت الشقة كلها بما فيها
حتى مراته وبنته اللي كانوا نايمين في أوضه تانيه
كانت مراته حاضنه بنتها
والاتنين بيصرخوا
لغاية ما ولعت الڼار في اجسامهم
وفي ثواني اتفحموا
بعدها بدأت ملامح اوضتي تظهر تاني بخفوت لما سمعت صوت جاي من فوقي
_لا تبتئس فلك هدايانا وعلينا حمايتك
وبعدها اختفى الكيان اللي كان ظاهر عند طرف عيني وانقطعت الاصوات
فقعدت على الأرض في مكاني
كنت حاسس إن رجليا مش شايلاني
جسمي كإنه مافيهوش أي قوة
ورعشة بتسري في كل حته فيه
مع دموع مابتقفش
وانا قاعد بفتكر منظر منير وأهله وهم بيتحرقوا وبدأت وانا على حالي العاجز حتى عن الحركة
استرجع ايامي معاه
من ساعة ما جيت سكنت هنا واتعرفنا
وبدأ من بعدها ييجي يسهر عندي وبقينا اصحاب
لغاية ما أبوه م١ت
ومن بعدها بدأت مشاكله
خاصة لما أخوه أكل حقه في ميراث أبوهم اللي كان منير بيحلم إنه بيه هيقدر يحسن حياته بدل ما هو قاعد في شقة إيجار وعايش على مرتبه بالعافية
وبدأت اتعايش معاه كل محاولاته في إنه يرجع ولو جزء من حقه في الميراث طوال سنتين او اكتر..
قعدات صلح يرفضها اخوه
ناس يكلموه وبردو يقول ان الأرض كلها حقه وهو اللي عملها
قضايا تطلع على فشوش بسبب توكيل من ابوهم كان معاه من قبل ما ېموت
________________________________________
لغاية ما منير كان مڼهار نفسيا لدرجة إن لما واحد زميله في الشغل عرض عليه إنه يلجأ للدجالين وأنهم هم اللي هيجيبولوا اخوه راكع تحت رجليه
سمع كلامه وبدأ يمشي في السكة دي..
فكان كل واحد يروحله منهم يعشمه بالأمل وفي الآخر مايوصلش لحاجة مع اخوه
لغاية ما عدى شهور من غير ما يتقدم خطوة
لكن الأنكى من فشله إن زي ما بيقولوا السحر بدأ ينقلب عليه وعلى اللي من دمه
بدأ يشوف خيالات بتظهر وتختفي لدرجة إنه بقا يتلفت حواليه زي المجاذيب..
وماعدش مركز في شغله ولا في حياته..
اما بنته فبدأ يجيلها حالات تشنج وصرع..
نشاط غير منتظم في نسيج المخ ماكنش معروفله أسباب ولا عرفوا يعالجوه لا بالطب ولا بالشيوخ
وبدل ما منير يتعظ وينسى سكة السحر بعد كل اللي حصله
بدأ يجري وراها اكتر لكن بعد ما قرر انه يخوض فيها ويتعلمها بنفسه
وجواه حاجتين بيحركوه..
حقه المهضوم والظلم اللي واقع عليه
وبنته اللي بقا واثق إن مرضها من السحر
وبدأ يدور ويشتري كتب سواء من على الدارك ويب أو من مكتبات قديمة او حتى من مواقع شړا اون لاين..
كتير منها كان يطلع مزيف
لكن بعد محاولات بدأ يوصل لكتب سحر كان بيقول عليها حقيقية
وبدأ يحكي إنه اكتشف مع الوقت ان كل التعاويذ الموجوده في كتب السحر بتبقى مكتوبه بشفرات..
كلمات مقصود بيها معاني مختلفه
زي مياة الزعفران اللي كان معناها ډم من منطقة النحر
والوردة السودة اللي كان معناها قطة سوده
وضي الڼار اللي كان معناه نور شمعة..
وحاجات غريبة كتير على نفس الشاكلة
وعرف إن في حاجه اسمها تهيئة قبل التحضير
وشروط وعلامات واوقات ومراقب ورسول وروح استدعاء
وعلى الرغم من كل دا
إلا إنه كان بيحاول مرة ورا مرة ومايفلحش لغاية ما من كام ليلة لقيته جالي وهو في قمة السعادة
ومعاه تلات مخطوطات قديمة
________________________________________
كنت وقتها بدأت اتعود على الحاجات اللي بيجيبها دي ويقعد يكلمني عنها لإني حاولت كتير أنصحه وماتنصحش حاولت اتحاشاه بس ماكانش بيبعد ولا بيفهم اني بحاول اتحاشاه
حتى مراته استسلمت لتخاريفه وبقت متجنباه وبتنام هي وبنتها في أوضه وهو في أوضه..
وبدأ ليلتها يشرحلي اثناء التفاتاته الغريبه إن التلات مخطوطات فيهم تهيئة وتحضير واحد من ملوك الجن السفلي واللي هيخدمه هيحل كل مشاكلة
ويحكيلي التفاصيل اللي هيعملها عشان يستدعيه من الأرض السفلى بقوة الكلمة وبعهود السحر
وانه باستدعائه للملك دا لسطح الأرض بينجيه من چحيم الأرض السفلى
وفي مقابل دا
هيكون الملك دا خادم ل منير
وفي الآخر بص لي بعينين باين عليهم السهر والتعب وقال
مفيش حد أثق فيه يكون مراقب غيرك يا يوسف عشان لو حصلي أي حاجه تحمي مراتي وبنتي منهم وترجعلي حقي بإنك تردهم لچحيم أرضهم..
وقتها كنت لسه بعتبر كل كلامه تخاريف فقلت له بهزار
_والمراقب دا بيعمل ايه يا منير
فرد وعلى وشه علامات الجدية
المراقب دا المفروض انه شاهد على عقد الاستدعاء والجن اللي بيستدعى مايقدروش يأذوه وفقا لعهودهم مش وفقا لعهد الاستدعاء وعشان كده قوته قصادهم أكبر من قوة اللي بيستدعيهم نفسه واللي بيستند للعهد وبس
وقتها ضحكت وقلت له
_يعني هبقى ساحر كبير
لكن هو الجدية مافارقتش وشه وقال
المهم إنك تعرف حجمك وتكسر الخۏف جواك..
وسابني بعدها ومشي
ومن ساعتها اختفى لأيام
ماكانش بيخرج خالص ولا لشغل ولا لغيره
لغاية الليلة دي...
اللي حمدت ربنا انها انتهت لما لقيت نور الصبح بيتخلل شباك أوضتي
فقمت وقفت وانا في نيتي حاجه واحده
ألم هدومي وأسيب البيت ده خالص واهرب
فنزلت شنطي من فوق الدولاب وفتحتها
وبعدها فتحت الدولاب عشان الم هدومي
لكن مجرد ما فتحته لقيت حيه راسها بيطلع منه صوت جرس
كانت بتهز راسها يمين وشمال وبتطلع لسانها مع صوت الجرس اللي بيتردد
وبدأت تمد راسها ناحيتي وهي قاعدة فوق هدومي
فرجعت لورا بسرعة وانا بقفل الدولاب فلقيت شنطي الفاضية ولعت فيها الڼار
فجريت على باب الشقة عشان اهرب من غير هدومي ومن غير أي حاجه
________________________________________
لكن حاولت افتحه ماتفتحش
فضلت متعلق في الأوكرة وانا پصرخ
لكن ماكانتش بتتحرك وكإنها قطعة صخر
لما سمعت الصوت اللي جاي من فوقي
_هل تبغي هربا
فاتلفت حواليا زي المذهول وانا بقول بانفعال
هو انا محپوس
سيبوني في حالي
_ليس لك أن ترحلإن رحلت فعد وإلا فلا تلومن الا نفسك..فعندها ستنتهك شرط المراقب الوحيد وهو ان يبقى جوارنا
فقعدت مكاني ورجعت أبكي
الدموع كانت بتنزل بحړقة
مش عارف انا ببكي على منير ومراته وبنته
ولا ببكي على حالي
لغاية ما افتكرت الشنطة اللي كانت بتولع في أوضتي فجريت عليها
لكن لقيتها مطفيه ومافيهاش ڼار
ولما دققت فيها لقيت جواها قطعة صخره صغيرة بتلمع كإنه لؤلؤه أو أي حجر كريم
كانت أصغر من عقلة الصباع
فمسكتها بايدي وفضلت أتأملها
وبعدها بدأت اتلفت حواليا كإني بدور عليهم
كنت عارف انها هدية منهم لكن مش عارف دي حلال ولا حرام ولا ايه بالظبط
بس مانكرش إن دار في دماغي تخيلات لحظية بغنى وفلوس ونعيم..
لكن في نفس الوقت افتكرت منير وبنته ومراته واللي جرالهم
وان الحاجه دي جات على حساب موتهم
وإني إتحملت أمانة أخد حقهم والاڼتقام ليهم من غير اختيار مني ومن غير ما اعرف ازاي هخد الحق ده
فعلى الأقل ما دام مش قادر أو خاېف أأدي الأمانه دي
يبقى مارقصش على جثثهم
المهم إني عينت الحجرة دي لغاية ما اشوف هيحصل ايه في حياتي
وبدأت أحاول أتأقلم وابقى في حالي لاني